পেন্সন অমসুং পেন্সনর্স দিপার্তমেন্তগী: পোস্তমেনগী খুৎথাংদা দিজিতেল লাইফ সর্তিফিকেৎ পীশিন্ননবগী দোরস্তেপ সর্ভিস হায়রিবা ইন্নিসিয়েতিব অসি পোস্ত অমসুং মৈতী দিপার্তমেন্তগী আই.পি.পি.বি.গী ইন্দিয়া পোস্ত পেমেন্ত বেঙ্কনা মাই পাক্না লোঞ্চ তৌখ্রে৷ জীবন প্রামন পোর্তেলগী খুৎথাংদা ওলাইন ওইনা লাইফ সর্তিফিকেৎ পীশিনবগী ফেসিলিতী অসি পেন্সনরশিংনা লাইফ সর্তিফিকেৎ পীশিনবা মতমদা হেন্না খুদোং চাবা অমসুং ত্রান্সপরেন্সী লৈবা ফেসিলিতী অদু ফংহন্নবগী পান্দমদা ২০১৪গী নবেম্বর থাদা ইকাই খুম্নরবা প্রধান মন্ত্রীনা লোঞ্চ তৌখ্রে৷

মতম অদুদগী হৌদুনা প্রসোনেল, পি.জি. অমসুং পেন্সন্স মন্ত্রালয়গী রাজ্যগী মন্ত্রী দা. জিতেন্দ্র সিংহগী লুচিং মখাদা দি.ও.পি.পি.দবল্যু.না অহল ওইরবা পেন্সনরশিং অসিগীদমক সিস্তেম অসি হেন্না লাইনবা অমসুং হেন্না খুদোং চানবা চহী খুদিংগী তেক্নোলোজী শিজিন্নদুনা লাক্লি৷

হায়রিবা ফেসিলিতী অসি লৈবাক শিনবা থুংনা ফংহন্নবা দি.ও.পি.পি.দবল্যু.না ইন্দিয়া পোস্ত পেমেন্তস বেঙ্ক(আই.পি.পি.বি.)কা চংশিনখ্রে অমসুং পেন্সনরশিংগী লাইফ সর্তিফিকেৎ অদু দিজিতেল্লী ওইনা পীশিনবা য়ানবগী দোরস্তেপ ফেসিলিতী অদু ফংহনবদা মহাক্কী লৈরিবা পোস্তমেন অমসুং গ্রমিন দক সেভক্সকী অচৌবা নেতৱর্ক  অদু শিজিন্নৈ৷

আই.পি.পি.বি.না মহাক্কী বেঙ্ক সোফতৱেয়র অদু কস্তমাইজ তৌখ্রে অমসুং পেন্সনরশিংগী দোরস্তেপ্তা দি.এল.সি. সর্ভিস ফংহন্নবা ইলেক্ত্রোনিক্স অমসুং ইনফোর্মেসন তেক্নোলোজী (মৈতী) অমসুং য়ু.আই.দি.এ.আই. মন্ত্রালয়গী জীবন প্রামন সোফতৱেয়রগা লোইননা চৎমিন্নখ্রে৷ দোরস্তেপ বেঙ্কিং সর্ভিসশিং ফংহন্নবা  আই.পি.পি.বি. পোস্ত ওফিসশিংদা ১,৩৬,০০০ হেন্না লৈরিবা এসেস পোইন্ত অমসুং ১,৮৯,০০০ হেন্না লৈরিবা পোস্তমেন অমসুং গ্রামিন দক সেভক্সকী নেস্নেল নেতৱর্ক অদু স্মার্ত ফোন অমসুং বাইওমেত্রিক দিভাইসশিং শিজিন্নদুনা মহাক্কী নেস্নেল নেতৱর্ক অদু আই.পি.পি.বি.না শিজিন্নরি৷ অসিনা মরম ওইরগা লৈবাক অসিদা লৈরিবা পেন্সনর ময়াম অমনা বেঙ্ককী মপান্দা য়াম্না শাংনা ক্যুদা লেপ্পা অমসুং বেঙ্ক ব্রান্সতা চৎপা অসিগী মহুৎতা পোস্তমেন/গ্রামিন দক সেভক্কী খুৎথাংদা দোরস্তেপ সর্ভিসশিং ফংহল্লগনি৷

আই.পি.পি.বি.গী খুৎথাংদা “দি.এল.সি. পীশিনখিবগী দোরস্তেপ সর্ভিস” অসিদা পেন্সনরশিংনা অকুপ্পা মরোল অসিগীদমক ippbonline.comদা য়েংবা য়াগনি৷ মসি চার্জএবল সর্ভিস অমনি অমসুং লৈবাক অসিদা লৈরিবা কেন্দ্র সরকারগী পেন্সনরশিং মখোয় মখোয়গী পেন্সন একাউন্তশিং অদু তোঙান তোঙানবা বেঙ্কশিংদা লৈরবসু মখোয় ময়াম পুম্নমক্তা ফংহল্লগনি৷ আই.পি.পি.বি.গী খুৎথাংদা “দি.এল.সি.গী দোরস্তেপ সর্ভিস”  শিজিন্নবগী থৌওং অদু @ য়ুত্যুব(পেন্সন দি.ও.পি.পি.দবল্যু) অমসুং  ফেসবুক ওফ দি/ও পেন্সন এন্দ পেন্সনর্স ৱেল্ফেয়রদা য়েংবা য়াগনি৷ হৌজিক চৎথরিবা লাইনা-লাইচৎ অসি য়েংলগা, পেন্সনরশিংনা য়ুমদা লৈনা লৈনা লাইফ সর্তিফিকেৎ পীশিনবা য়াবা অসি অচৌবা খুদোং চাবা কান্নবা অমনি৷

*****