হকশেল অমসুং য়াইফ-য়ুম্বাল মন্ত্রালয়
দা. হর্শ বর্ধননা মু্খ্য মন্ত্রীশিং, হকশেলগী মন্ত্রীশিং অমসুং রাজ্য ৭কী রাজ্যশিং অদুগী সেনিয়র ওফিসিয়েলশিংগা লোইননা কোবিদকী ফিভম অমসুং পব্লিক হেল্থ মিজরশিং য়েংশিনখ্রে
“প্রধান মন্ত্রীগী জন অন্দোলন অসিনা কোবিদ এপ্রোপ্রিয়েত বিহেবিয়র সপোর্ত তৌদুনা কোবিদ অসি লাকশিনবা মতমদা খ্বাইদগী ফবা স্ত্রাতিজী ওই”
“হৌজিক ফাওবদা য়াম্না কন্না হোৎনদুনা ফগৎলক্লিবা অসি মাংদনবা ফেস্তিব অমসুং ৱিন্তর সিজন অসিগী মনুংদা চেকশিনবা তঙাই ফদে”
“কোবিদ এপ্রোপ্রিয়েত বিহেবিয়র অসিনা খ্বাইদগী শক্তি লৈবা সোসিয়েল ভেক্সিননি”
Posted On:
11 NOV 2020 4:29PM by PIB Imphal
হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধননা মুখ্য মন্ত্রীশিংগা, রাজ্যগী হেল্থ মন্ত্রীশিংগা অমসুংরাজ্য ৭কী প্রিন্সিপাল সেক্রেতরীশিং/এদিস্নেল চীফ সেক্রেতরীশিংগা লোইননা ঙসি ভিদিও কনফরেন্সিংগী খুৎথাংদা ৱারি শান্নখ্রে৷ রাজ্যশিং অদুদি মহারাস্ত্র, উত্তরখন্দ, মনিপুর, মিজোরাম, ত্রিপুরা, মেঘলয় অমসুং গোৱানি৷
রাজ্যশিংগী হকশেল মন্ত্রালয়শিং য়েংশিনখ্রবা (উত্তরখন্দ)মুখ্য মন্ত্রী শ্রী তি.এস. রৱত, মুখ্য মন্ত্রী (মনিপুর) শ্রী এন.বিরেন সিংহ, হকশেলগী মন্ত্রী(মহারাস্ত্র)শ্রী রাজেস তোপে, হকশেলগী মন্ত্রী(মিজোরাম)দা. আর.লাল্থাঙ্গলিয়না, হকশেলগী মন্ত্রী(গোৱা) শ্রী বিশ্বজিৎ প্রতাপ সিংহ রেন, স্কুম এদজুকেসন, হাইহর এদজুকেসন, লো অমসুং পার্লিয়ামেন্তরী এফিয়র্স(ত্রিপুরা)গী মন্ত্রী শ্রী রতন লাল নাথনা থৌরম অদুদা ভর্চুয়েল্লী ওইনা শরুক য়াখি৷
দা. হর্শ বর্ধননা মমাংদা আন্ধ্র প্রদেশ, অসাম, ৱেস্ত বেঙ্গল, রজস্থান, হিমাচল প্রদেশ, তেলেঙ্গনা, পঞ্জাব, হরিয়ানা অমসুং কেরলাগা রিভিয়ু মিতিং অমা পাংথোকখ্রে৷ মহাক্না গুজরাত, মধ্য প্রদেশ, উত্তর প্রদেশ. তামিল নাদু, কর্নতকা, ছত্তিশগর অমসুং দিল্লীগী রাজ্যশিং/য়ু.তি.শিংগা লোইননা কোবিদকী চেকশিন খৌরাং অদুসু য়েংশিনখ্রে৷
![https://static.pib.gov.in/WriteReadData/userfiles/image/WhatsAppImage2020-11-11at4.47.33PMKS97.jpeg](https://static.pib.gov.in/WriteReadData/userfiles/image/WhatsAppImage2020-11-11at4.47.33PMKS97.jpeg)
রাজ্যনা মীৎয়েং চংবা তঙাই ফদবা মফমশিং অদু পল্লদুনা দা. হর্শ বর্ধননা অসুম্না ফোংদোকখ্রে, মহারাস্ত্রদা এক্তিব ওইবা কেস মশিং অসি তারকপা তারবসু, মুম্বাই মনুং অমসুং অকোইবদা শিবগী চাং (২.৬%) অদু ৩.৫%দা হেঙ্গৎলক্তুনা লেপ্পা লৈতনা এক্তিব কেসলোদ হেঙ্গৎলকখ্রে৷ উত্তরখন্দদা লৈরিবা সি.এফ.আর. অসি ১.৬৪% ওইরিবা নেস্নেল এভিরেজ অসিদগী হেন্না ৱাংই; মনিপুরদা মমাংগী নুমিৎ খরনি অসিদা এক্তিব ওইবা কেস মশিং হেঙ্গৎলকখ্রে৷ রাজ্য অসিদা পোজিতিব ওইবা কেস মশিং হেঙ্গৎলক্লিবা অসি মতুং লৌনরক্লে হায়না তাকপনি হায়দুনা মহাক্না অসুম্না ফোংদোকখ্রে, গোৱাদা য়াম্না নুংঙাইরোইদবা থৌদোক অমা ওইনা মমাংগী থা অমা অসি খক্তদা ৪০% শিখ্রে৷ আইজোল্দা ৭০% কেস মশিং লৈবনা মরম ওইরগা মিজোরাম অসি মখাতানা এক্তিব কেস মশিং হেঙ্গৎলক্লি; ত্রিপুরা অমসুং মেঘলয়দা লাইনা অসিদগী ঙাকথোকপা য়াবা চহী কাংলুপ্তা (৪৫-৬০ চহীশিং)কা হেন্না(৩৭%রোম) শিরি৷
লাইনা-লাইচৎ অসি চোকথবা নাইদনা থেংনরিবা তোঙান তোঙানবা কোবিদ ৱরিয়রশিং অমসুং ফ্রন্তলাইন ৱর্করশিংবু মখোয়না থৱাই হকচাং য়াওনা কৎথোক্লিবা অসিগীদমক দা. হর্শ বর্ধননা থাগৎপা ফোংদোকখ্রে৷ ঙসি ফাওবদা ওক্সিজেন সপোর্ত দরকার ওইবা এক্তিব কেস ৪.০৯%, আই.সি.য়ু. দরকার ওইবা এক্তিব কেস ২.৭৩% অমসুং ভেন্তিলেতর সপোর্ত দরকার ওইবা এক্তিব কেস ০.৪৫% খক্তমক ওইখি হায়না মহাক্না মখাতানা ফোংদোকখি৷ কোবিদ -১৯ অসিগী মাইয়োক্তা থেংনদুনা খরা শাফরকপা মতম অসিদা ৱিন্তর সিজন লাকশিল্লকপা অমসুং মতম শাংনা হরাউ-কুহ্মৈ লৈশিল্লকপা অসিদা য়াম্না চেকশিন্না লৈন্নবা মহাক্না হায়খ্রে৷
ত্রান্সমিসনগী চেন অসি থিংন্নবা, প্রধান মন্ত্রী শ্রী নরেন্দ্র মোদীনা হৌদোকপা জন-অন্দোলন অদুগী কান্নবা মরু ওইবশিং অদু খঙন্নবা হায়খ্রে৷ “মিনিৎ ১০ খক্তমক শাংবা তেল্লবা প্রধান মন্ত্রীগী ৱারোল অদুদা কোবিদ এপ্রোপ্রিয়েত বিহেবিয়র সপোর্ত তৌদুনা কোবিদ অসি লাকশিনবা মতমদা খ্বাইদগী ফবা স্ত্রাতিজী ওই হায়না ফোংদোকখ্রে৷” প্রজাশিংগী মরক্তা জন অন্দোলন অসি প্রমোত তৌনবা সরকার অসিনা লৌখৎলিবা খোংথাংশিং অদু শন্দোক্না তাক্লদুনা, “কোবিদ এপ্রোপ্রিয়েত বিহেবিয়র অসিনা খ্বাইদগী শক্তি লৈবা সোসিয়েল ভেক্সিননি” হায়না মহাক্না ফোংদোকখ্রে৷
পোজিতিব কেস মশিং হেন্না য়াম্বা জিলাশিংদনা হেন্না তেস্ত তৌবদা মীৎয়েং চংনবা; সিম্তোম উৎতবা মীশিং আর.এ.তি.না শুংশোই শোইদনা তেস্ত তৌনবা; এস.এ.আর.আই./আই.এল.আই. সর্ভিলেন্সকীদমক রিক্স ৱাংনা অমসুং শোকহনবা য়াবা মীওইশিং অদুদা হেন্না মীৎয়েং চংন্নবা; পোজিতিব কেসশিংগা নক্নরুবা অদুগী কন্তেক ত্রেশিং তৌবা হেঙ্গৎনবা; হোম আইসোলেসন তৌরিবা মীওইশিং মরু ওইনা হেন্না শোকহন্নিংঙাই ওইরবা মীওইশিং নিংথীজনা য়েংশিন্নবা রাজ্যশিং অসিদা দা. হর্শ বর্ধননা খঙহনখ্রে৷ ইফেক্তিব ক্লিনিকেল মেনেজমেন্তগীদমক হোম আইসোলেসন তৌরিবা মীওইশিংনা মতম চানা হোস্পিতালশিং য়ৌবা য়ানবা আই.ই.সি. কেমপেন্দশিং পাক শন্না শন্দোকপগী তঙাই ফদবা অমসুং রাজ্যশিং/জিলা কয়া অমদা অহানবা পুং ২৪/৪৮/৭২গী মনুংদা শিবগী চাং ৱাংনা লৈরিবা অসি হন্থনবা ইফোর্তশিং শেম্ননবা মহাক্না পুথোকখ্রে৷ তোঙান তোঙানবা মফমশিং খুদম ওইনা কৈথেল, কৈথেলগী মফমশিং, থবক শুফম অমসুং মী পুনফমগী মফমশিংদা তেস্ত কা হেন্না তৌবগী তঙাই ফদবা অদু মহাক্না ফোংদোকখ্রে৷
মুখ্য মন্ত্রীশিং অমসুং রাজ্যগী হেল্থ মন্ত্রীশিং অদুনা মখোয় মখোয়গী রাজ্যশিং অদুনা পাংথোক্লিবা খ্বাইদগী ফরবা থবকশিং অসিগা লোইননা কোবিদ পোজিতিব কেসশিংগী কন্তেনমেন্ত, সর্ভিলেন্স অমসুং লাইয়েং চৎথবা অসিগীদমক লৌখৎখিবা খোংথাংশিং অদুগী অতেনবা স্নেপসোত পুথোরকখ্রে৷ কোবিদ এপ্রোপ্রিয়েত বিহেবিয়র পুক্নিং থৌগৎন্নবগীদমক মখোয়না কমপ্রিহেন্সিব মল্তিমেদিয়া আই.ই.সি. কেম্পেন্দ অমা পাংথোকখ্রে হায়না উত্তরখন্দগী সি.এম. শ্রী রৱতনা ফোংদোকখ্রে৷ সোসিয়েল দিস্তেন্সিং ঙাক্তবগী লুপা লাখ ১.৪ অমসুং মাক্স উপ্তবগী লুপা লাখ ৪.৫কী চলান ককখ্রে৷ মখাতানা মীওইশিং অদু মাক্স উপ্পগী হৈনবা লৈননবা মখোয় অমমমদা মাক্স ৪ য়েন্থোকখ্রে৷ মহারাস্ত্র রাজ্যদা চৎথরিবা ‘ঐগী ইমুং ঐগী থৌদাংনি’ হায়বা কেমপেন্দ অসিগী মতাংদা শ্রী রাজেশ তোপেনা পনখ্রে৷ কেমপেন্দ অসিদা য়ুম য়ুমদা চংদুনা সর্ভে তৌবা অমসুং হোম আইসোলেসন কেসশিং য়েংশিনবা অসিনা ওই৷ লাখ ৫.৭ সর্ভে তৌবা অসিদা পোজিতিব কেস ৫১,০০০ থেংনখি৷
![https://static.pib.gov.in/WriteReadData/userfiles/image/WhatsAppImage2020-11-11at4.47.34PMCPKH.jpeg](https://static.pib.gov.in/WriteReadData/userfiles/image/WhatsAppImage2020-11-11at4.47.34PMCPKH.jpeg)
লাইনা-লাইচৎ অসি শন্দোকপগী চেন থুগাইবা, শিবগী চাং ১%দগী হেন্না তানা থম্বা অমসুং প্রোলোঙ্গ বিহেবিয়র চেঞ্জ থোকহনবা হায়বা মফম অহুম অসিদা মীৎয়েং চংনবা কেন্দ্রগী হকশেলগী সেক্রেতরী শ্রী রাজেশ ভুসননা রাজ্যশিংদা খঙহনখ্রে৷ হায়রিবশিং অসি পাংথোক্নবা কৈথেলগী মফমশিং, থবক শুফমশিং অমসুং লাইনা অসি কা হেন্না শন্দোকপা য়াবা ধর্মগী ওইবা থৌরমশিং অসি শিল্লিবা মফমশিংদা য়াম্না থুনা তেস্তিং পাংথোক্নবা মহাক্না খঙহনখ্রে; য়াম্না থুনা তেস্ত তৌদুনা; নকশিল্লুবা মীওই পুম্নমক অহানবা পুং ৭২গী মনুংদা ত্রেসিং তৌগদবনি; পোজিতিব ওইবা মীওই অমা খুদিংগী য়ামদ্রবদা মীওই ১০গী খোঙ্গুল লিগদবনি; আর.এ.তি. অসিগী মহুৎতা আর.তি.পি.সি.আর. শিজিন্নদুনা তেস্ত তৌবগী চাং হেঙ্গৎকদবনি; অমসুং আর.এ.তি.তেস্তশিংদা সিম্তোম উৎতনা নেগেতিব লাক্লবা মীওইশিং শুংশোই শোইদনা আর.তি.পি.সি.আর. তৌগদবনি৷ অনিশুবা তেস্ত অসি পাংথোক্ননবগীদমক, যাম্না থুনা হোস্পিতেলাইজেসন তৌনবা, হোস্পিতালশিংদা ইনফ্রাস্ত্রকচর নিংথীজনা লৈহন্নবা, অহানবা পুং ২৪/৪৮/৭২ অসিদা শিখিবা অসিদা মীৎয়েং চংন্নবা; খুদোংথিনিংঙাই ওইরবা মীওই কাংলুপ্তা হেন্না মীৎয়েং চংনবা; অমসুং হোস্পিতাল ৱাইদ ফেতেলিতী ফিগরশিং অসি য়েংশিন্নবা মহাক্না খঙহনখ্রে৷ কোবিদ এপ্রোপ্রিয়েত বিহেবিয়র অসি নিংথীজনা ইন্ননবা এম.পি.শিং, এম.এল.এ.শিং অমসুং লোকেল ইনফ্লুয়েন্সরশিং য়াওনা অকনবা কেমপেন্দ চৎথনবা মহাক্না খঙহনখ্রে৷
![https://static.pib.gov.in/WriteReadData/userfiles/image/WhatsAppImage2020-11-11at4.47.35PMLPCC.jpeg](https://static.pib.gov.in/WriteReadData/userfiles/image/WhatsAppImage2020-11-11at4.47.35PMLPCC.jpeg)
এদিস্নেল সেক্রেতরী (হেল্থ) শ্রী আর্তি অহুজা, জে.তি. সেক্রেতরী (হেল্থ) শ্রী লাব অগর্ৱল, দাইরেক্তর(এন.সি.দি.সি.) দা. এস.কে. সিংহ অমসুং মন্ত্রালয় অসিগী অতোপ্পা সেনিয়র ওফিসিয়েলশিংনা মীফম অসিদা শরুক য়াখ্রে৷
(Release ID: 1672238)
Visitor Counter : 165