মুখতার অবাস নাখভিনা পিতমপুরাগী দিলিহততা “হুনার হাত” হৌদোক্কদৌরি

কোরোনা লাইনা-লাইচৎ অসিনা মরম ওইরগা থা ৭মু্ক্কী চাংদা লেপলুরবা মতুং অসিদা অমুক হন্না হয়েংদগী হুনার হাত হৌরগনি৷ “ভোকেল ফোর লোকেল” থীমগা লোইননা পিতমপুরাগী দিলিহততা মাইনোরিতী এফিয়র্সকী কেন্দ্রগী মন্ত্রী শ্রী মুখতার অবাসনা “হুনার হাত” হৌদোক্লগনি৷ মসিদা  “মাতি(ক্লে), মেতল অমসুং মচিয়া(উ অমসুং জ্যুত পোত্থোকশিং)”দগী শেম্বা ইন্দিজিনিয়র্স এক্সক্বুইসাইত প্রদক্তশিং অসিনা মপুং ওইবা পুক্নিং চিংশিনফম ওইরগনি৷

২০২০গী নবেম্বরগী তাং ১১দগী ২২ ফাওবা পিতমপুরাগী দিল্লী হাততা পাংথোক্কদৌরিবা “হুনার হাত” অসিদা ক্লে, তোঙান তোঙানবা উগী অমসুং মেতলগী পোত্থোকশিং, চু-ৱাদগী শেম্বা পোত্থোকশিং, ফজরবা পোতরী ৱর্ক অদু ময়ামদা উৎনবা অমসুং য়োন্নবা ফংহল্লগনি হায়না শ্রী মুখতার অবাস নাখভিনা ঙসি ফোংদোকখ্রে৷

লৈবাক অসিগী মফম পুম্নমক ইন্দিজিনিয়র্স পোত্থোকশিং অসিগী ত্রেদিস্নেল অমসুং এঞ্চেস্ত্রেল লিগেসী লৈ হায়না শ্রী নাখভিনা ফোংদোকখ্রে৷ মুৎখিদৌরবা অসিগুম্বা লিগেসী অসি প্রধান মন্ত্রী শ্রী নরেন্দ্র মোদীনা “স্বাদেশি” পাংথোকখিবদগী অসু্ক্কী মতিক ফগৎলকখ্রে৷  “ভোকেল ফোর লোকেল” ফংনবা প্রধান মন্ত্রী সপোর্ত তৌখ্রবা মতুং অসিদা ইন্দিয়ন ইন্দিজিনিয়র্স ইন্দিস্ত্রী অসি অসুক্কী মতিক চাওখৎলকখ্রে৷ অসিগুম্বা ইন্দিজিনিয়র্স পোত্থোকশিং অসি শেম্বদা য়াওরিবা আর্তিসনশিং “স্বাদেশি প্রদক্তশিং”গী পুক্নিং চিংশিন্নিংঙাই ওইরবা পেকেজিং তৌন্নবগীদমক তোঙান তোঙানবা ইন্সতিত্যুসনশিংগী খুৎথাংদা মতেং পীরি৷ মসিনা “অত্ম নির্ভার ভারত”কী মিসন অসি মাই পাকহল্লগনি৷

লৈবাক অসিগী মফম পুম্নমক্তা উ, ব্রাস, ৱা, গ্লাস, ক্লোথ, পেপর, ক্লেদগী শেম্বা পোত্থোকশিং মরাং কাইনা ফংই হায়না শ্রী নাখভিনা ফোংদোকখ্রে৷ “হুনার হাত” অসিনা অসিগুম্বা ইন্দিজিনিয়র্স এক্সক্যুইসাইত পোত্থোকশিং অসি শারিবা হৈ-শিংলবা আর্তিসনশিংদা মার্কেৎ অমসুং খুদোংচাবশিং ফংহল্লিবা অফবা প্লেতফোর্ম অমা ওইরগনি৷ অসিগুম্বা পোত্থোকশিং অসি শেম-শাবদা তেক্নোলোজী অমসুং ইন্নোভেসন শিজিন্ননবা মিৎয়েং থম্লি অমসুং গ্লোবেল স্তেন্দর্দতা থেংনবা ঙম্নবা অফবা ক্বালিতী লৈবা পোত্থোকশিং পুথোক্নবা হোৎনরি৷

মসিগী “হুনার হাত” অসিদা স্কেল ১০০ হেন্না শেমখ্রে হায়না শ্রী নাখভিনা ফোংদোকখ্রে৷ অসামদগী অকংবা লৈশিং; আন্ধ্র প্রদেশতগী পোচামপলী ইকৎ; বিহারদগী মুনগা সিল্ক, মধুবনি পেন্তিং অমসুং আর্তিফিসিয়েল জেৱেল্লরী; কর্নতকাদগী উগী শান্নপোৎশিং; মনিপুরদগী শান্নপোৎশিং; উত্তর প্রদেশতগী উ অমসুং গ্লাস্কী শান্নপোৎশিং; দিল্লীদগী কেলিগ্রাফী পেন্তিং; গোৱাদগী হেন্দ ব্লোক প্রিন্ত; গুজরাততগী অজরাখ; জম্মু-কশ্মীরদগী পাশমিনা শোলশিং; ঝার্খন্দদগী তুসর সিল্ক অমসুং চু অমসুং ৱাগী পোত্থোকশিং; মধ্য প্রদেশতগী হর্বেল প্রদক্তশিং, বেগ প্রিন্ত অমসুং বাতিক; মহারাস্ত্রদগী চু অমসুং ৱাগী পোত্থোকশিং; নগালেন্দদগী হেন্দলুম তেক্সতাইলশিং ক্লে, মেতলদগী শেম্বা তোঙান তোহানবা রাজ্যশিংগী শান্নপোৎশিং পিতমপুরাগী “হুনার হাত”তা ময়ামগী মফমদা উৎলগনি অমসুং য়োল্লগনি৷ অসিগীসু মথক্তা মীয়াম পুম্নমক্না বিহার, মহারাস্ত্র, উত্তর প্রদেশ, মধ্য প্রদেশ, জম্মু-কাশ্মীর, দিল্লী, হরিয়ানাদগী ত্রেদিস্নেল ওইরবা অথুম অহাউশিং চাবা ফংলগনি৷

মমাংগী চহী ৫ অসিদা ভারতকী আর্তিসনশিং, ক্রাফতস্মেন, কুলিনরী এক্সপর্তশিং অমসুং মরী লৈনবা অতোপ্পা মীওইশিংদা এমপ্লোইমেন্ত অমসুং এমপ্লোইমেন্তগী খুদোংচাবশিং “হুনার হাত” ফংহনখ্রে হায়না শ্রী নাখভিনা ফোংদোকখ্রে৷ “হুনার হাত”না লৈবাক অসিগী মফম হঞ্জিনবা মফমশিংদগী হৈ-শিংলবা আর্তিসনশিং অমসুং ক্রাফতস্মেনশিংদা মার্কেৎ ফংহনখ্রে৷ মসিনা রেয়র এক্সক্যুইসাইত ইন্দিজিনিয়র্স হেন্দমেদ প্রদক্তশিংগী ক্রেদিবল ব্রান্দ অমা ওইখ্রে

হায়রিবা “হুনার হাত” অসিগী খুৎথাংদা আর্তিসনশিং, ক্রাফতমেনশিংদা এমপ্লোইমেন্ত অমসুং এমপ্লোইমেন্তগী খুদোংচাবশিং ফংহন্দুনা লৈবাক অসিদা হৌজিক ফাওবদা “হুনার হাত” দজন ২ হেন্না মাইনোরিতী এফিয়র্স মন্ত্রালয়না শিনখ্রে৷ লাক্লিবা নুমিৎ খরা অসিদা জাইপুর, চান্দিগার্হ, ইন্দোর, মুম্বাই, হায়দরবাদ, লখনৌ, ইন্দিয়া গেৎ, ন্যু দিল্লী, রাঞ্চি, কোতা অমসুং সুরাত/অহমেদবাদতা “হুনার হাত” পাংথোক্লগনি৷

মসিগী “হুনার হাত” অসি ভর্চুয়েল্লী ওইনসু ফংলগনি হায়না শ্রী নাখভিনা ফোংদোকখ্রে৷

হন্দক্কী মতম অসিদা মীয়াম্না “হুনার হাত”কী পোত্থোকশিং দিজিতেল্লী অমসুং ওনলাইন্দসু লৈবা য়ারগনি অমসুং আর্তিসনশিংগী প্রদক্তশিং অদুসু http://hunarhaat.org মসিদা ফংলগনি৷ য়ুনিয়ন মাইনোরিতী এফিয়র্স মন্ত্রালয়না অসিগুম্বা আর্তিসনসিং অমসুং মখোয়গী পোত্থোকশিং “জি.ই.এম.”(গভর্মেন্ত ই মার্কেৎপ্লেস)দা রোজিস্তর তৌরি৷

কোরোনা লাইনা-লাইচৎ অসিগী মতুং ইন্না সোসিয়েল দিস্তেন্সিং অমসুং অতোপ্পা গাইদলাইনশিং “হুনার হাত”তা য়াম চেকশিন্না চৎনরগনি হায়না শ্রী নাখভিনা ফোংদোকখ্রে৷ “হুনার হাত” অসি অমুক্কা হন্না পাংথোক্লগনি হায়বা মতমদা লৈবাক অসিগী আর্তিসন অমসুং ক্রাফতমেন লাখ কয়ামরোম হরাউ নুংঙাই ফোংদোকখ্রে হায়না মন্ত্রী অদুনা শন্দোক্না তাকখি৷

(পুম্নমকফাইল ফোতোশিংনি)