কেন্দ্রগী কলচরগী রাজ্য মন্ত্রী (ইন্দিপেন্দেন্ত চার্জ) শ্রী প্রহলাদ সিংহ পতেলনা ম্যুজিয়মশিং, আর্ত গেলরীশিং অমসুং একজিবিসনশিং মন্ত্রালয়না থোকপা এস.ও.পি.শিংগী মতুং ইন্না হয়েং নবেম্বর ১০দগী অমুক হন্না হাংগদবা অসিগী মতাংদা শেম-শারিবশিং অসি য়েংশিন্নবা ঙসি নেস্নেল ম্যুজিয়ম চৎতুনা য়েংশিনখ্রে।

খোঙচৎ অসিদা মন্ত্রীনা হায়খি হয়েংদগী ম্যুজিয়মশিং, আর্ত গেলরীশিং অমসুং একজিবিসনশিং অমুক হন্না হাংদোক্নবা অকুপ্পা ৱারোল য়াওবা চৎন-পথাপশিং থোকখ্রে। হিরম অসিদা নেস্নেল ম্যুজিয়মনা শেম-শারিবশিং অসি য়েংশিন্নবা ৱারেপ লৌখি। শেম-শারিবশিং অসিদা অপেনবা পোক্লদুনা মহাক্না তিম পুম্নমকপু মসিগীদমক থাগৎপা ফোঙদোকখি। ওনলাইন্দা তিকেৎশিং থাবা, অতোপ্পা মীওইশিংগী চংফমদা তেম্পরেচর স্ক্রীনিং তৌবা অসিগুম্বা চেকশিল থৌরাংগী খোংথাং কয়া নেস্নেল ম্যুজিয়মনা লৌখৎখি হায়না মহাক্না ফোঙদোকখি। শেম-শারিবশিং অসি মখা তানা ফগৎহন্নবা মীয়াম্না পাউতাকশিং পীনবা মহাক্না হায়খি অমসুং মসিদা মীয়াম্না মতেং পাংনবসু মহাক্না হায়খি।

নেস্নেল ম্যুজিয়ম, নই দিল্লী অসি ভারত সরকারগী তোঙান তোঙানবা মন্ত্রালয়শিংনা পীবা গাইদলাইন পুম্নমক ঙাক্তুনা হয়েং হায়বদি নবেম্বর ১০, ২০২০দগী মীয়ামগীদমক্তা অমুক হন্না হাংলগনি। কলচর মন্ত্রালয়গী মখাদা লৈবা অতোপ্পা ম্যুজিয়মশিংসু হায়রিবা অসি ঙাক্না চৎকনি। মন্ত্রীগা লোয়ননা শ্রী রঘবেন্দ্রা সিংহ, সেক্রেতরী (কলচর), শ্রী সুব্রতা নাথ, এদিস্নেল দিরেক্তর জেনরেল, নেস্নেল ম্যুজিয়ম, মিস নিরুপামা কোত্রু, জোইন্ত সেক্রেতরী, কলচর মন্ত্রালয় অমসুং নেস্নেল ম্যুজিয়ম অমসুং নেস্নেল ম্যুজিয়ম ইন্সতিত্যুতকী অতোপ্পা ওফিসিএলশিং চৎমিন্নখি।

এম.ঐচ.এ.গী অনলোক ৫.০গী গাইদলাইনশিংদা য়ুম্ফম ওইরগা অমসুং কলচর অমসুং ক্রীএতিব ইন্দস্ত্রীগী তোঙান তোঙানবা স্তেকহোল্দরশিংদগী লাকপা পাউতাকশিংদা অদু লৌরবা মতুংদা কলচর মন্ত্রালয়না কোবিদ-১৯ লাকশিন্নবা চেকশিল থৌরাংশিং ওইনা “ম্যুজিয়মশিং, আর্ত গেলরীশিং অমসুং একজিবিসনশিং অমুক হন্না হাংদোক্নবগী” অকুপ্পা মরোল য়াওবা এস.ও.পি. থোকখ্রে।

গাইদলাইনশিং অসিদা ম্যুজিয়মশিং, আর্ত গেলরীশিং অমসুং একজিবিসনশিং (মতম খরগী ওইবা অমসুং মতম চুপ্পা তৌগদবা অনিমক) লোইননা মফমশিং অসিদা লাকপা বিজিতরশিংনা ঙাক্না চৎকদবা স্তেন্দর্দ ওপরেতিং প্রোসিজরশিং য়াওরি। মপুং ফানা শেংদোক চামথোক্নবা, তিকেৎশিং লৈবগী অমসুং ম্যুজিয়মশিং, একজিবিসনশিং অমসুং আর্ত গেলরীশিংগী বিজিতরশিং অমসুং স্তাফকী শাফনবা পুম্নমক শুনা য়াওবা গাইদলাইনশিং থোকখি।

কন্তেনমেন্ত জোনশিংগী মনুংদা ম্যুজিয়মশিং অমসুং/নত্ত্রগা আর্ত গেলরীশিং হাংবা য়ারোই হায়না খঙহনখি। মখা তানা ফিল্দ এসেসমেন্তগী মতুং ইন্না অহেন্নবা খোঙথাংশিং লৌখৎনবা রাজ্য/য়ু.তি. সরকারশিংনা প্রপোজ তৌবা য়াগনি।

গৃহ মন্ত্রালয়, হকশেল অমসুং য়াইফ-য়ুম্বাল মন্ত্রালয়, রাজ্য/য়ু.তি. সরকারশিং অসিনচিংবনা থোকপা নেস্নেল দিরেক্তিবস ফোর কোবিদ-১৯ মেনেজমেন্ত অমসুং মরী লৈনবা গাইদলাইনশিং অদু থবক থৌরমশিং পাঙথোক্লিঙৈ মনুংদা চেকশিন্না ঙাক্না চৎকদবনি।

গাইদলাইনশিং অসি খুদক্তগী চৎনবা হৌরগনি অমসুং মখা তানা ওর্দরশিং থোক্ত্রিবা ফাওবা চৎনখিগনি। অমরোমদা কলচর মন্ত্রালয়গী মখাদা লঐবা ম্যুজিয়মশিং, একজিবিসনশিং অমসুং আর্ত গেলরীশিং অসি নবেম্বর ১০, ২০২০দগী হৌনা হাংলবসু অতোপ্পশিংনা রাজ্য/সহর/লোকেল লোশিং, চৎন-পথাপশিং/অনলোক গাইদলাইনশিংগী মতুং ইন্না হাংবা য়াগনি।

কোবিদ-১৯ লাকশিন্নবা চেকশিল থৌরাংশিং ওইনা “ম্যুজিয়মশিং, আর্ত গেলরীশিং অমসুং একজিবিসনশিং অমুক হন্না হাংদোক্নবগী” অকুপ্পা মরোল য়াওবা এস.ও.পি.গীদমক মসিদা নম্বীয়ু।।

https://static.pib.gov.in/WriteReadData/userfiles/SOPsMuseums&ArtGalleries5112020.pdf

***