رکشا منتری جناب راج ناتھ سنگھ اور سڑک ٹرانسپورٹ اور شاہراہوں کے وزیر جناب نتن گڈکری نے آج یہاں 09 نومبر 2020 کو ڈی آر ڈی او بھون میں مسافر بسوں کے لئے ڈی آر ڈی او کے ذریعہ تیار کردہ فائر ڈٹیکشن اینڈ سپریشن سسٹم (ایف ڈی ایس ایس) کے مظاہرے کا جائزہ لیا۔ انجن فائر کے لئے پیسنجر کمپارٹمنٹ اور ایروسول پر مبنی ایف ڈی ایس ایس کے لئے واٹر مسٹ بیسڈ ایف ڈی ایس ایس پر مظاہرے پیش کیے گئے۔ انہیں مختلف دیگر پروگراموں اور سسٹم کے بارے میں بھی آگاہ کیا گیا۔

ڈی آر ڈی او کے سنٹر برائے فائر ایکسپلوزیو اینڈ انوائرنمنٹ سیفٹی (سی ایف ای ای ایس) ، دہلی نے یہ ٹیکنالوجی تیار کی ہے جو 30 سیکنڈ سے بھی کم مسافروں کے کمپارٹمنٹ میں لگی آگ کا پتہ لگاسکتی ہے اور پھر اس پر 60 سیکنڈ میں قابو پایا جا سکتا ہے جس سے جان و مال کے خطرے کو ایک خاص حد تک کم کیا جاسکتا ہے۔ مسافروں کے کمپارٹمنٹ کے لئے ایف ڈی ایس ایس 80 لیٹر کی گنجائش والے واٹر ٹینک ، 6.8 کلو نائٹروجن سلنڈر پر مشتمل ہے جو بس میں مناسب جگہ پر نصب ہے اور مسافروں کے کمپارٹمنٹ کے اندر 16 اٹومائزر والا ٹیوبنگ نیٹ ورک ہے۔ انجن کے لئے ایف ڈی ایس ایس ایروسول جنریٹر پر مشتمل ہے جس کے ساتھ سسٹم ایکٹیویشن کے 5 سیکنڈ کے اندر اندر آگ پر قابو پایا جاسکتا ہے۔

سی ایف ای ای ایس میں آگ بجھانے والے مختلف ذرائع کا استعمال کر کے آگ کے خطرے کا اندازہ لگانے، آگ پر قابو پانے کے شعبوں میں منفرد صلاحیت ہے۔ اس نے جنگی ٹینکوں ، بحری جہازوں اور آبدوزوں کے لئے نظام تیار کیا ہے۔ مسافر بسوں میں لگنے والی آگ کے واقعات کا حل فراہم کرنے کے لئے سی ایف ای ای ایس نے آگ سے تحفظ کا فعال نظام دفاعی اسپن آف ٹیکنالوجی کے طور پر تیار کیا ہے۔ اگرچہ ، تمام گاڑیوں میں آگ کا خطرہ موجود ہے ، تاہم سب سے زیادہ تشویش خاص گاڑیوں خصوصا اسکول بسوں اور طویل مسافت کے سفر کے لئے سلیپر کوچز کو لے کر ہے۔

رکشا منتری جناب راج ناتھ سنگھ نے سائنس دانوں کی ٹیم کے اختراعی کارنامے کو سراہا۔

سڑک ٹرانسپورٹ اور شاہراہوں کے وزیر جناب نتن گڈکری نے ایف ڈی ایس ایس کی پیش رفت کو بس مسافروں کی حفاظت کی سمت میں ایک بہت ہی اہم اقدام قرار دیا۔ انہوں نے اس حقیقت پر اطمینان کا اظہار کیا کہ فائر سیفٹی نے ڈی آر ڈی او کی توجہ مبذول کروائی ہے اور کہا کہ اس پیش رفت کو آگے بڑھانا بہت ضروری ہے۔

سکریٹری ڈی ڈی آر اینڈ ڈی اور چیئرمین ڈی آر ڈی او ڈاکٹر جی ستیش ریڈی نے اس کوشش پر ڈی آر ڈی او سائنسدانوں کو مبارکباد پیش کی۔

                                          **************

م ن۔ ن ا۔ م ف

U: 7096