কেন্দ্রগী ফুদ প্রোসেসিং ইন্দস্ত্রীগী মন্ত্রী শ্রী নরেন্দ্র সিংহ তোমারগী লুচিং মখাদা ইন্তর-মিনিস্ত্রিয়েল এপ্রুবেল কমিতী (আই.এম.এ.সি.)গী মীফম্না ঙসি লুপা করোর ৪৪৩ চংগদবা প্রোজেক্ত ২১গী অয়াবা পীখ্রে, মখোয়শিং অসি ইন্তিগ্রেতেদ কোল্দ চেন অমসুং ভেল্যু এদিসন স্কিমগী মখাদা লুপা করোর ১৮৯গী ইনভেস্তমেন্ততা কান্নবা ফংগনি। শ্রী তোমারগী লুচিং মখাদা পাংথোকখিবা মীফম অমদা প্রোজেক্ত নিপাল অমগী অয়াবা পীখি। প্রোজেক্তশিং অসিদা লুপা করোর ৬২গী ইনভেস্তমেন্তকী কান্নবা ফংগনি অমসুং মসিগীদমক্তা বি.এফ.এল. স্কিমগী মখাদা লুপা করোর ১৫গী গ্রান্তকী অয়াবা পীখ্রে। মীফম অদুদা এফ.পি.আই.গী রাজ্য মন্ত্রী শ্রী রামেশ্বর তেলীসু শরুক য়াখি।

শ্রী তোমারনা হায়খি মদুদি প্রোজেক্তশিং অসিদগী লৌমীশিং অমসুং কঞ্জুমরশিংনা কান্নবা ফংলগনি। মখোয়না ওফিসরশিংদা প্রোজেক্তশিং অসি থবক পাংথোকপদা খোংজেল য়াংশিন্নবা খঙহনখি। প্রোজেক্ত ২১ অসিদগী চাউরাক্না মীওই ১২,৬০০ থবক ফংবা অমসুং লৌমী ২,০০,৫৯২দা কান্নবা ফংবগী ওইথোকপা লৈ। প্রোজেক্তশিং অসি রাজ্য ১০ – আন্ধ্র প্রদেশ, গুজরাত, হিমাচল প্রদেশ, জম্মু-কশ্মীর, কেরলা, নাগালেন্দ, পঞ্জাব, তেলঙ্গনা, উত্তরাখন্দ, উত্তর প্রদেশতা শন্দোক্লি। ইন্তিগ্রেতেদ কোল্দ চেন অমসুং ভেল্যু এদেদ ইনফ্রাস্ত্রকচরগী স্কিমগী পান্দম অসি হোর্তিকলচর অমসুং নন-হোর্তিকলচরগী পোৎথোকশিংগী লৌ খাওরবা মতুংদা ওইরক্কদবা অমাং-অতাশিং থিংবা অমসুং লৌমীশিংদা কান্নবা মমল ফংহনবনি। 

অতোপ্পা মীফম অমদা অয়াবা পীখ্রবা প্রোজেক্ত ৮ অসিনা চাউরাক্না মীওই ২,৫০০দা থবক পীবগী ওইথোকপা লৈ। প্রোজেক্ত অসিগী পান্দম অসি রো মেতরিয়েল ফংহন্দুনা অমসুং কৈথেলগা লোইননা মরী লৈনহনবগী মতাংদা সপ্লাই চেন্দা অৱাৎপা মেনখৎতুনা ফুদ ইন্দস্ত্রীগীদমক্তা কান্নবা অমদি মাং-তুং অনিমক্তা অপুনবা পুরকপনি।

সেক্তরগী মতুং ইন্না অয়াবা পীরবা প্রোজেক্তশিং:

রাজ্যগী মতুং ইন্না য়েন্থোকপাঃ

***