অরুনাচল প্রদেশকী স্কুলগী অঙাং লিশিং কয়ানা কোবিদ-১৯ লোকদাউন মতুংদা অহানবা ওইনা মখোয়গী স্কুলশিংদা কারকপা মতমদা মখোয়না খাদিগী মচু অহুমগী ফেস মাস্কশিং উপ্লগনি। অরুনাচল প্রদেশ সরকারনা স্কুলশিং নবেম্বর ১৬তগী হাংনবা ৱারেপ লৌখিবা অসিদা খাদি এন্দ ভিলেজ ইন্দস্ত্রীস কম্মিসন (কে.ভি.আই.সি.)না স্কুলগী অঙাংশিংগীদমক খাদিগী ক্বালিতী লৈবা লংজমগী ফেস মাস্ক ৬০,০০০ সপ্লাই তৌখ্রে।

মসিগী লৈনবগী ওর্দর অসি য়াম্না মরু ওইখি মরমদি মসি অৱাং নোংপোক ভারতকী রাজ্য সরকার অমনা মশিং য়ামখ্রবা খাদি ফেস মাস্কশিং মখোয়গী মহৈরোয়শিংগীদমক্তা লৌবা অহানবা ওইরি। লৈনবগী ওর্দর অসি নবেম্বর ৩দা থোকখি অমসুং নুমিৎ ৬নি খক্তদা কে.ভি.আই.সি.না থুজিনবা তঙাই ফদে হায়বা খঙলদুনা সরকারদা মথৌ তাবা মাস্কশিং সপ্লাই তৌখি। মতম চানা মাস্কশিং ফংহন্নবা কে.ভি.আই.সি.না কনসাইনমেন্ত অসি প্লেন্দা থারকখি।

কে.ভি.আই.সি.না মরোল অনি লোনবা মচু অহুমগী লংজম ফেস মাসজকশিং অসিদা মখোয়গী লোগা মাস্কশিংদা চান্ননা হাপতুনা অরুনাচল প্রদেশ সরকারদা পীখি। ফেস মাস্কশিং অসি মচু অহুম ওইবা অসিনা মহৈরোয়শিংদা মরৈবাক নীংবগী ৱাখল্লোন অমা পোকহন্নবা পান্দমসু থম্লি।

কে.ভি.আই.সি.না মাস্কশিং অসি শানবগীদমক্তা লং অনি ফাইবা খাদিগী ফী শীজিন্নখি মসিনা মনুংদা মোইচর কন্তেন্ত ৭০%দি ঙাক্তুনা থম্বদা মতেং পাংঙি, অমরোমদা মসিনা লায়না নুংশিৎ ফাওদোক ফাওজিন তৌবা য়াহল্লি। মরম অসিনা মাস্কশিং অসি উনশাদা শোক্তবা অমসুং মতম শাংনা শীজিন্নবা নুংঙাইবা ওই। খাদিগী লংজমগী ফেস মাস্কশিং অসি শুদোক-শুজিন য়াই, অমুক হন্না শীজিন্নবা য়াই অমসুং বাইওদিগ্রেদেবল ওই।

“অরুনাচল সরকারনা নবেম্বর ১৬, ২০২০দগী ক্লাস ১০ অমসুং ১২কী স্কুলশিং হাংনবা ৱারেপ লৌখি অমসুং স্কুমগী মহৈরোয়শিংগীদমক্তা কে.ভি.আই.সি.দগী খাদিগী লংজম ফেস মাস্ক ৬০,০০০ লৈশিন্নবা অয়াবসু পীখি,” সরকারনা লৈনবগী ওর্দর থোকখি হায়না হায়খি।

কে.ভি.আই.সি.গী চিয়রমেন শ্রী বিনাই কুমার সক্সেনানা হায় অরুনাচল প্রদেশ সরকারনা ফেস মাস্কশিং সপ্লাই তৌবা অসি খ্বাইদগী মরু ওইনা লৌখি মরমদি মসি নবেম্বর ১৬তগী ক্লাস হৌগদবা মহৈরোয়শিংগীদমক্তনি। “মসি কে.ভি.আই.সি.গী. ওইনা য়াম্না মমল য়াম্লবা ওর্দর অমনি অমসুং অসিগুম্বা অচৌবা ওর্দরশিং অসিনা খাদিগী আর্তিসেনশিংদা অহেনবা থবক পী। ঐখোয়না ওর্দর অসি নুমিৎ ৬নি খক্তদা সপ্লাই তৌখি অমরোমদা ফেস মাস্কশিংগী খ্বাইদগী অফবা ক্বালিতীসু পীনবা হোৎনখি,” হায়না সক্সেনানা হায়খি।

খংজিনবা য়াবদি কে.ভি.আই.সি.না চহি অসিগী এপ্রিলদা লোঞ্চ তৌখিবদগী থা তরুক খক্তগী মনুংদা ফেস মাস্ক লাখ ২৩ য়োনবা ঙমখ্রে। ফেস মাস্কশিং অসি শীজিন্নবা নুংঙাইবা অমসুং ক্বালিতী লৈবনা কে.ভি.আই.সি.না ইন্দিয়ন রেদ ক্রোস সোসাইতীদগী ফেস মাস্ক লাখ ১২.৩০ য়াওনা তোঙান তোঙানবা অচৌবা ওর্দরশিং ফংখি। প্রজা মীয়ামদগী হেন্দোক্তুনা রাস্ত্রপতি ভবন, প্রধান মন্ত্রীগী লোয়শঙ, তোঙান তোঙানবা রাজ্য সরকারশিং অমসুং কেন্দ্র সরকারগী মন্ত্রালয়শিং অমসুং পি.এস.য়ু.শিংদগী ওর্দরশিং অমুক হন্না ফংখি।

*****