প্রধান মন্ত্রী শ্রী নরেন্দ্র মোদীনা অনৌবা আই.আই.তি. গ্রেজ্যুএৎশিংদা লৈবাক অসিগী মথৌ তারিবশিং অদু খঙদোক্নবা অমসুং গ্রাউন্দদা লৈরিবা অহোংবশিং অদুগা লোয়ননা চৎমিন্ননবা হায়খি। মহাক্না আত্মানির্ভর ভারতকী লমদা প্রজা মীয়ামগী অনীংবশিং অদুসু মখোয়না খঙদোক্না হায়খি। প্রধান মন্ত্রীনা ঙসি ভিদিও কনফরেন্সিংগী থোংদা অথোইবা মীথুংলেন ওইনা আই.আই.তি. দিল্লীগী ৫১শুবা চহিগী কনভোকেসনগী থৌরমদা ৱা ঙাংখ্রে। কেন্দ্রগী এজুকেসন মন্ত্রী শ্রী রামেশ পোখ্রিয়ল নিশঙ্ক’ অমসুং এজুকেসনগী এম.ও.এস. শ্রী সঞ্জে ধোত্রেন্না থৌরম অসিদা শরুক য়াখি। হায়র এজুকেসনগী সেক্রেতরী শ্রী অমিৎ খারে, আই.আই.তি. দিল্লীগী দিরেক্তর শ্রী ভি. রামগোপল রাও অমসুং মন্ত্রালয় অসিগী মকোক থোংবা ওফিসিএলশিংসু থৌরম অসিদা শরুক য়াখি।

কনভোকেসন অসিদা প্রধান মন্ত্রীনা আই.আই.তি.য়ন ২০০০ হেন্নবা অদুবু থাগৎপা ফোঙদোক্লদুনা হায়খি আত্মানির্ভর কেম্পেন অসি লৈবাক অসিগী নহাশিং, তেক্নোক্রেৎশিং অমসুং তেক-ইন্তর্প্রাইজকী লুচিংবশিংদা খুদোংচাবা পীরিবা মিসন অমনি। মহাক্না হায়খি  ঙসি তেক্নোক্রেৎশিংগী ৱাখল্লোন অমসুং ইন্নোবেসনশিং অসি নীংখা তম্না ইমপ্লিমেন্ত তৌনবা অমসুং মখোয়বু হেনগৎহন্নবা অমসুং অরাইবা মওংদা য়োন্নবা চুন্নরবা এনভাইরনমেন্ত অমা ফংহল্লি। মহাক্না হায়খি ঙসিদি ভারতনা মহাক্কী নহাশিংনা মখোয়গী ইন্নোবেসনগী খুত্থাংদা মখোয়গী মীচম প্রজা ওইরিবা মীওই করোর কয়াগী পুন্সিদা মখোয়না অহোংবা পুরকপা ঙম্নবা মখোয়দা ‘ইজ ওফ দুইং বিজিনেস’ ফংহনখ্রে। “নখোয়না লৈবাক অসিগী মীয়ামদা ‘ইজ ওফ লিবিং’ ফংহন্নবা খক্তা হোৎনৌ নখোয়দা লৈবাক অসিনা ‘ইজ ওফ বিজিনেস’ পীগনি,” হায়না শ্রী মোদীনা হায়খি। হন্দক অয়াম্বা সেক্তর খুদিংমক্তা পুরকখিবা অচৌবা অহোংবশিং অসি পাঙথোকপদা মসিনা নুংগী ওইবা ৱাখল্লোন ওইখি হায়না মহাক্না ফোঙদোকখি। অহোংবশিং অসিনা মরম ওইদুনা অহানবা ওইনা ইন্নোবেসন অমসুং অনৌবা স্তার্ত-অপশিংগী খুদোংচাবশিং পীখিবা সেক্তরশিং অদু পাউদমখি।

প্রধান মন্ত্রীনা হায়খি অদর সর্ভিস প্রোবাইদর (ও.এস.পি.) গাইদলাইনশিং অসি হন্দক্তা লায়থোকহনখ্রে অমসুং অথিংবশিং লৌথোকখ্রে, মসিনা বি.পি.ও. ইন্দস্ত্রীশিংগী কম্প্লাইন্সকী পোৎলম হন্থহনখ্রে। মহাক্ন হায়খি বেঙ্ক গরেন্তী য়াওনা তোঙান তোঙানবা তঙাই ফদবশিংদগী বি.পি.ও. ইন্দস্ত্রী অসিবু কোকপীখ্রে। মহাক্না হায়খি য়ুমদগী থবক তৌবা নত্ত্রগা মফম অমা হেক্তদগী থবক তৌবা অসিগুম্বা খুদোংচাবা অসি পীবদা অথিংবা থম্লমবা প্রোবিজনশিং অদু তেক ইন্দস্ত্রীদগী লৌথোকখ্রে। মসিনা লৈবাক অসিগী আই.তি. সেক্তর অসি মালেমগী লমজেলদা য়াওহনবা ঙম্লগনি অমসুং নহা ওইরিবা তেলেন্ততা খুদোংচাবা কয়া পীরগনি।

প্রধান মন্ত্রীনা হায়খি ঙসি ভারত অসি মালেমগী ওইনা কোর্পরেৎ তেক্স খ্বাইদগী নেম্বা লৈবাকশিংগী মরক্তা অমা ওইরে। স্তার্ত-অপ ইন্দিয়া কেম্পেন হৌদৌখিবদগী ভারত্তা স্তার্ত-অপ লিশিং ৫গী মথক্তা থোরকখ্রে। হৌখিবা চহি মঙা অসিদা লৈবাক অসিগী পেতেন্ত মশিং শরুক ৪ থোক্না হেনগৎপা, ত্রেদমার্ক রেজিস্ত্রেসনশিং তৌবদা শরুক ৫ থোক্না হেনগৎপা অসিগুম্বা স্তার্ত-অপশিং চাউখৎহন্নবা সরকারনা হোৎনবশিংগী ফলশিং মহাক্না পাউদমখি। মহাক্না হায়খি চহি কয়া অসিদা ভারতকী য়ুনিকোর্ন ২০ হেন্না শেমখ্রে অমসুং লাক্কদৌরিবা চহি অমা নত্ত্রগা অনি অসিগী মনুংদা মসিগী মশিং অসি মখা তানা হেনগৎলকখিগনি। প্রধান মন্ত্রীনা হায়খি ঙসি ইনক্যুবেসনদগী ফন্দিং ফাওবদা স্তার্তঅপশিং অসিদা মতেং পাংলি। মহাক্না হায়খি স্তার্তঅপশিং অসিগী ফন্দিংগীদমক্তা লুপা করোর লিশিং ১০গী কোর্পস অমগা লোয়ননা ফন্দ ওফ ফন্দস হায়বা অসি শেমখি। মসিগী মথক্তা চহি ৩গী মতমগী স্তার্তঅপশিংদা তেক্স লৌদবা, মশানা সর্তিফিকেসন পীজবা অমসুং ইজী একজিৎকী খুদোংচাবা কয়া ফংহনখ্রে।

প্রধান মন্ত্রীনা হায়খি ঙসি নেস্নেল ইনফ্রাস্ত্রকচর পাইপলাইনগী মখাদা লুপা করোর লাখ ১গী মথক্তা ইনবেস্তমেন্ত তৌনবা থৌরাং তৌখ্রে। হৌজিক অমসুং তুংলমচৎ অনিমক্কী মথৌ তাবশিং অদু ফংহন্নবা লৈবাক শিনবা থুংনা খ্বাইদগী অনৌবা ইনফ্রাস্ত্রকচর অমা শেম্লগনি। মহাক্না হায়খি ঙসি লৈবাক অসিনা লম খুদিংমক্তা খ্বাইদগী য়াম্বা পোতেন্সিএল ফংনবা অনৌবা লম্বীশিংদা চংশিল্লি।

প্রধান মন্ত্রীনা মহৈরোয়শিংদা মখোয়গী থবক মফমদা ঙাক্না চৎনবা লাইৱা মরি তাকখি,

 ক্বাইলিতীদা ফগৎহনবা; য়াশিন্নবা হোৎনদবা

স্কেলেবিলিতী লৈহনবা; অদোমগী ইন্নোবেসনবী থবক অদু পাক শন্নবা তৌহনবা

রিলাইএবিলিতী ওইহনবা; মার্কেৎতা মতম শাংনা থাজবা লৈনবা হোৎনবা

এদাপ্তেবিলিতী পুরকপা; অহোংবা নাইবা অমসুং পুন্সিগী মথেল অমা ওইনা তম্বা ঙমদবা কয়া থোরক্কনি খঙজিনবা

মহাক্না হায়খি তঙাই ফদবা লাইৱাশিং অসি ঙাক্না চৎলবদি মসিনা কনাগুম্বা মীওই লোয়ননা ভারতকী ব্রান্দদা মাই পাকপা ঙমহনগনি মরমদি মহৈরোয়শিং অসি ভারতকী খ্বাইদগী অচৌবা ব্রান্দ এম্বেসেদরশিংনি। মহাক্না হায়খি মহৈরোয়শিংগী থবকনা লৈবাক অসিগী প্রদক্তশিং অসি মালেমদা শকতাকপা ঙমগনি অমসুং লৈবাক অসিনা হোৎনবা অসিদা মপাঙ্গল হাপ্লগনি।

প্রধান মন্ত্রীনা হায়খি কোবিদ লাক্লবা মতুংদা মালেম অসি য়াম্না খেৎনরগনি অমসুং মসিদা তেক্নোলোজীনা খ্বাইদগী চাউবা থৌদাং লৌরগনি। মহাক্না হায়খি ভর্চ্যুএল রীএলিতী হায়বা অসি হান্না খল্লমদে অদুবু হৌজিক্তি ভর্চ্যুএল রীএলিতী অমসুং ওগমেন্তেদ রীএলিতীনা ৱার্কিং রীএলিতী ওইরক্লে। মহাক্না হায়খি হৌজিক্কী বেচ অসিগী মহৈরোয়শিং অসিনা থবক মফমদা ওইরক্লিবা অনৌবা কাংলোনশিং অসি খঙনবা অমদি ঙাক্না চৎনবা খুদোংচাবা অমা ফংলে অমসুং মখোয়না মসিগী খুদোংচাবা অসি য়ারিবা মখৈ শীজিন্নহৌনবা মহাক্না খঙহনখি। মহাক্না হায়খি কোবিদ-১৯না গ্লোবেলাইজেসন অসি মরু ওই অদুবু মসিগা চপ মান্নবা মরোমদোম লেপচবা হায়বা অসিসু মরু ওই হায়বা তম্বীখি।

প্রধান মন্ত্রীনা হায়খি হন্দক লৈবাক অসিনা লাইরবশিংদা খ্বাইদগী লাইরবা অসি লৈঙাক অসিনা য়ৌনবা হোৎনবদা খ্বাইদগী শক্তি লৈবা পাম্বৈ অসি তেক্নোলোজীনা করম্না ওই হায়বা উৎখি। অমাংশঙশিং শাবা, চাক থোং গ্যাস পীবা অসিনচিংবা তেক্নোলোজীগী মতেংনা লাইরবশিংগী খ্বাইদগী লাইরবশিংদা য়ৌহনবা ঙমখিবা সরকারগী স্কীমশিং অদু মহাক্না পাউদমখি। মহাক্না হায়খি লৈবাক অসিনা সর্বিসশিংগী দিজিতেল দেলিবরী তৌনবা অমসুং মীচম প্রজাশিংগী পুন্সি অসি নুংঙাইহন্নবা খোঙথাং কয়া লৌখৎখ্রে। মহাক্না হায়খি তেক্নোলোজীনা মফম খুদিংদা দেলিবরী মপুং ফানা তৌহনবা অমসুং শেঞ্জ-থুমজা হন্থহনবা ঙমখ্রে। দিজিতেল ত্রাঞ্জেক্সনশিংগী মতাংদসু মালেমগী লৈবাক কয়াদগী ভারতনা মাংজিল থারি অমসুং চাউখৎলবা লৈবাকশিংনা য়ু.পি.আই.গুম্বা ভারতকী প্লেৎফোর্মশিং শীজিন্নবা পাম্লি।

প্রধান মন্ত্রীনা হায় হন্দক্তা হৌদোকখিবা স্বামিত্বা য়োজনাদা তেক্নোলোজীনা অচৌবা থৌদাং অমা লৌরি। মসিগী মখাদা অহানবা ওইনা য়ুম তারিবা অমসুং লেন্দ প্রোপর্তী মেপ তৌবা ঙমখ্রে। মমাংদদি মসিগী থবক অসি মেন্যুল ওইনা তৌরম্মি মরম অদুনা মহৌশানা চমম্নবা অমসুং চিংনবশিংসু লৈরম্মি। ঙসিদি দ্রোন তেক্নোলোজী শীজিন্নদুনা মেপিং তৌরি অমসুং মসিদা খুঞ্জাশিংনা অপেনবা পোক্নখি। ভারতকী অচম্বা প্রজাশিং অসিনা তেক্নোলোজীদা কয়াম থাজবা থম্বগে হায়বা অদু মসিনা উৎলি। খুদোংথিবা থোকখ্রবা মতুংদা ফীভম লাকশিনবা, গ্রাউন্দ ৱাতর লেবেল য়েংশিনবা, তেলিমেদিসিনগী তেক্নোলোজী অমসুং রিমোৎ সর্জরী, অচৌবা দেতা এনালাইসিস অসিনচিংবা অসিদা তেক্নোলোজীনা পাম্বৈশিং পীরিবা খুদোংচাদবশিং অদু মহাক্না পাউদমখি।

মহাক্না মহৈরোয়শিংনা য়াম্না নহা ওইনা খ্বাইদগী লুবা চাংয়েংশিং অসি মাই পাকপগীদমক মখোয়গী তোপ-তোপ্পা তৌবা ঙম্বা অদুবু থাগৎপা ফোঙদোকখি অদুগা মসিগা লোয়ননা মখা তানা মখোয়গী তৌবা ঙম্বা অদু হেনগৎহন্নবা মখোয়বু ফ্লেক্সিবল ওইনবা অমসুং পুকচেল চাওবা ওইনবা পাউতাক পীখি। মহাক্না ফ্লেক্সিবিলিতী হায়বগী অর্থদি তিম অমদা চংবা য়ান্নবা হোৎনবদা থৌনা হনবা তৌরোইদবনি অদুবু মতাং অমা হেক্তদা কনাগুম্বা অমনা মহাক কনানো হায়বা কাউরোইদবনি হায়বনি। মহাক্না হ্যুমিলিতী হায়বগী অর্থদি কনাগুম্বা অমনা মাই পাকপা অদুদা চাউথোকচবা পোক্কদবনি অদুবু নোলুকপা মীওইদি ওইগদবনি হায়বনি।

প্রধান মন্ত্রী শ্রী নরেন্দ্র মোদীনা কনভোকেসন অসিগীদমক্তা মহৈরোয়শিং, মখোয়গী মমা-মপাশিং, গাইদশিং অমসুং ফেকল্তীবু য়াইফ-পাউজেল পীখি। মহাক্না আই.আই.তি. দিল্লীবু মখোয়গী দাইমন্দ জুব্লী পাংথোকপগী য়াইফ-পাউজেলসু পীখি অমসুং দিকেদ অসিদা ইন্সতিত্যুৎ অসিনা থম্লিবা পান্দমশিং মাইপাক্না ফংনবা য়াইফ-পাউজেল পীখি।

শরুক য়ারিবশিংদা শ্রী পোখ্রিয়লনা ৱা ঙাংলদুনা হায়খি আই.আই.তি.শিং অসি লৈবাক অসিগী মরু ওইবা ইন্সতিত্যুত অমা খক্তা নত্তনা মসি মালেমগী ফমপাক্তা লৈবাক অসিবু শক্তাক্লিবা ইন্সতিত্যুতশিংনি। আই.আই.তি.শিংগী মীওইশিংগা লোয়ননা আই.আই.তি.দিল্লীনা রিসর্চ ওইরবসু নত্ত্রগা একাদেমিক এক্সিলেন্সপু ওইরবসু অঙকপা ফংনা মমাংদা থবক তৌখি। ক্যু.এস. রেঙ্কিংদা আই.আই.তি.না “ইঞ্জিনিয়রিং অমসুং তেক্নোলোজী”গী সবজেক্তকী লমদা মালেমগী ওইনা ৪৭শুবা রেঙ্ক ফংখি অমসুং অপুনবগী রেঙ্কিং অসিদা মালেমগী মকোক থোংবা ২০০গী মরক্তা আই.আই.তি. দিল্লীনা চনবা ঙম্লি আয়না মহাক্না মখা তাখি। মসিনা তাক্লি মদুদি মখোয়গী অপুনবগী রেঙ্কিংদা ফগৎহন্নবা হোৎনবদা ইঞ্জিনিয়রিং অমসুং তেক্নোলোজীগী লমশিংদা আই.আই.তি.শিংনা শীংথানিংঙাই ওইনা থবক তৌরবসু মখোয়না ফংহল্লিবা এজুকেসন অসি হেন্না পাক শন্না ফংহনবা মথৌ তাই। মসিনি ইন্সতিত্যুসনশিংগীদমক্তা নেস্নেল এজুকেসন পোলিসীনা পীরিবসু।

মন্ত্রীনা হায়খি কোবিদ-১৯গী লাইচৎ অসিগী মতম অসিদা ইন্সতিত্যুত অসিনা লৈবাক অসিগী শেবা তৌবা ফংখি অমসুং খুন্নাই অসিবু মতেং পাংনবা তেক্নোলোজী অমসুং ইন্নোবেসনশিং পুথোকখি। চহি অসিগী অঙনবা শরুক্তা আই.আই.তি. দিল্লীনা পুথোকখিবা খ্বাইদগী শেল চংদবা কোবিদ-১৯ ভাইরস তেস্তিং কিৎ লোঞ্চ তৌখিবা অসিদা মন্ত্রীনা নুংঙাইবা ফোঙদোকখি। লৈবাক অসিদা শেল চংদবা আর.তি.-পি.সি.আর. তেস্ত কিৎ অসিনা আর.তি.-পি.সি.আর.গী মমল হন্থহনবদা মতেং পাংখি হায়না মহাক্না ফোঙদোকখি। মহাক্না মখা তারদুনা হায়খি আই.আই.তি. দিল্লীনা ইনক্যুবেৎ তৌখিবা স্তার্তঅপশিংনা ক্বালিতী লৈবা পি.পি.ই.শিংগী মিলিয়ন ৪.৫ গী মথক্তা এক্সপোর্ত তৌদুনা সপ্লাই তৌখি। অশ্বগনধাগুম্বা ভারতকী য়েলহৌঙৈদগী লৈরক্লবা হীদাক-লাংথাক অসিনা ভাইরস অসি শন্দোকপা থিংবদা কান্নরে হায়বা অসি ইন্তরনেস্নেল জর্নেলশিংদা রিসর্চ পব্লিকেসনশিংগী খুত্থাংদা আই.আই.তি. দিল্লী রিসর্চনসু সাইন্তিফিক ওইনা উৎখ্রে অমসুং ইন্দস্ত্রী, ইন্তরনেস্নেল পার্তনরশিং অমসুং সরকারগী এজেন্সীশিংগা লোয়ননা পুন্না চুংশিন্নদুনা ইন্সতিত্যুত অসিগী রিসর্চরশিংনা অতোপ্পা কোবিদ-১৯গা মরী লৈনবা রিসর্চকী থবক থৌরম কয়া পাইখৎখ্রে হায়না মহাক্না মখা তাখি। শ্রী পোখ্রিয়লনা রিসর্চতা চুংশিন্ননবা ইন্দস্ত্রীগা লোয়ননা ইন্সতিত্যুতনা থৌরাংশিং লৌখৎখ্রে হায়না পাউদমখি। মরম অসিনা হৌখিবা চহি ৫ অসিদা স্পোন্সর তৌবা সেন্তর ওফ এক্সিলেন্স ১৩ ইন্সতিত্যুত অসিনা হাংদোকখি। সেন্তর ওফ এক্সিলেন্স অসিনা অফবা রিসর্চকী ফল ফংহন্নবা মীৎয়েং থম্বগা লোয়ননা অখন্নবা দোমেন অমদা মীৎয়েং থম্লি হায়না মহাক্না ফোঙদোকখি। এক্সিলেন্স ন্সর তৌখ্র্তরস  থবক থৌরম কিক্সিলেন্সপু ওইরবসু

মন্ত্রীনা হায়খি সরকারনা শেমখিবা অনৌবা নেস্নেল এজুকেসন পোলিসী অসি মালেমগী মীয়াম্না থাগৎনরকখি। মহাক্না এজুকেসন অমসুং রিসর্চ ফ্রন্তশিংদা তোঙান তোঙানবা থৌরাংশিংগী খুত্থাংদা ইন্সতিত্যুতকী থাক্তা ইমপ্লিমেন্ত তৌনবা আই.আই.তি. দিল্লীনা খন্নবা হৌখিবা অসিদা নুংঙাইবা ফোঙদোকখি। ইন্সতিত্যুত অসিনা পীরিবা স্পেসিএলাইজেসনশিং অমসুং মহৈরোয়শিংগী মরক্তা অনিমক্তা হেন্না দাইবর্সিতী লৈহন্নবা মীৎয়েং চংলগনি, হায়না মহাা মিতী লৈহন্নবা মীৎয়েং চংলগনি, ক্না মখা তাখি।

শ্রী পোখ্রিয়লনা তম্বা লোইরবা মহৈরোয় ২০০০বু মখোয়গী মশাগী দিগ্রী প্রোগ্রামশিং অসি লোইশিনবদা মথৌ তারিবা অদু ফংনবা কন্না হোৎনখিবা, কত্থোকখিবা অমসুং রিসর্চ এক্সিলেন্স অদুবু থাগৎখি। মতমনা পীবা চাংয়েং মাই পাক্নবা ঙসি অনৌবা তাঙ্কক অমা হৌরে অমসুং তুংলমচৎতা মহৈরোয়শিংনা মখোয়গী আল্মা মেতরদা নোংমা হল্লক্তুনা “গুরু-দক্ষিনা” পীগদবনি। মন্ত্রীনা মহৈরোয় পুম্নমক্তা লৈবাক অসি শেমগৎপগী থৌরাংশিংদা শরুক য়ানবা অপীল তৌখি মরমদি ঐখোয়না হ্যুমেন কেপিতেলদা লৈবাক অসিনা মালেমদা খ্বাইদগী চাউবা ওইরি অমসুং ঐখোয়গী প্রধান মন্ত্রীনা ২০২৪ ফাওবদা শেন্মীৎলোন অসি দোলর ত্রিলিয়ন ৫ য়ৌহন্নবা হোৎনরিআ অসিগী মঙলান অসি মঙফাওনবা ঙম্নবা পুন্না হোৎনগদবনি। মসি ঐখোয়না ঐখোয়গী লৌশিং অসি লন্দা ওন্থোক্নবা মীৎয়েং চংলবা মতমদা খক্তা ওইথোকপা ঙমগনি। লৈবাক অসিনা ঐখোয়গী নহাশিংদগী অচৌবা আশা কয়া থম্লি হায়না মহাক্না মখা তাখি।

কনভোকেসনগী থৌরম অসিদা শ্রী পোখ্রিয়লনা নহাশিং খুমাং চাউশিনহন্নবগীদমক্তা ভর্চ্যুএল অমসুং ইন্তরেক্তিব-লর্নিং ফংহন্নবা – ই.বিদ্যা@আই.আই.তি.দি. লোঞ্চ তৌখ্রে। থৌরাং অসিগী মখাদা ইঞ্জিনিয়রিং, তেক্নোলোজী, সাইন্স, হ্যূমেনিতীস অমসুং মেনেজমেন্ত তোঙান তোঙানবা দোমেনশিংদা ভারত মচাশিংগী লোয়ননা ইন্তরনেস্নেলগী শরুক য়ারিবশিংদা আই.আই.তি. দিল্লীনা ওনলাইন সর্তিফিকেৎ প্রোগ্রামশিং ফংহনগনি। ই.বিদ্যা@আই.আই.তি.দি. অসিনা ইন্দস্ত্রী, খুন্নাই অমসুং তোঙান তোঙানবা শরুক য়ারিবশিংগী মথৌ তারিবশিং ফংহনগনি।

থৌরম অসিদা ৱা ঙাংলদুনা শ্রী ধোত্রেনা হায়খি মদুদি দীপ লর্নিং, আর্তিফিসিএল ইন্তেলিজেন্স, দ্রোনশিং, রোবোতিক্স, ব্লোক চেন তেক্নোলোজীগুম্বা অনৌবা তেক্নোলোজীশিং অসিনা নহাশিংগীদমক্তা অনৌবা লমশিং হাংদোক্লিবা তেক্নোলোজীগী লমদা হৌজিক লৈবা হায়বা অসি খুদোংচাবা অমনি। মহাক্না হায়খি ঐখোয়গী মমাংগী চারোনশিংনা হৌরম্বা থবক থৌরমশিং লোইদ্রি অমসুং মীওইবা খুন্নাইগী সমস্যা খরদি কোকহনখ্রে অদুবু অয়াম্বদি লৈহৌরি। ঐখোয়না লোইশিনবা ঙমহৌদ্রবা সমস্যাশি অসি তেক্নোলোজী শীজিন্নদুনা কোকহন্নবা অমসুং লৌউ-শিংউ অসি সস্তেনেবল ওইহন্দুনা ঐখোয়গী লৌমীশিংগী পুন্সি নুংঙাইহন্নবা হোৎনগদবনি হায়না মহাক্না ফোঙদোকখি। এজুকেসন অমসুং হকশেলগী সমস্যাশিং কোকহনবা, অফবা নুংশিৎ, ঈশিং অমসুং লৈহৌ ফংনবা  অমসুং মহৌশাবু ঙাকশেন্নবা ঈশিং অমসুং ইনর্জী সেক্যুরিতীগী সমস্যাশিং কোকহনবা তেক্নোলোজী শীজিন্ননবা মহাক্না মখা তারদুনা হায়খি।

শ্রী ধোত্রেনা হায়খি ঐখোয়গী প্রধান মন্ত্রী শ্রী নরেন্দ্র মোদীজিগী লুচিং মখাদা হৌখিবা দিজিতেল ইন্দিয়া প্রোগ্রাম অসিনা ইন্নোবেসনশিংগী ইহৌ অমা পুরকখি। আই.আই.তি. সিস্তেমদগী থোরক্লিবা নহা ওইরিবা তেক্নোলোজিস্তশিংনা স্তার্তঅপশিংগী খুত্থাংদা অওনবা পুরকখি অমসুং মসিদা অয়াম্বদি য়ুনিকোর্নশিং ওইনা দিবেলপ তৌখ্রে হায়না মহাক্না ফোঙদোকখি।

থৌরম অসিদা রিরেক্ততগী রিপোর্ত উৎলদুনা প্রোফেসর ভি রামগোপাল রাওনা হায়খি, “হৌখিবা চহি ৫ অসিদা আই.আই.তি. দিল্লীগী ফেকল্তী অমসুং মহৈরোয়শিংনা ক্বালিতী লৈবা পেপর ১০০০০গী মথক্তা ইখ্রে, পেতেন্ত ৫০০গী মথক্তা ফাইল তৌখ্রে, ইন্দস্ত্রী প্রোজেক্ত চাউরাক্না ১৫০ পাঙথোকখ্রে অমসুং মালেম পুম্বদগী মমিং লৈরবা গ্রান্তশিংদগী রিসর্চকী ফন্দ লুপা করোর ১৩০০গী মথক্তা ফংখ্রে। এলুম্নি, ইন্দস্ত্রীশিং অমসুং সরকারগী এজেন্সীশিংনা হৌখিবা চহি ৫ অসিদা ফন্দ থাদদুনা অনৌবা সেন্তর ওফ এক্সিলেন্স ১৮সু শেমখ্রে। ইন্সতিত্যুত অসি লিংখৎখিবদগী হৌরগা  মমাংগী চহি ৬গী মতমশিং অমা হেক্তগা চাংদম্নবদা ২এক্স তগী ৪এক্স ফাওবগী মরক্তা লৈদুনা মশিং অসি হেন্না ৱাংঙি। লোয়ননা ঐখোয়গী এলুম্নিনা ইন্সতিত্যুত অসিদা হৌখিবা চহি অমদা ফন্দ দোনেসনশিং তৌরকপশিং অসিনা ইন্সতিত্যুত অসিগী হৌখিবা চহি ৫৫দা পুন্না দোনেসন তৌরকখিবা শেনফম অদুদগী হেল্লি। ঐখোয়দা থাজবা থম্বীখিবা ঐখোয়গী এলুম্নি পুম্নমক, ইন্দস্ত্রীশিং অমসুং অতোপ্পা ফন্দিং এজেন্সীশিংবু ঐখোয়না থাগৎপা ফোঙদোকচরি।”

কনভোকেসন অসি মশা লাক্তুনা ইন্সতিত্যুত অসিগী দোগ্রা হোলদা অকক্নবা মীশিংগা অমসুং গ্রেজ্যুএসন য়াওগদবা মহৈরোয় পুম্নমক, মখোয়গী মমা-মপাশিং, শক নাইরবা এলুম্নি, মীথুংলেনশিং অমসুং অতোপ্পা মীওইশিংদা য়াওহন্নবা ওনলাইন ৱেবকাস্ত অমগা লোয়ননা হাইব্রিদ মোদ অমদা পাঙথোকখি।

ইন্সতিত্যুত অসিনা কনভোকেসন অসিদা প্রসিদেন্তস গোল্দ মেদল, দিরেক্তরস গোল্দ মেদল, দা. শঙ্কর দায়াল শর্মা (হান্নগী ভারতকী রাস্ত্রপতী) গোল্দ মেদল, পর্ফেক্ত তেন গোল্দ মেদলস অমসুং ইন্তিত্যুত সিল্ভর মেদলস গ্রেজ্যুৎ লোয়রবা মহৈরোয়শিংদা পীখি। প্রসিদেন্তস গোল্দ মেদল অসি কম্প্যুতর সাইন্স অমসুং ইঞ্জিনিয়রিংদা বি.তেক লোয়রবা শ্রী দীপানশু জিন্দলদা পীখি; দিরেক্তরস গোল্দ মেদল অসি তেক্সতাইল তেক্নোলোজীদা বি.তেক লোয়রবা কুমারী আশি অগর্ৱালদা পীখি অমসুং দা. দায়াল শর্মা (হান্নগী ভারতকী রাস্ত্রপতী) গোল্দ মেদল অসি এপ্লাইদ ওপ্তিক্সতা এম.তেক লোয়রবা কুমারী মুস্কান কুলারিয়াদা পীখি। প্রসিদেন্ত গোল্দ মেদল অসি একেদেমিক এচিপমেন্ত/সি.জি.পি.এ. খ্বাইদগী ৱাংবগী গ্রেজ্যুৎ লোয়রবা য়ু.জি. মহৈরোয়শিংগী মরক্তা মকোক তারকপা মহৈরোয় অদুদা পীখি। দিরেক্তরস গোল্দ মেদল অসি একেদেমিক্সকা লোয়ননা এক্সত্রা করিকুলম এক্তিবিতীশিংদা ফংবা এচিপমেন্তশিংগী গ্রেজ্যুৎ লোয়রবা য়ু.জি. মহৈরোয় অমা পীখি। 

দা. শঙ্কর দায়াল শর্মা (হান্নগী ভারতকী রাস্ত্রপতী) গোল্দ মেদল অসি এম.তেক লোয়রবা মহৈরোয় খুদিংমক্কী মরক্তা একেদেমিক পর্ফোরমেন্স, এক্সত্রা করিকুলম এক্তিবিতীশিং অমসুং সোসিএল সর্ভিস্তা এক্সিলেন্স ওইবগা লোয়ননা লমচৎ শাজৎ অমসুং কন্দক্ত য়াওনা হীরম খুদিংমক্তা ফবগী খ্বাইদগী মতিক চাবনি হায়না খনগৎলবা পি.জি.লোয়রবা মহৈরোয় অমদা পীখি। 

পর্ফেক্ত ১০ গোল্দ মেদল অসি সি.জি.পি.এ. ১০গী মনুংদা ১০ ফংখিবা গ্রেজ্যুৎ লোইরবা পি.জি. মহৈরোয় অমদা পীখি। ইন্সতিত্যুত সিল্ভর মেদলনা মরী লৈনবা প্রো্গ্রামদা সি.জি.পি.এ. খ্বাইদগী য়াম্না ফংখিবা গ্রেজ্যুৎ লোইরবা য়ু.জি. মহৈরোয় অমদা পীখি।

৫১শুবা কনভোকেসন অসিদা আই.আই.তি. দিল্লীনা ইকাই খুম্ননিংঙাই ওইরবা এলুম্নিবুসু এলুম্নি এৱার্দস ২০২০ পীখি। আই.আই.তি.দিল্লী এলুম্নি মঙানা ‘দিস্তিঙ্গিশ এলুম্নি এৱার্দ’ ফংখি অমসুং এলুম্নস অমনা ‘দিস্তিঙ্গিশ এলুম্নি সর্ভিশ এৱার্দ’ ফংখি অমসুং এলুম্নস অনিনা মেদন গ্রেজ্যুতস ওফ লাস্ত দিকেদ (গোল্দ) এৱার্দ ফংখি।

******