ਕੇਂਦਰੀ ਸਮਾਜਿਕ ਨਿਆਂ ਅਤੇ ਸਸ਼ਕਤੀਕਰਣ ਮੰਤਰੀ, ਸ਼੍ਰੀ ਥਾਵਰਚੰਦ ਗਹਿਲੋਤ ਉੱਤਰੀ ਮੁੰਬਈ ਵਿੱਚ ਵਰਚੁਅਲ ਔਨਲਾਈਨ ਵੀਡੀਓ ਸਟ੍ਰੀਮਿੰਗ ਦੁਆਰਾ ਪੋਇੰਸੁਰ ਜਿਮਖਾਨਾ, ਕਾਂਦੀਵਲੀ (ਪੱਛਮ) ਵਿਖੇ ਭਾਰਤ ਸਰਕਾਰ ਦੀ ਏਡੀਆਈਪੀ ਸਕੀਮ ਤਹਿਤ ਉੱਤਰੀ ਮੁੰਬਈ ਦੇ ਸ਼ਨਾਖਤ ਕੀਤੇ ਗਏ ਦਿੱਵਯਾਂਗਜਨਾਂ ਦੀ ਸਹਾਇਤਾ ਲਈ ਬਲਾਕ ਪੱਧਰ ’ਤੇ ਸਹਾਇਕ ਉਪਕਰਣਾਂ ਦੇ ਮੁਫਤ ਵਿਤਰਣ ਲਈ ਇੱਕ ਕੈਂਪ ਦਾ ਉਦਘਾਟਨ ਕਰਨਗੇ।  ਉੱਤਰੀ ਮੁੰਬਈ ਲੋਕ ਸਭਾ ਹਲਕੇ ਦੇ ਸੰਸਦ ਮੈਂਬਰ ਸ਼੍ਰੀ ਗੋਪਾਲ ਸ਼ੈੱਟੀ ਉੱਤਰ ਮੁੰਬਈ ਵਿੱਚ ਸਮਾਗਮ ਦੇ ਸਥਾਨ ਪੋਇੰਸੁਰ ਜਿਮਖਾਨਾ ਵਿਖੇ ਇਸ ਸਮਾਗਮ ਦੀ ਪ੍ਰਧਾਨਗੀ ਕਰਨਗੇ।  ਕੋਵਿਡ 19 ਮਹਾਮਾਰੀ ਦੀ ਸਥਿਤੀ ਵਿੱਚ, ਭਾਰਤ ਸਰਕਾਰ ਦੁਆਰਾ ਵਿਸ਼ੇਸ਼ ਉਪਾਅ ਕੀਤੇ ਗਏ ਹਨ ਤਾਂ ਜੋ ਭਲਾਈ ਸਕੀਮ ਦਾ ਲਾਭ  ਦਿੱਵਯਾਂਗਜਨਾਂ ਦੇ ਹਿੱਤ ਵਿੱਚ ਨਿਰਵਿਘਨ ਜਾਰੀ ਰਹੇ। ਇਸ ਕੋਸ਼ਿਸ਼ ਵਿੱਚ ਸਾਰੇ ਬਚਾਅ ਉਪਾਵਾਂ ਦੀ ਪਾਲਣਾ ਕਰਦਿਆਂ ਇਸ ਕੈਂਪ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ।

ਜਨਵਰੀ ਅਤੇ ਫਰਵਰੀ 2020 ਦੇ ਮਹੀਨਿਆਂ ਦੌਰਾਨ ਉੱਤਰੀ ਮੁੰਬਈ ਦੇ 6 ਸਥਾਨਾਂ 'ਤੇ ਕੁੱਲ 1035 ਲਾਭਾਰਥੀਆਂ ਦੀ ਸ਼ਨਾਖਤ ਕੀਤੀ ਗਈ ਸੀ।  87.96 ਲੱਖ ਰੁਪਏ ਦੀ ਕੀਮਤ ਦੇ ਕੁੱਲ 1740 ਸਹਾਇਤਾ ਅਤੇ ਸਹਾਇਕ ਉਪਕਰਣਾਂ ਨੂੰ ਦਹੀਸਾਗਰ, ਕਾਂਦੀਵਲੀ (ਪੱਛਮ), ਕਾਂਦੀਵਲੀ (ਪੂਰਬ), ਬੋਰੀਵਲੀ (ਪੂਰਬ), ਬੋਰੀਵਲੀ (ਪੱਛਮ) ਅਤੇ ਉੱਤਰੀ ਮੁੰਬਈ ਵਿੱਚ ਪੋਇੰਸੂਰ ਜਿਮਖਾਨਾ ਵਿਖੇ ਕੈਂਪਾਂ ਦੁਆਰਾ ਪਹਿਲਾਂ ਤੋਂ ਸ਼ਨਾਖਤ ਕੀਤੇ ਗਏ ਲਾਭਾਰਥੀਆਂ ਵਿੱਚ ਪੜਾਅਵਾਰ ਵਿਤ੍ਰਿਤ ਕੀਤਾ ਜਾਵੇਗਾ।

ਇਹ ਕੈਂਪ ਭਾਰਤ ਸਰਕਾਰ ਦੇ ਸਮਾਜਿਕ ਨਿਆਂ ਅਤੇ ਸਸ਼ਕਤੀਕਰਣ ਮੰਤਰਾਲੇ ਦੇ ਦਿੱਵਯਾਂਗਜਨਾਂ ਦੇ ਸਸ਼ਕਤੀਕਰਨ ਵਿਭਾਗ (ਡੀਈਪੀਡਬਲਿਊਡੀ) ਦੀ ਅਗਵਾਈ ਹੇਠ ਆਰਟੀਫਿਸ਼ੀਅਲ ਲਿਮਬਜ਼ ਮੈਨੂਫੈਕਚਰਿੰਗ ਕਾਰਪੋਰੇਸ਼ਨ ਆਵ੍ ਇੰਡੀਆ (ਏਲਿਮਕੋ), ਕਾਨਪੁਰ ਦੁਆਰਾ ਭਾਰਤ ਸਰਕਾਰ ਦੀ ਏਡੀਆਈਪੀ ਸਕੀਮ ਅਧੀਨ, ਜ਼ਿਲ੍ਹਾ ਪ੍ਰਸ਼ਾਸਨ, ਉੱਤਰੀ ਮੁੰਬਈ ਦੇ ਸਹਿਯੋਗ ਨਾਲ ਲਗਾਇਆ ਜਾ ਰਿਹਾ ਹੈ। ਇਹ ਕੈਂਪ ਨਵੀਂ ਪ੍ਰਵਾਨਿਤ ਸਟੈਂਡਰਡ ਓਪਰੇਟਿੰਗ ਪ੍ਰਕਿਰਿਆ (ਐੱਸਓਪੀ) ਦੇ ਅਨੁਸਾਰ ਲਗਾਇਆ ਜਾਵੇਗਾ।

ਪੋਇੰਸੁਰ ਜਿਮਖਾਨਾ, ਕਾਂਦੀਵਲੀ (ਪੱਛਮ) ਵਿਖੇ ਉਦਘਾਟਨੀ ਕੈਂਪ ਵਿੱਚ, 150 ਦਿੱਵਯਾਂਗਜਨਾਂ ਵਿੱਚ 21 ਮੋਟਰਾਈਜ਼ਡ ਟ੍ਰਾਈਸਾਈਕਲਾਂ ਸਮੇਤ ਵਿਭਿੰਨ ਸ਼੍ਰੇਣੀਆਂ ਦੇ ਸਹਾਇਕ ਉਪਕਰਣਾਂ ਅਤੇ ਡਿਵਾਇਸਿਸ ਨੂੰ ਵਿਤ੍ਰਿਤ ਕੀਤਾ ਜਾਵੇਗਾ। ਉੱਤਰੀ ਮੁੰਬਈ ਦੇ ਕੈਂਪ ਵਿੱਚ, ਉੱਤਰੀ ਮੁੰਬਈ ਲੋਕ ਸਭਾ ਹਲਕੇ ਦੇ ਸੰਸਦ ਮੈਂਬਰ ਸ਼੍ਰੀ ਗੋਪਾਲ ਸ਼ੈੱਟੀ ਦੇ ਐੱਮਪੀਲੈਡ (MPLAD) ਫੰਡ ਵਿੱਚੋਂ 3,96,000 ਰੁਪਏ ਦੀ ਸਹਾਇਤਾ ਨਾਲ ਕੁਲ 33 ਮੋਟਰਾਈਜ਼ਡ ਟ੍ਰਾਈਸਾਈਕਲਜ਼ ਵੰਡੀਆਂ ਜਾਣਗੀਆਂ।  ਇੱਕ ਮੋਟਰਾਈਜ਼ਡ ਟ੍ਰਾਈਸਾਈਕਲ ਦੀ ਕੀਮਤ 37,000 ਰੁਪਏ ਹੈ। ਯੋਗ ਲਾਭਾਰਥੀ ਨੂੰ ਭਾਰਤ ਸਰਕਾਰ ਦੀ ਏਡੀਆਈਪੀ ਸਕੀਮ ਅਧੀਨ ਸਬਸਿਡੀ ਵਜੋਂ 25,000 ਰੁਪਏ ਦੀ ਸਹਾਇਤਾ ਮਿਲਦੀ ਹੈ ਅਤੇ 12,000 ਰੁਪਏ ਪ੍ਰਤੀ ਮੋਟਰਾਈਜ਼ਡ ਟ੍ਰਾਈਸਾਈਕਲ ਦੀ ਬਕਾਇਆ ਰਕਮ ਨੂੰ ਐੱਮਪੀ ਲੈਡ ਦੀ ਸਹਾਇਤਾ ਦੁਆਰਾ ਫੰਡ ਕੀਤਾ ਜਾਂਦਾ ਹੈ।

ਸਹਾਇਕ ਉਪਕਰਣਾਂ ਅਤੇ ਡਿਵਾਇਸਿਸ ਦੇ ਵਿਤ੍ਰਣ ਦੌਰਾਨ ਕੋਵਿਡ-19 ਦੇ ਫੈਲਣ ਦੀ ਕਿਸੇ ਵੀ ਸੰਭਾਵਨਾ ਤੋਂ ਬਚਾਅ ਲਈ ਸਿਹਤ ਅਤੇ ਵਿਅਕਤੀਗਤ ਸੁਰੱਖਿਆ ਅਤੇ ਹੋਰ ਜ਼ਰੂਰੀ ਸਾਵਧਾਨੀ ਉਪਾਵਾਂ ਦੀ ਸਖਤ ਪਾਲਣਾ ਨੂੰ ਸੁਨਿਸ਼ਚਿਤ ਕੀਤਾ ਜਾਵੇਗਾ। ਲਾਭਾਰਥੀਆਂ ਤੱਕ ਪਹੁੰਚ ਕਰਦਿਆਂ, ਸਾਰੇ ਲੋਕਾਂ ਲਈ ਥਰਮਲ ਸਕ੍ਰੀਨਿੰਗ ਅਤੇ ਫੇਸ ਮਾਸਕ, ਸੈਨੀਟਾਈਜ਼ਰ, ਹੈਂਡ ਗਲੋਵ ਅਤੇ ਪੇਸ਼ੇਵਰਾਂ ਦੁਆਰਾ ਪੀਪੀਈ ਕਿੱਟਾਂ ਦੀ ਲਾਜ਼ਮੀ ਵਰਤੋਂ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਨਵੀਂ ਐੱਸਓਪੀ ਦੇ ਅਨੁਸਾਰ ਸਥਾਨ ਅਤੇ ਅਕਸਰ ਛੂਹੇ ਜਾਣ ਵਾਲੇ ਖੇਤਰਾਂ ਦੀ ਸਵੱਛਤਾ ਦਾ ਪ੍ਰਬੰਧ ਵੀ ਕੀਤਾ ਜਾਵੇਗਾ। ਇਸ ਪ੍ਰੋਗਰਾਮ ਦੌਰਾਨ ਸਾਜ਼ੋ-ਸਾਮਾਨ ਦੀ ਬਹੁ-ਪੱਧਰੀ ਸਵੱਛਤਾ ਪ੍ਰਦਾਨ ਕੀਤੀ ਜਾਏਗੀ, ਜਿਸ ਵਿੱਚ ਸਹਾਇਤਾ ਉਪਕਰਣਾਂ ਦੀ ਸਪਲਾਈ ਤੋਂ ਪਹਿਲਾਂ ਸਵੱਛਤਾ, ਆਵਾਜਾਈ ਵਾਹਨ, ਖੁੱਲੇ / ਬੰਦ ਸਟੈਕਿੰਗ ਖੇਤਰ ਅਤੇ ਵਿਤ੍ਰਣ ਤੋਂ ਪਹਿਲਾਂ ਸਹਾਇਕ ਉਪਕਰਣਾਂ ਦੀ ਦੁਬਾਰਾ ਸਵੱਛਤਾ ਸ਼ਾਮਲ ਹੈ। ਲਾਭਾਰਥੀਆਂ ਅਤੇ ਉਨ੍ਹਾਂ ਦੇ ਸੇਵਾਦਾਰਾਂ ਲਈ ਸਮਾਜਿਕ ਦੂਰੀ ਨੂੰ ਧਿਆਨ ਵਿੱਚ ਰੱਖਦਿਆਂ ਬੈਠਣ ਦੀ ਵਿਵਸਥਾ ਕੀਤੀ ਜਾਏਗੀ। ਲਾਭਾਰਥੀ ਇੱਕ ਸਮੇਂ ਵਿੱਚ 40 ਲਾਭਾਰਥੀਆਂ ਦੇ ਬੈੱਚ ਦੇ ਰੂਪ ਵਿੱਚ ਸੂਚੀਬਧ ਢੰਗ ਅਨੁਸਾਰ ਪਹੁੰਚਣਗੇ ਅਤੇ ਉਨ੍ਹਾਂ ਦੇ ਨਜ਼ਦੀਕੀ ਸੰਪਰਕ ਤੋਂ ਬਚਾਅ ਲਈ ਪ੍ਰਵੇਸ਼ ਕਰਨ ਅਤੇ ਬਾਹਰ ਜਾਣ ਲਈ ਵੱਖਰੇ ਗੇਟ ਹੋਣਗੇ।

ਉੱਤਰੀ ਮੁੰਬਈ ਵਿੱਚ ਪੜਾਅਵਾਰ ਵਿਤ੍ਰਣ ਕੈਂਪਾਂ ਦੀ ਇੱਕ ਲੜੀ ਰਾਹੀਂ ਵੰਡੇ ਜਾਣ ਵਾਲੇ ਉਪਕਰਣਾਂ ਵਿੱਚ 33 ਮੋਟਰਾਈਜ਼ਡ ਟ੍ਰਾਈਸਾਈਕਲ, 75 ਹੱਥ ਨਾਲ ਚਲਣ ਵਾਲੇ ਟ੍ਰਾਈਸਾਈਕਲ, 169 ਵ੍ਹੀਲ ਚੇਅਰਜ਼, 12 ਸੀ.ਪੀ. ਚੇਅਰ, 178 ਵੈਸਾਖੀਆਂ, 116 ਵਾਕਿੰਗ ਸਟਿਕਸ, 136 ਸਮਾਰਟ ਕੇਨ, ਦ੍ਰਿਸ਼ਟੀਬਾਧਿਤ ਵਿਅਕਤੀਆਂ ਲਈ 23 ਫੋਲਡਿੰਗ ਕੇਨ, 18 ਸਮਾਰਟ ਫੋਨ, 5 ਡੇਜ਼ੀ ਪਲੇਅਰ, 2 ਬ੍ਰੇਲ ਕਿੱਟਾਂ, 11 ਰੋਲਟਰ, 822 ਹੀਅਰਿੰਗ ਏਡਜ਼, 30 ਐੱਮਐੱਸਆਈਈਡੀ ਕਿੱਟਾਂ, ਲੈਪਰੋਸੀ ਕਿੱਟ ਲਈ 6 ਡੇਲੀ ਲਿਵਿੰਗ ਅਸਿਸਟੈਂਸ ਅਤੇ 102  ਆਰਟੀਫਿਸ਼ੀਅਲ ਅੰਗ ਅਤੇ ਕੈਲੀਪਰਸ ਸ਼ਾਮਲ ਹਨ।

                *****

ਐੱਨਬੀ/ਐੱਕੇ/ਜੇਕੇ