পঞ্জাবতা রেলৱে প্রেমাইসশিংদা ত্রেক থিংজিনবা অমসুং য়ানিংদবা ফোংদোক্লিবশিংনা মরম ওইরগা ফ্রৈত ওপরেশনশিং নমদুনা থিংজিনখিবনা রেলৱেগী রেভেন্যু লেপ্তনা মাংবা হেনগৎলক্লি। হৌজিক ফাওবদা মরু ওইবা পোৎলমশিং পুদুনা চৎপা ফ্রৈত রেক ২২২৫কী মথক্তা মথৌ তৌবা ঙমহনখিদ্রে। মাংখ্রিবশিং অদু লুপা করোর ১২০০ হেনখিবা য়ানা লৈরি।

য়ানিংদবা ফোংদোক্লিবশিংনা প্লেতফোর্মশিং/ রেলৱে ত্রেক মনাক্ত ধর্না লেপ্তনা চৎথখি। য়ানিংদবা ফোংদোক্লিবশিংনা মরু ওইনা জনদ্যালা, নভা, তালৱন্দি সাবো অমসুং বাথিন্দাগুম্বা মফ কয়া অমদা খঙহোদনা  ত্রেন চৎথোক-চৎশিন তৌবা থিংজিল্লকপা অমসুং মচি মচিদা ব্লোকেদ থমজিনখিবনা, ওপরেশনেল অমসুং সেফতীগী ওইবা ৱাফম লাকপনা মরম ওইরগা ত্রেন চৎথোক-চৎশিন তৌবা অদু অমুক থিংজিনখ্রে। ঙসি অয়ুক পুং ০৬.০০তা ফংখিবা পাউগী মতুং ইন্না, এজিতেশন অসি পুন্না মফম ৩২দা তৌখি।

রেলৱেগী মন্ত্রীনা ২০২০গী ওক্তোবর ২৬তা পঞ্জাব সরকারগী সি.এম.দা ওপরেশনশিং অদু অমুক হৌননবা ত্রেকশিং অমসুং মদুদা থবক তৌগদবা স্তাফকী সেফ্তীগী মতাংদা থাজবা পীরক্নবা চিথি অমা ইখি।

পঞ্জাবতা ত্র্রেকশিংগী সেক্সনশিংদা লেপ্তনা অথিংবশিং লৈরকপনা, ফ্রৈত মুভমেন্ত তৌবদা য়াম্না চাউনা অকাইবা লৈখি অমসুং মরম অসিনা ফার্ম, ইন্দস্ত্রিয়েল অমসুং ইনফ্রাস্ত্রকচর সেক্তরসু মরু ওইবা পোৎলমশিং মরাং কাইনা ফংবদসু য়াম্না চাউনা অকাইবা লৈখি।

পঞ্জাবকী রাজ্য অসি ফাওদুনা চৎলিবা পেসেঞ্জর ত্রেন পুম্নমক্তসু য়াম্না চাউনা অকাইবা থোকহনখি। হৌজিক ফাওবদা পেসঞ্জর ত্রেন ১৩৫০গী মথক্তা নমদুনা কেন্সেল তৌবা, থৈদোকপা নত্রগা চেনবা হৌরম্লগা লেপথোকখিবনচিংবা অসি থোকপনা মরম ওইরগা কোবিদকী মতম অসিদা ত্রাভেলরশিংদা য়াম্না চাউনা খুদোংচাদবা কয়া থোকহনখি।

মরু ওইবা পোৎলমশিং য়াওনা পুশিল্লকপা অমসুং পুথোকখিবা গুদসকী পুথোক-পুশিন তৌবদসু পঞ্জাব, জে. অমসুং কে., লদাখ অমসুং হিমচল প্রদেশতসু য়াম্না চাউনা অকাইবা লৈহনখি।

লোদ তৌরবা ত্রেনশিং য়াওনা ফ্রৈত ত্রেনশিংগী মশিং কয়া অমা নুমিৎ ১৫দগীনা ২০ ফাওবা পন্দুনা লৈখি।

ফ্রৈত কস্তমরশিংনা মখোয়গী বিজনেসতা অমাংবা লৈখিবদগী ত্রানস্পোর্তেশনগী অতোপ্পা মখল অমদা হোংদোক্নরকখি।

পঞ্জাব এরিয়াদগী পুথোরকপদসু অকাইবা লৈহনখি। ফুদগ্রেন, কন্তেনর, ওতোমোবিল, সিমেন্ত, পেত কোক, ফর্তিলাইজরনচিংবশিং পুথোক-পুশিন তৌবদসু পঞ্জাবতা নোংমদা রেক ৪০গী চাংদা, নোংমদা লোদিং তৌবদা চাংচত্তা অমাংবা লৈখি।

পঞ্জাবতা গারিশিং চংলকপদসু অকাইবা লৈখি (পঞ্জাব এরিয়াদগী নত্তবা অতোপ্পা মফমদগী লাকপা) অমসুং হৌজিক্তি কন্তেনর, সিমেন্ত, জীপসম, ফর্তিলাইজর, পি.ও.এলনচিংবা অসি পঞ্জাবকী মরু ওইবা মফমশিংদা য়োবা ঙমদনা লৈরি।

নোংমগী ওইনা চাংচত্তা মাংখিবা অসি চাউরাক্না রেক ৩০ ওইখি।

পঞ্জাবতা কিসানগী এজিতেশন: বেকগ্রাউন্দ

২৪.০৯.২০২০দা, পঞ্জাব রিজন্দা লৈবা কিসাননা রেলৱে ত্রেকশিং অমসুং স্তেশনশিং থিংবা হৌখি। ০১.১০.২০২০দগী হৌরগা পঞ্জাব শিনবা থুংনা এজিতেশন অসি শন্দোরক্তুনা চৎথোক-চৎশিন তৌবা খুদিংমক লেপখি, মসিনা ফিরোজপুর দিভিজন্দা ত্রেন ওপরেশন পুম্নমক্তা শোকহনখি, অম্বালা, দিল্লী অমসুং বিকানের দিভিজনগী পঞ্জাব এরিয়াদা খরা শোকহনখি। মতুংদদি এজিতেতরশিং অদুনা ২২.১০.২০২০দগী অখন্নবা গুদস ত্রেনগী চৎথোক-চৎশিন তৌবা য়াহনখি। তৌগুম্বশুং ফ্রৈত ত্রেন অদু চৎথোক-চৎশিন তৌবা অদু হৌরবা মতুংদা, মরু ওইনা অমৃতসার, নভা, তালৱন্দি সাবো, ফিরোজপুর, মোগা, জান্দ্যালা অমসুং বাথিন্দাগী অকোইবদা লৈবা মফম কয়া অমদা মচি মচিদা ব্লোকেদ থমজিনখিবনা, ওপরেশনেল অমসুং সেফতীগী ওইবা ৱাফম লাকপনা মরম ওইরগা ত্রেন চৎথোক-চৎশিন তৌবা অদু নুমিৎ নিনিশুবদা অমুক লেপ্পা তাখি।

ত্রেকশিং অদুগী সেক্সন কয়া অমদা ব্লোকেজশিং অসি অদুমক লেপ্তনা তৌরি। করিগুম্বা প্রোতেস্ত তৌরিবশিং অদু নিংথিনা শেন্নদ্রবদি ত্রেনশিং চেনবা হায়বসি য়াম্না খুদোংথিনিংঙাই ওই। ঙসি অয়ুক্কী পুং ০৬.০০তা এজিতেশন অসি পুন্না মফম ৩২দা তৌখি।

নাভা পাৱর লিমিতেদ ফোতোসকী গেত মপান্দা তেল ত্রেক ব্লোকেদ তৌবা

(০৩.১১.২০)

*****