প্রধানমন্ত্রীগী লোইশঙ

পি.এম.না নবেম্বর ৫দা ভর্চ্যুএল গ্লোবেল ইনবেস্তর রাউন্দতেবলদা ময়াই তাংবল লৌগনি

রাউন্দতেবল অসিদা মালেম শিনবা থুংনা লৈরিবা মকোক থোংবা পেন্সন অমসুং সোবরেন ৱেল্থ ফন্দশিংনা শরুক য়াগনি

থৌরম অসিনা ভারত্তা ইন্তরনেস্নেল ইনবেস্তমেন্তশিং মখা তানা খুমাং চাউশিন্নবগী মতাংদা খন্ননবা খুদোংচাবা অমা পীরগনি

Posted On: 03 NOV 2020 5:58PM by PIB Imphal

প্রধান মন্ত্রী শ্রী নরেন্দ্র মোদীনা নবেম্বর ৫, ২০২০দা ভর্চ্যুএল গ্লোবেল ইনবেস্তর রাউন্দতেবল (ভি.জি.আই.আর.)দা ময়াই তাংবল লৌগনি। ভি.জি.আই.আর. অসি ভারত সরকারগী ফাইনান্স মন্ত্রালয় অমসুং নেস্নেল ইনবেস্তমেন্ত অমসুং ইনফ্রাস্ত্রকচর ফন্দনা শিনবনি। মসি মাংজিল থারিবা গ্লোবেল ইন্সতিত্যুস্নেল ইনবেস্তরশিং, ভারতকী বিজিনেসকী লুচিংবশিং অমসুং ভারত সরকার অমসুং ফাইনান্সিএল মার্কেৎ রিগুলেতরশিংদগী মকোক থোংবা মরু ওইবা ৱারেপ লৌগদবশিংগী মরক্তা পাঙথোকপা অখন্নবা দাইলোগ অমনি। থৌরম অসিদা কেন্দ্রগী ফাইনান্স মন্ত্রী, ফাইনান্সকী কেন্দ্রগী রাজ্য মন্ত্রী, আর.বি.আই. গবর্নর অমসুং অতোপ্পা দিগনিতরীশিংসু য়াওগনি।

রাউন্দতেবল অসিদা ত্রিলিয়ন য়ু.এস. দোলর ৬কী মেনেজমেন্তগী মখাদা অপুনবা এসেৎশিংগা লোয়ননা মালেমগী খ্বাইদগী চাউবা পেন্সন অমসুং সোবরেন ৱেল্থ ফন্দ কুন্না (২০) শরুক য়াগনি। গ্লোবেল ইন্সতিত্যুতস্নেল ইনবেস্তরশিং অসিদা য়ু.এস., য়ুরোপ, কনাদা, কোরিয়া, জপান, মিদল ইস্ত, অস্ত্রেলিয়া অমসুং সিঙ্গাপুর য়াওনা মরু ওইবা রিজনশিংগী মহুৎ শিল্লি। থৌরম অসিদা ফন্দশিং অসিগী মরু ওইবা ৱারেপ লৌগদবশিং হায়বদি সি.ই.ও.শিং অমসুং সি.আই.ও.শিংনা শরুক য়াগনি। ইনবেস্তর খরদি ভারত সরকারগা অহানবা ওইনা ৱারী শাগনি। গ্লোবেল ইনবেস্তরশিংগী মথক্তা, রাউন্দতেবল অসিদা তোঙান তোঙানবা মকোক থোংবা ভারতকী বিজিনেসকী লুচিংবশিংনা শরুক য়াগনি।

ভি.জি.আই.আর. ২০২০না ভারতকী শেন্মীৎলোন অমসুং ইনবেস্তমেন্তগী ৱাখল্লোন, স্ত্রকচরেলগী অহোংবশিং অমসুং য়ু.এস.দি. ত্রিলিয়ন ৫গী শেন্মীৎলোনগী লম্বীদা চংশিন্নবা সরকারগী ৱাখল্লোন অসিগী মতাংদা খন্নবদা মীৎয়েং থমগনি। থৌরম অসিনা ভারতকী ইন্তরনেস্নেল ইনবেস্তমেন্তশিং করম্না খুমাং চাউশিনগনি হায়বগী মতাংদা মকোক থোংবা পোলিসীমেকরশিংগা লোয়ননা মাংজিল থারিবা গ্লোবেল ইনবেস্তরশিং অমসুং ভারতকী বিজিনেস লুচিংবশিংনা ৱারী শানবা অমদি খন্ন-নৈনবগী খুদোংচাবা অমা পীগনি। ভারতকী ফোরেন ইনবেস্তমেন্তগী ফিস্কেল অসি শেনবা চহি অমগী অহানবা থা মঙাগী ওইনা খ্বাইদগী ৱাংবা ওইখি। ভি.জি.আই.আর. ২০২০না শেমখ্রিবা পার্তনরশিপশিং অসি মরা চেৎনবা অমসুং মখোয়না ভারত্তা ইনবেস্তমেন্ত তৌবা হেনগৎপা পাম্বা ইন্তরনেস্নেল ইন্সতিত্যুস্নেল ইনবেস্তরশিংগা লোয়ননা মরী ফগৎহন্নবা স্তেকহোল্দর পুম্নমক্তা তাঞ্জা অমসু ফংহল্লগনি।

*******



(Release ID: 1669934) Visitor Counter : 15