ই.এস.আই.সি.না মীয়ামগী য়াইফনবা লৌখৎলিবা বিজিলেন্সকী থবক থৌরমশিংগী মতাংদা স্তেকহোল্দরশিং অমসুং মীয়ামদা এৱের্নেস পীনবা লৈবাক শিনবা থুংনা লৈরিবা ই.এস.আই. কোর্পরেসনগী হেদ ক্বাতরগী ওফিস, দিল্লী অমসুং ফিল্দ ওফিসশিং/হোস্পিতালশিংদা ওক্তোবর ২৭তগী নবেম্বর ২, ২০২০ ফাওবা মখল কয়াগী প্রোগ্রামশিং অমসুং থবক থৌরমশিং পাঙথোক্তুনা থৱায় য়াওনা “বিজিলেন্স এৱের্নেস ৱীক” পাল্লন তৌখ্রে। চহি অসিগী বিজিলেন্স এৱের্নেস ৱীক্কী থিম অসি “বিজিলেন্ত ইন্দিয়া, প্রোসপেরস ইন্দিয়া (মিৎনা শিংবা ভারত, য়াইফবা ভারত)”না ওইখি।

বিজিলেন্স এৱের্নেস ৱীক্কী পাল্লন তৌবা অসি ওফিসরশিং অমসুং স্তাফনা ২৭.১০.২০২০দা পুকচেল শেংনা থবক তৌনবা ৱাশক লৌবগা লোয়ননা হৌদোকখি। ২৯.১০.২০২০দা ই.এস.আই.সি.গী দিরেক্তর জেনরেল শ্রীমতি অনুরধা প্রসাদনা মহাক্কী ৱারোল পীবদা কনাগুম্বা অমগী পুন্সিদা পুকচেল শেংবা অমসুং অচুম্বা তৌবা অসিগী মরু ওইবা অদুগী মতাংদা ফোঙদোকখি। ই.এস.আই.সি.গী সি.ভি.ও. মিস গরিমা ভগৎনা “মেপিং ইন্তিগ্রিতী রিস্কস ইন প্রোক্যুর্মেন্ত – এ প্রিবেন্তিব এপ্রোচ”তা কান্নরবা ৱারোল পীখি হায়রিবা অসি ফিল্দ ওফিস/হোস্পিতাল পুম্নমক্না শরুক য়াখি অমসুং থাগৎনখি।

চহি অসিগী থিমদা লোয়ননা বিজিলেন্সকা মরী লৈনবা হিরমশিংদা য়ুম্ফম ওইবা পোস্তর শেম্বগী চাংদম্নবা অমা ই.এস.আই.সি.গী হেদ ক্বাতর ওফিসতা পাঙথোকখি, মসিদা ই.এস.আই.সি.গী ওফিসিএলশিং অমসুং মখোয়গী ইমুং মনুংগী মীওইশিংনা শরুক য়াখি। মিস শ্রেয়া সিংহ (চহি ৪দগী ১২গী কাংলুপকী), মিস চাহৎ মোঙ্গিয়া (চহি ১৩দগী ২৩গী কাংলুপকী) অমসুং মিস লক্ষ্মী বিশ্ত (চহি ২৪ অমসুং মথক্কী কাংলুপকী) অসিনা পোস্তর শেম্বগী চাংদম্নবা অসিগী তোঙান তোঙানবা কাংলুপশিংগী মাই পাকখ্রবশিং ওইখি অমসুং মনাসু খুৎশিন্নখি। চাংদম্নবা অসিদা শেম্বা পোস্তরশিং মীয়ামদা এৱের্নেস পীনবা ওফিসশিংদা থেৎতুনা থমগনি। 

*****