নেস্নোল মিসন ফোর ক্লিন গঙ্গাগী দাইরেক্তর জেনেরেল শ্রী রজিব রঞ্জন মিশ্রানা মহিয়াগা ৱারি শানবগী থৌরম অদুদা মহাক্কী অঙাং ওইরিঙৈদগী হৌদুনা গঙ্গাগা লৈনরিবা মরী অদু পুথোক্তুনা ময়ামনা খৌরাংনা ঙাইনরিবা ২০২০গী গঙ্গা উতসব ঙসি হৌদোকখ্রে৷ “মসিগী কুহ্মৈ অসি নেস্নেল রিভর গঙ্গাগী মীংচৎ অদু ইকাই খুম্নবা উৎপনি হায়না মহাক্না ফোংদোকখি৷ ঙসি হৌরক্লিবা নহাশিং অসিনা গঙ্গাগী ঙল্লিঙৈগী ৱারি অমসুং কল্চরেলগী কান্নবশিং অদু খঙলবা মতম খক্তদা মখোয়না গঙ্গা অসি ইশিংগী সোর্স অমা খক্তা নত্তনা ঐখোয়গী সিবিলাইজেসন অসিগী তৎনা থানা  য়াদ্রবা শরুক অমা ওই হায়বদু খঙলক্কনি৷” গঙ্গা অসি কন্নবা ঐখোয়না পুক্নিং চেৎনা আস্থা তৌদুনা ঐখোয়গী কার্তভা(ইথৌ) তৌবা মরু ওই৷ গঙ্গানা তুরেল পুম্নমক্কী অমসুং ইশিংগী সোর্স পুম্নমক্কী মহুৎ শিল্লি অদুগা কুহ্মৈ অসিসু তুরেলগী কুহ্মৈ অমা ওইনা দিজাইন তৌই হায়না মহাক্না ফোংদোকখি৷

উতসব অসিগী অহানবা নুমিৎতা তোঙান তোঙানবা থৌরম কয়ামরোম পাংথোকই৷ ইন্দিয়ন সেমি-ক্লাসিকেল ভোকেলিস্ত দা. রেবতি সকল্করগী খোঞ্জেলদা মীওই অমতনা মা গঙ্গাদা পুক্নিং চেৎনা থৱাই কৎথোকচবা অদু য়াওদবা ঙম্লোই৷ কাশি কোকিলানা মহাক্কী ভাজনশিং “চলো মেন গঙ্গা য়মুনা ত্যীর” হৌদোক্তুনা মীয়ামশিংগী মমাংদা তুরেল অসিবু শৈথাখ্রে৷

কাহানিগী জঙ্কসন্দা মমিং লৈরবা ৱারি লিবা রিতুপর্ন গোশকী “হুশ রিভর ইস ইত এনিৱে?” না ময়েক শেংনা পীরিবা পাউজেল অদুদি করিগুম্বা ঐখোয়না মহৌশাবু চেকশিন থৌরাং লৌদ্রবা তারবদি, মহৌশানসু ঐখোয়বু চেকশিন থৌরাং লৌবিরোই হায়বনি৷ খ্বাইদগী য়াম্না য়োল্লিবা ওথর অনন্দ নীলকান্তননা মহাভারত অমসুং ঙল্লবা পুরানাস্তগী গঙ্গাগী থাজনদুনা লাক্লবা নুংঙাইরবা ৱারিশিং অদু পুথোক্তুনা লিখ্রে৷ কাপিল পান্দেসু কুহ্মৈ অসিদা য়াওখিবা মশক নাইরবা ফাওরবা ৱারি লিবা অমনি৷

কুহ্মৈ অসি হৌদ্রিঙৈ নুমিৎ নিনিগী মমাংদা  ত্রী ক্রেজ ফাউন্দেসনগা খুৎশম্নরগা হৌদোকখিবা মিনি গঙ্গা ক্বেস্ত অদু যাম্না চাওথোকচনিংঙাই ওইরবা রেস্পোন্স তাবা ফংখি৷ মহৈরোই ৪০০০ হেন্না ক্বুইজ অসিদা হৌজিক ফাওবদা শরুক য়াখি৷ ক্বুইজ অসিনা নহাশিং অমসুং মহৈরোইশিংবু এনভাইরোনমেন্তেল ইসুশিংগী মতাংদা খঙহন্নবা দিজাইন তৌখি অমসুং এনভাইরোনমেন্ত অসি য়োকখৎপদা মখোয়না লৌগদবা থৌদাং অদুসু শন্দোক্না তাকখি৷ কুহ্মৈ অসি লৌইদ্রিবফাওবা মিনি গঙ্গা ক্বেস্ত অসি চৎথরগনি অমসুং রিজল্তশিং অদুনু অরোইবা নুমিৎতা লাউথোক্লগনি৷ এন.এম.সি.জি.গা লোইননা ভাউনা শর্মনা হৌদোকখিবা ত্রী ক্রেজ ফাউন্দেসন অসিনা চহি খুদিংগী এপ্রীল-মেগী ফাওবগী মনুংদা গঙ্গা ক্বেস্ত অসি পাংথোকই অমসুং হন্দক চহি অসিদি রেস্পোন্স মিলিয়ন হেন্না লাকখ্রে৷

তোঙান তোঙানবা লৈবাকশিংদগী গঙ্গা উতসবতা মতেং ফংখ্রে৷ গঙ্গা অসি ইন্দিয়ন স্পিরিচুয়েল মিস্তিসিজমগী সিম্বোল ওইনা ভারত খক্তগী মরু ওইবা খক্তা নত্তনা মালেম অসিগীসু য়াম্না মরু ওই হায়না ভারততা লৈরিবা কোরিয়ন এমভাসেদর শিন বোঙ্গকিলনা ফোংদোকখ্রে৷ ভারততা লৈরিবা জর্মনগী এমভাসেদর ৱাল্দর জে. লিন্দনরনা এন.এম.সি.জি.না হোৎনরিবশিং অদু থাগৎখ্রে অমসুং গঙ্গা উতসবসু থাগৎপা ফোংদোকখ্রে৷ ভারততা লৈরিবা নেদরলেন্দগী এমভাসেদর মার্তিন ভেন দেন বর্গনা গঙ্গা উতসব অসিদা মহাক্কী হরাউ তরাম্বা নুংঙাইবা ফোংদোকখ্রে৷ “নেদরলেন্দ সরকার অসিনা ভারতকা পুন্না থবক তৌমিন্ননবা হোৎনরি” হাযনা মহাক্না ফোংদোকখ্রে৷ ঐখোয় পুন্না হোৎনমিন্নদুনা গঙ্গা অসি অশেংবা তরু-তরুবা অমসুং য়াম্না লু-নান্না থম্বা ঙমগনি৷”

রিন্তু থোমাস অমসুং শুশমিত গোশনা দাইরেক্সন পীরিবা এৱার্দ ফংলিবা ফিলম “দি মিরেকল ৱাতর ভিলেজ” অসিনা  ইকং য়াম্না তোইনা থোকপা খুঙ্গং অমনা নোংগী ইশিং য়োকপগী রিভোলুসন অদু হৌদোক্নবা মতৌ করম্না মখোয় পুনশিনখিবগে হায়বদু উৎলি৷ উশা দিৱানি অমসুং নিলুতপাল দাসনা দাইরেক্তসন পীখিবা “লোকেল বিকম জিওহাইদ্রোলোজিস্ত ইন রিপেয়র” অসিদগী অতোপ্পা পুক্নিং হুনিংঙাই ওইরবা ৱারি অসিনা কতচতা লৈরিবা য়াম্না অকংবা অশাবা খুঙ্গং অমনা খুঙ্গং অদুদা লৈরিবা প্রজাশিংগী হোৎনজমল অদুনা ইশিং মরাং কাইনা ফংখিবা অদু উৎলি৷ সিবনগেস্বরা রাউগী থ্রস্ত, অদিত্যা সেনগী এঞ্জিওপ্লাস্তী ওফ দ্রিমস, নুতান মনমোহোনগী ৱাতর ৱারিয়র্স অমসুং সৌমিত্র দেহগী রিভাইভেল ওফ অহরপাইন সিস্তেম অসি মমিং লৈরবা সিনেমাশিংনি৷ ইকোলোজী অমসুং এনভাইরোনমেন্তদা অফবা ৱাখল খলহনবা অমসুং মশা মশাগীনি হায়না খনবা ফাওনবা মেদিয়ম অমা ওইনা ফিলম শিজিন্নবা অসিনা গঙ্গা ফিলম ফেস্তিভেল অসিগী নুংগী ওইবা ৱাহন্থোক্নিl

মমিং লৈরবা ফাওরবা মীওইশিংগা চৎথরিবা খন্না নৈনবগী থৌরম সেরিস গঙ্গা দাইলোগ অসি মমিং লৈরবা অইবা অমসুং রিসর্চর রজিব মালহোত্রানা ভাইশনাবা স্কোলর শ্রী সত্যানরায়না দাসকা ৱারি শানদুনা হৌদোকখ্রে৷ মখোয়গী থোক্লক্কদৌরিবা লাইরিক সন্সক্রিত নন-ত্রান্সলেতেবল অসিদগী ৱাহন্থোক লৌদুনা গঙ্গানা গঙ্গেস্তগী হেন্না তোপ-তোপ্পা অমসুং সেক্রেদ ওইবা মওং অসিনা মরম ওইরগা গঙ্গাগী ৱাখল্লোন অদু খন্না নৈনখ্রে৷

চহি অসি শিনবা থুংনা থবক থৌরমশিংদা নমামি গঙ্গেনা চৎথরিবা ইন্নোভেতিব ওইবা লম্বীশিং অদু পুথোক্লদুনা গঙ্গা ঘাতশিংদা তৌরিবা আর্ত অমসুং মুরেল্স প্রোজেক্তকী মতাংদা ৱা ঙাংখ্রে৷ মহাক্না মোজার্তোদা মহাক্কী তীম অমসুং এন.এম.সি.জি.গা খুৎশম্নদুনা শেম্লিবা মেসিব দিজাইনশিং অদু উৎখ্রে৷ মসিগী প্রোজেক্ত অসি য়ুনিয়ন বেঙ্ক ওফ ইন্দিয়ানা সপোর্ত তৌদুনা নমামি গঙ্গেগী মখাদা পাংথোক্লিবা সি.এস.আর. ইন্নিসিয়েতিব অমনি৷ হায়রিবা প্রোজেক্ত অসিদা মালেম অসিদা মমিং লৈরবা লাইয়েকপা মীওইশিংনা চান্দিঘাততা, হরিদৱারদা লৈরিবা ক্লোক তৱার এরিয়াশিং অমসুং বনারাসিদা লৈরিবা তোঙান তোঙানবা আইকোনিক ঘাতশিংদা মমল লৈরবা কনত্রিব্যুসন পীদুনা মুরেল পেন্তিং অমসুং ফেসলিফতা শরুক য়াখ্রে৷

হরাউ-কুহ্মৈ অমতা চাবা থকপা য়াওদনা মপুং ফাদে অদুবু ভর্চুয়েল ওইনা পাংথোকপা কুহ্মৈ অমদা চানবা য়াওবা হায়বসি অরাইবা নত্তে৷ দিল্লী ফুদ ৱাল্ক অমসুং ইন্দিয়ন কুলিনরী কল্চরগী ফুদি-ইন-চীফ, অনুভাব সপ্রাগী “জয়াকা গঙ্গা কিনারে ৱলা” গঙ্গাগী তুরেল মপান্দা তোঙান তোঙানবা শহরদগী মীয়ামশিংনা অথুম-অহাউ করামরোম চারমগনি হায়না থাজবা পীখ্রে৷ চহী ১০০ হেন্না মমিং লৈরবা ফুদ জোইন্তশিংদগী হৌদুনা তাংনা ফংবা অথুম-অহাউশিং খুদম ওইনা লক্সমন জুলাদা ফংবা রামফাল, প্রয়াগ্রাজতা ফংবা পলক হলৱা অমসুং পতনাদা ফংবা বুজা অদু মহাক্না পনখ্রে৷ সুবাশ চন্দ্র বোস্কা লোইননা অতোপ্পা নেস্নেল লিদরশিংনা ব্রিতিশ সরকারগী মাইয়োক্তা পুনখিবা অমসুং প্লোত তৌখিবা কোলকতাদা লৈরিবা পেরামাউন্ত রেসতুরেন্ত অদুসু মহাক্না পনখি৷

গঙ্গা উতসব কুহ্মৈ অসিগী শরুক অমা ওইনা জিলাশিংদা তোঙান তোঙানবা প্রোগ্রামশিং পাংথোকখ্রে৷ গঙ্গা তাস্ক ফোর্সনা প্রোজেক্ত এরিয়া অসিদা এন.সি.সি. কেদেতশিংগা লোইননা এফোরেস্তেসন দ্রাইব পাংথোকখ্রে অমসুং নহাশিংগীদমক এদজুকেস্নেল তুর পাংথোকখ্রে৷ তুরেল মপানশিংদা স্বচতা দ্রাইব অমসুং উ-চরা থাবা, ক্বুইজ অমসুং লাই য়েকপা চাংদম্নবা, ইশিং ইপাক শেংদোকপগী পাউ উত্তরখন্দ, বুলান্দশাহ, রাইবেরৈলী, বনারাসি, কসগনি, সহিবগনি, রাঞ্চিগী জিলাশিংদগী লাকখি৷ গঙ্গা প্রহরিস, মিত্রাস অমসুং এন.ৱাই.কে. গঙ্গা দুতশিংনা তোঙান তোঙানবা থৌরমশিংদা এক্তিবলী ওইনা শরুক য়াখি৷ রাইবরৈলীদা লৈরিবা গঙ্গা ঘাততা পাংথোকপা ক্বুইজ অমসুং লাই য়েকপা চাংদম্নবা অদু স্কুল তম্লিবা মঙাং কয়ামরোম য়াওদুনা অচৌবা রেস্পোন্স ফংখি৷

ফেস্তিভেল অসি নুমিৎ নিনি অমগা মখা চৎথরগনি(২০২০গী নবেম্বর তাং ৩ অমসুং ৪)৷ ইকাই খুম্নরবা এম.ও.এস. শ্রী রত্তন লাল কতারিয়ানা পীবা ৱারোল, উত্তরখন্দগী মুখ্য মন্ত্রীনা পীবা মেসেজ, সাধগুরুজগী ভাসুদেবকী মেসেজ, রিচা অনিরুধকা রজিব খন্দেলৱলগা ৱারি শান্নবগী ৱরোল, তপস্যাগা পদমাভুসন অনিল জোসিগা ৱারি শান্নবগী ৱারোল, নিনি শুবা নুমিৎতা ত্রাইচুর ব্রদর্সনা নমামি গঙ্গে এনথেম অমসুং অতোপ্পা ৱারিশিং অমসুং ফিলমশিং শেমখিবশিং অদু য়েংউ৷

জোইন্ত তৌনবা লিঙ্কশিং

http://www.gangautsav.in/

https://www.youtube.com/namamigange

https://www.facebook.com/cleanganganmcg

https://twitter.com/cleanganganmcg

*****