‘মিশন সাগর-II’গী শরুক অমা ওইনা ভারতকী নেভেল শিপ ঐরাবত অসি নবেম্বর ০২,২০২০দা সুদান হিথাংফমদা চংলকখ্রে। ভারত সরকারনা মহৌশানা থোকহল্লকপা খুদোংথীবশিং অমসুং কোবিদ-১৯গী লায়চৎ অসিদগী নান্থোরকপা ঙম্নবা মরূপ শান্নবা মীরৈবাকশিংদা তেংবাং পীরি অমদি মসিগা মান্নবা মওংদা আই.এন.এস.ঐরাবত অসি সুদানগী মীশিংগীদমক্তা চানবগী তেংবাং ওইনা তোন ১০০গী খুৎশিন্ননবা পোৎলম পুরি।

মিশন সাগর-II, অসি অহানবা ‘মিশন সাগর’গী মতুং ইন্দুনা মে-জুন ২০২০দা হৌদোকখিবা অসি মাল্দিব, মোরিশস, সেশেল্স, মেদাগাস্কর অমদি কোমোরোস থুংখ্রে অমদি চানবা চিঞ্জাক অমদি হীদাকশিং ফংহনখ্রে।  মিশন সাগর-IIগী শরুক অমা ওইনা ভারতকী নেভেল শিপ ঐরাবতনা সুদান, খা থংবা সুদান, জুবূতী অমসুং ইরিত্রিয়াদা চানবগী তেংবাং য়ৌহল্লগনি।

মিশন সাগর-II অসি ‘সাগর’গী মফম খুদিংমক্তা সেক্যুরিতীগী অমদি চাউখৎহন্নবগী ওইবা প্রধান মন্ত্রীগী  মিৎয়েং অসিগী পরিংদনি অমসুং ভারতকী অতোপ্পা মহাক্কা লোন্নবা সমুদ্র মপান্দা লৈবা য়ুম্লোন্নবশিংগা মরিশিং অসি মরুওইনা লৌবা অমসুং লৈনরিবা মরি অসি মখা তানা ফগৎহন্নবা তৌরিবা থবক অসি থোইদোকপা মওংদা উহনখ্রে। ভারতকী নেভী অসি রক্ষা মন্ত্রালয়শিং অমসুং এক্সতর্নেল এফেয়র্স অমদি অতোপ্পা ভারত সরকারগী এজেন্সীশিংগা নক্না তেংবাংনদুনা মিশন অসি মখা তানা খুমাং চাউশিন্নবা থবক চত্থরি। 

*****