ঙসি ভর্চুএল ওইনা য়ুনিয়ন স্পোর্তস মিনিস্তর শ্রী কিরেন রিজিজুনা পঞ্জাবকী জিরাকপুরদা স্পোর্তস ওথোরিতি ওফ ইন্দিয়াগী অনৌবা রিজনেল সেন্তর শঙ্গাখ্রে। সেন্তর অসি হৌজিক অৱাং থংবা ভারতকী ওইনা মরুওইবা সাই সেন্তর অমা ওইনা থবক তৌরগনি।

থৌরম অদুদা, অনৌবা সেন্তর অদুদা ত্রেনিং পাংথোক্কদৌরিবা শান্নরোয়শিং অমসুং কোচশিং শ্রী রিজিজুনা থাগৎলদুনা হায়খি কোবিদ-১৯গী ফিবম হেক ফগৎলকপগা মহাক মশামক সেন্তর অদুদা চৎকনি।

শ্রী রিজিজুনা হায়খি জম্মু অমসুং কাস্মিরদগী হৌরগা লেহদগী হিমাচল প্রদেস ফাওবা ভারতকী অৱাং থংবা লমদম অসি য়াম্না পাক-চাউই অমসুং ভারত্তা মালেম থাক্কী শান্ন-খোৎনবগী খুদোংচাবশিং শেমগৎনবা পান্দমগা লোয়ন্না লমদম অসি চাউখৎহন্নবা ঐখোয়না থবক কয়া পায়খৎলে। লৈবাক অসিগী তুংগী য়ুম্বী ওইরিবা ঐখোয়গী নহা ওইরিবা শান্নরোয়শিংগী য়েংলগা মসিগী অখন্নবা থবক অসি পায়খৎপনি অমসুং ভারত অসি শান্ন-খোৎনবগী লৈবাক অমা ওইহনবদা অচৌবা থৌদাং অমা লৌগনি।

জিরাকপুর রিজনেল সেন্তরগী এদমিনিস্ত্রেতিপ ব্লোক অসি সেন্ত্রেল পব্লিক ৱার্কস দিপার্তমেন্ত(সি পি দব্লিউ দি)না শাবনি অমসুং অথুবদা অতোপ্পা শান্নবগী মচাক-মথুমশিং হাপচিল্লগনি।

ভর্চুএল ওইনা পাংথোকখিবা শঙ্গাবা থৌরম অদুদা পঞ্জাবগী স্পোর্তস দিরেক্তর শ্রী দি.পি.এস খারবান্দা, সাইগী দিরেক্তর জেনেরেল সন্দিপ প্রধান, সাইগী সেক্রেতরি শ্রী রোহিৎ ভারদ্বাজ, তোঙান-তোঙানবা সাই রিজনেল দিরেক্তরশিং, কোচশিং অমসুং শান্নরোয়শিং য়াওনা মীওই ৩০০ হেন্না শরুক য়াখি।

*******