রাজ্য অমসুং য়ূ.তি. খুদিংমক্তা কেন্দ্র সরকারগী অনৌবা থৌরাং জল জীবন মিসনগী থবক থৌরমশিংগী খোংজেল জল শক্তি মন্ত্রালয়না চহি তংখাইগী য়েংশিনবগী শরুক অমা ওইনা মিজোরম রাজ্যগী ওফিসিএলশিংনা রাজ্য অসিদা পায়খৎলিবা প্লান্নিং অমসুং ইমপ্লিমেন্তেসনগী ফিবম নেসনেল জল জীবন মিসন্দা ভিদিও কনফরেন্সকী থোঙদা লানখৎখ্রে। জল শক্তি মন্ত্রালয়না রাজ্য/য়ু.তি.শিংগা লোইননা কেন্দ্রগী সরকারগী অনৌবা থৌরাং জল জীবন মিসনবু খুঙ্গংগী পুন্সি মরুওইনা নুপী অমসুং অঙাংশিংগী পুন্সিবু মখোয়গী ৱারবা নোংমগী থবকশিং কোমথোকহন্দুনা হেন্না ফগৎহন্নবগীদমক পায়খৎলি। ভারত সরকারনা য়ুম্থোংগী শীজিন্নবা য়ারবা তেপ কনেক্সন পীবা অমসুং কেন্দ্রগী অমসুং রাজ্যগী চুন্নবা অরৈবশিং শীজিন্নবদা য়ুম্ফম ওইদুনা ফন্দ থাদরি।

মিজোরম্না ২০২২-২৩ ফাওবদা খুঙ্গংগী য়ুম্থোং খুদিংদা চাদা ১০০ থক্নবা ঈশিংগী কনেক্সন পীনবা পান্দম থম্লি। রাজ্য অসিদা য়ূম্থোং লাখ ১.২৭লোম লৈ, মসিগী মনুংদগী য়ূম্থোং লাখ ১.০২না য়ুম্থোংগী ওইবা থক্নবা ঈশিংগী কনেক্সন ফংদ্রি। ২০২০-২১দা রাজ্য অসিনা য়ুম্থোংগী থক্নবা ঈশিংগী কনেক্সন ৩৩১,৯৬৩ ফংহন্নবা পান্দম থম্লি। চহী তংখাইগী য়েংশিনবা অসিনা কনেক্সন অমত্তা ফংদ্রিবা খুঙ্গংশিংদা হৌজিক লৈরিবা পাইপ ৱাতর সপ্লাই (পি.দব্ল্যু.এস.) স্কিমশিং য়েংশিনবগী তঙাইফদবশিং পুখৎখি। রাজ্য অসিনা ফংবা য়াবা জিল্লা, এস./এস.তি.না নম্না তাবা খুঙ্গং, সন্সদ আদর্শ গ্রাম য়োজনা (এস.এ.জি.ৱাই.)গী মখাদা লৈবা খুঙ্গংশিংদা অপুনবা ওইনা ফংহন্নবা মীৎয়েং চঙবীনবা পুক্নিং চিংশিনখি।

জে.জে.এম. অসি দিসেন্ত্রেলাইজ, দিমান্দ দ্রিবন, কম্ম্যুনিতীনা পাবা থৌরাং অমা ওইবনা, লোকেল ভিলেজ কম্ম্যুনিতী/গ্রাম পঞ্চায়ৎশিং নত্ত্রগা য়ুজর গ্রুপশিংনা খুঙ্গংগী ৱাতর সপ্লাই সিস্তেমশিং অসি তুং কোইনা চৎনবগীদমক প্লান্নিং, ইমপ্লিমেন্তেসন অমসুং মেনেজমেন্ত, ওপরেসন অমসুং মেন্তেনেন্সতা মরুওইবা ওইবা থৌদাং লৌগদবনি। রাজ্য অসিদা আই.ই.সি. কেম্পেনবু খুঙ্গং খুদিংদা জল জীবন মিসন অসি মীয়ামগী ঈহৌ অমা ওইহন্নবগীদমক লৌখৎনবা হায়জখি। নুপীগী শেল্ফ হেল্প গ্রুপ অমসুং ভোলুন্তরী ওর্গনাইজেসনশিংবু খুঙ্গংগী মীয়ামদা ইন ভিলেজ ৱাতর সপ্লাই ইনফ্রাস্ত্রকচর অমসুং মখোয়গী ওপরেসন অমসুং মেন্তেনেন্স য়েংশিন্নবা শীজিন্নগনি।

কেন্দ্র সরকারনা রাজ্য সরকারশিংদা ৱাতর সপ্লাই অপুনবা ওইনা খুঙ্গংগী য়ুম্থোং খুদিংদা য়ৌহন্নবগী পান্দম ফংনবা হোৎনবদা মপুং ফানা মতেং পাংগনি। ২০২০-২১দা, কেন্দ্রনা জল জীবন মিসনগী মখাদা লুপা করোর ৭৯.৩০গী শেন্থং কাইথখি। রাজ্য অসিদা অরৈবা ফন্দশিংবু শীজিন্নবগী খোংজেল য়াঙখৎহন্দুনা কেন্দ্রগী শেন্থং মাঙদনবা হোৎননবা তকশিনখি।

মখা তানা, পি.আর.আই.দা থদবা ১৫শুবা ফাইনান্স কম্মিসন গ্রান্তশিংগী চাদা ৫০দি ঈশিং অমসুং লুবা নানবদা থাদগদবনি। মিজোরমদা ২০২০-২১দা এফ.সি. শেন্থং ওইনা লুপা করোর ৯৩ কাইথখি। শেনফম অসিগী চাদা ৫০না ঈশিং অমসুং লুবা নানবদা শীজিন্নগদবনি। মসিগী নাকন্দা, রাজ্য অসিনা মখোয়গী অফংবা শেন্থংশিং এম.জি.এন.আর.ই.জি.এস., জে.জে.এম., এস.বি.এম. (জি.) দিস্ত্রিক্ত মিনরেল দিবেলপমেন্ত ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দিবেলপমেন্ত ফন্দ, অসিনচিংবদা ওন্থোক্তুনা খুঙ্গংগী থাক্তা ফন্দশিং নিংথীনা শীজিন্নবা হোৎনগদবনি।

রাজ্য অসিদা অঙ্গনৱাদি সেন্তর, আশ্রমসলা অমসুং মহৈলোইশঙ খুদিংমকপু ওক্তোবর ২, ২০২০দা হৌদোকখিবা অখন্নবা নুমিৎ ১০০নিগী কেম্পেনগী শরুক অমা ওইনা পাইপ ৱাতর সপ্লাই পীদুনা হায়রিবা ইন্সতিত্যুসনশিং অসিদা থক্নবা ঈশিং, খুৎশা হাম্নবা ঈশিং, অমাংশঙদা শীজিন্ননবা ঈশিং অমসুং মিদ দে মিল থোংবদা শীজিন্ননবা ঈশিং ফংহন্নবা হোৎননবা তকশিনখি। কেম্পেন অসিনা অঙাংশিংবু অফবা ঈশিং ফংহন্দুনা মখোয়গী হকশেল অমসুং মশা মউ ফনবগীদমক হায়রিবা মীয়ামগী ইন্সতিত্যুসনশিং অসিদা অফবা ঈশিং ফংহন্নবগী খুদোংচাবা অমা পীরগনি।

******