ফুদ কোরপোরেসন ওফ ইন্দিয়া অমসুং স্তেত এজন্সীশিংনা চৎখিবা চহিগী এল.এম.তি. ৬২৭গী ফৌ অদুগী মায়োক্তা চৎলিবা খরিফ মহৈ-মরোংগী পন্থা অসিগী মনুংদা এল.এম.তি. ৭৪২ গী ফৌ লৈনবা শেম শাখ্রে। খরিফ ২০২০-২১গীদমক্তা  লৈনবগী সেন্তরশিংগী মশিং অদু ৩০,৭০৯দগী ৩৯,১২২দা  হেনগৎখ্রে। মীদিয়াগা ৱারি শান্নবা মতমদা পল্লদুনা, কনজ্যুমর অফেয়র্স, ফুদ এন্দ পব্লিক দিস্ত্রিব্যুসনগী মন্ত্রী, , শ্রী পিয়ুশ গোয়লনসু হায়খি মদুদি মার্কেত্তা ঙন্না ফৌ য়ৌরকপনা মরম ওইরগা লৈবগী পন্থা অদু ২৬/০৯/২০২০দা ওইনা ঙনখৎখ্রে।

হন্দক্কী চহি অসিদা লৈনবা থৌরাং তৌরিবা খ্বাইদগী য়াম্লবা ফৌ

মন্ত্রী অসিনসু অহোংবা মমলদা তিলহৌ ফংহন্নবা লৌখৎলিবা মরু ওইবা খংথাংশিং অদুগী মতাংদসু ৱা ঙাংখি। মসিগী অৱাৎপশিং অসি মেনখৎনবগীদমক লৌখৎলিবা খোংথাংশিং-

সেপ্তেম্বর তাং ১৪/০৯/২০২০দগী তিলহৌ এক্সপোর্ত তৌবা চেৎনা থিংখ্রে। দি.জি.এফ.তি.না প্রাইবেত প্লেয়রশিংনা ইম্পোর্ত তৌবদা খুদোংচাবা পীরি। ২৩/১০/২০২০দগী চৎনহন্দুনা হোসেলরগীদমক্তা এম.তি.২৫ অমসুং রিতেলরগীদমক্তা এম.তি. ২গী অকক্নবা তিলহৌগী স্তোক থম্নবগীদমক্তা এসেনসিয়েল কোমোদিতিস এক্ত পানখ্রে। ২০২০দগী তিলহৌ মরুগী এক্সপোর্ত থিংখ্রে অমসুং তিলহৌগী মমল হেনগৎলক্লিবা অসি য়েংলগা মীয়ামগী অৱাবা কোকহন্নবা বফর স্তোক্তগী তিলহৌশিং থাদোরকখ্রে। 

শ্রী পিয়ুশ গোয়লনসু হায়খি মদুদি সরকার অসিনা আলুগী মমল হন্থহন্নবা খোংথাংশিং শোইদনা লৌখৎহন্নবা য়েংশিল্লি। অলুদা লৌখিবা কিমপর্ত দ্যুতী অদু হান্নদি ৩০% ওইরম্মি। হৌজিক্তি ৩১/০১/২০২১ ফাওবা অলু ইমপোর্ত তৌবগীদমক্তা @১০% দ্যুতীদা এল.এম.তি. ১০গী কোতা পীখ্রে।

অসিগা চপ মান্ননা, হৱাই-চেৱাইশিংগী মমল হন্থহন্নবা খোংথাংশিং লৌখৎখ্রে। রাজ্যশিং/য়ু.তি.শিংদা বফর স্তোকশিংদগী হৱাই-চেংৱাইশিং সপ্পাই তৌদুনা মিং ওইনা পল্লবদা মুঙ্গ, উরদ অমসুং তুর দাল, হায়রিবা হৱাই মখল অহুম অসিদা রিতেল ইন্তরভেন্সন লৈখি। বফর স্তোক অসিদগী তুরগী এল.এম.তি. ২, লাক্কদবা নুমিৎ ১৫নি অদিদা ওপন মার্কেত সেলগী খুত্থাংদা থাদোক্লগনি।

*****