জল শক্তি মিনিস্ত্রীনা স্তেত অমসুং য়ু.তি.গা লোয়ননা য়ুনিয়ন সরকারগী মরুওইবা থৌরম জল জিবন মিসনগী থবক তৌমিন্নরক্লি। হায়রিবা অসিনা ২০২৪ ফাওবদা য়ুমথোং অমদা লিতর ৫৫ নোংমদা ফংহনবগী পান্দম থম্লি। হায়রিবা মিসন অসিনা থম্লিবা পান্দম অসি খুঙ্গংদা নুপী অমসুং নুপীমচাশিংনা ৱানা হোৎনরিবা অসি হন্থহন্দুনা মখোয়গী পুন্সি মহিং ফগৎনবনি। মসিগী ফন্দ অসি ভারত সরকারনা য়ুমথোং খুদিং তেপ কন্নেকসন পীনবা অসিদা বেজ তৌবনি অমসুং সেন্ত্রেল অমসুং স্তেতনা অফংবা অদু শিজিন্নবনি। থৌরম অসি মখা তানা চৎথনবা, কেরলা স্তেত ওফিসিএলশিংনা নেস্নেল জল জিবন  মিসন অসিগী মমাংদা থৌরাংশিং অসিগী ফিবম অমসুং স্তেত অসিদা মিসন অসি হাপ্নবা ভিদিও কনফরেন্সকী খুত্থাংদা উৎখি।  

কেরলানা ২০২৩-২৪ ফাওবদা য়ুমথোং খুদিংদা ঈশিংগী তেপ ১০০% শম্নবা থৌরাং তৌরি। স্তেত অসি চাওরাক্না খুঙ্গংগী য়ুমথোং লাখ ৬৭.১৫ লৈরি, হায়রিবা অসিদা য়ুমথোং লাখ ৪৯.৬৫ অমদি ঈশিংগী তেপ শমদ্রি। ২০২০-২১দা স্তেত অসিনা য়ুমথোং লাখ ২১.৪২ ঈশিংগী তেপ শম্বা ঙম্নবা হোৎনরি। মিদ তর্ম রিভ্যুদা হান্ননা লৈখ্রবা  পাইপ ৱাতর সপ্লাইশিং (পি.দবল্যু.এস.) অসি  হেবিতেসন ২,৪৯৩দা য়েংশিনবা মথৌ তাই মদুদি কন্নেকসন অমা ফাওবা পীদবশিং অসিদা য়েংশিনগনি। কেরলা স্তেত্না ২০২০গী দিসেম্বর ফাওবদা লেমহৌরিবা ফ্লোরাইদ ১৪না শোকহল্লবা মফমশিং অসিদা মীশিং ২৫,৪৫২গী অফবা ঈশিং পীননবা থৌরাং তৌরি।   

জল জিবন মিসন অসিনা দিসেন্ত্রালাইজ, দিমান্দ দ্রাইবন, কম্ম্যুনিতি মেনেজ প্রোগ্রাম ওইবনা লোকেল ভিলেজ কম্ম্যুনিতি /গ্রাম পনচায়ৎ অমসুং শিজিন্নরিবা কাংলুপ অসিনা থৌরাং তৌবদা, শিজিন্নবদা,শিল-লাংবদা, মসিবু থবক তৌহনবদা অমসুং য়েংশিনবদা অচৌবা থৌদাং লৌরি। স্তেতশিং অসিদা আই.ই.সি. কেম্পেন তৌদুনা খুঙ্গংশিং অসি জল জিবন মিসন অসি মীয়ামগী ওইবা মিসন অমনি হায়বা অসি খংহনগদবনি। নুপীগী সেলফ-হেলপ গ্রুপশিং অমসুং মশানা থোকচরকপা ওরগানাইজেসন অসি খুঙ্গংগী কাংলুপশিংবু হৌদুনা ঈশিং অসি ফংনবা মখোয়না হোৎনগদবনি।

কেন্দ্র সরকারনা স্তেত সরকারদা অঙম্বা মতেং পীদুনা মখোয়না য়ুমথোং খুদিংদা ঈশিং ফংনবা হোৎনরিবা অসিদা তৌফম থোকপা তৌরি। ২০২০-২১দা কেন্দ্রনা কেরলাদা জল জিবন মিসনগী মখাদা লুপা করোর ৪০৪.২৪ অমা য়েন্থখি অমসুং স্তেত অসিদা হান্ননা নেস্নেল ৱাতর ক্বালিতি সব-মিসনগী মখাদা ফ্লোরাইদনা শোকহল্লবা মফমশিংদা অফবা ঈশিং ফংহন্নবা লুপা করোর ২.১৫ পীদুনা লৈখ্রবনি। স্তেত অসিদা কেন্দ্রনা পীথরক্লিবা গ্রান্তশিং অসি মাংহন্দনবা থবকশিং অসি য়াংশিন্নবা অমসুং  লৈরিবা ফন্দশিং অসি শিজিন্নবা তকশিল্লি।

মখা তানা, পি.আর.আই.শিংগী ১৫শুবা ফাইনান্স কম্মিসন গ্রান্তশিং অসিদগী ৫০% অমা ঈশিং অমসুং সেনিতেসন্দা শিজিন্নগনি। কেরলাদা ২০২০-২১দা এফ.সি. গ্রান্তশিং অসিদগী লুপা করোর ১,৬২৮ য়েন্থখি। মদুদা নত্তনা, স্তেত অসিনা মখল কয়াগী থৌরমশিং অসিগী ফংলিবা ফন্দশিং অসি ফজনা শিজিন্নগদবনি হায়বদি এম.জি.এন.আর.ই.জি.এস., জে.জে.এম., এস.বি.এম. (জি.), দিস্ত্রীক্ত মিনরেল দিবলপমেন্ত ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দিবলপমেন্ত ফন্দ অসিনচিংবা অসিনি।

স্তেত অসিদা অঙ্গনৱাদি সন্তরশিং, আশ্রমশালাশিং অমসুং স্কুলশিংদা ২০২০গী ওক্তোবর ২দা হৌদোকখিবা অখন্নবা নুমিৎ ১০০গী কেম্পেন অসিগী শরুক অমা ওইনা ঈশিং পুবা পাইপ য়ৌহন্নবা হায়জখি হায়রিবা অসিনা লোয়শংশিং অসিদা থকন্নবা অফবা ঈশিং, খুৎ হাম্নবা ঈশিং, তোইলেৎকী অমসুং মিদ-দে মিল থোংননবা ফংহনগদবনি। মসিগী পীথরিবা খুদোংচাবা অসিনা মীয়ামগী লোয়শংশিংদা অফবা ঈশিং ফংহন্দুনা অঙাংশিং অসিদা অফবা ঈশিং থক্তুনা মখোয়গী মশা-মউ ফনা থম্মী।

*******