জল শক্তি মন্ত্রালয় জল জীবন মিশন অসি থবক ওইনা পাংথোকহনবদা মতেং পাংনবগীদমক্তা রাজ্য অমসুং য়ুনিয়ন তেরিতোরী খুদিংমক্কা লোয়ননা লেপ্তনা থবক চত্থরি। মিশন অসি প্রধান মন্ত্রী শ্রী নরেন্দ্র মোদীনা হৌখিবা চহিদা লাউথোকখিবনি। মসিগী মখাদা ২০২৪ ফাওবদা খুঙ্গংগী য়ুম করোর ১৮দা থক্নবা ঈশিংগী কনেক্সন ফংহন্দুনা মীপুম খুদিংদা নোংমদা থক্নবা ঈশিং লিতর ৫৫ ফংহন্নবা অথোইবা মওংদা থবক পাংথোক্নবগী ওইবা অমদি মরুওইবা পান্দম অসি লেপ্নখিবনি। মসিগী স্কীম অসি রাজ্যশিং/য়ুনিয়ন তেরিতোরী খুদিংমক্কী ওইনা য়াম্না কান্নবা অমা ওইগনি, মরুওইনা য়ুমশিংদা তোতী ঈশিংগী কনেক্সন ফংহনবদগী নুপীশিং অমদি অঙাংশিংনা য়াম্না কান্নবা ফংগনি। মিশন অসি মরুওইনা জিওগ্রাফিকেল ওইনা খুদোংচাদবা কয়া মায়োক্নরিবা রাজ্যশিংনা কান্নবা ফংলি।

গুজরাত অসি জিওগ্রাফিকেল ওইনা অকংবা মফম ওইবনা ঈশিংগী অৱাবা কয়া মায়োক্নরিবা রাজ্য অমনি অমসুং জল জীবন মিশন অসি মসিগী মফম অসিগী মীশিংগীদমক্তা থৌজাল অমা ওইনা ফংবগী মওংনি।  গুজরাতনা ঙসি  নেস্নেল জল জীবন মিশনগী ওফিসরশিংগী মমাংদা মাগী চহি তংখাইগী ওইবা হন্না য়েংশিনখিবা অদু পুথোকখি।  মসিগী ওফিসরশিং অসিনা লৈবাক পুম্বদা  মিশন অসিগী থবক খুমাং চাউশিনবা অসি হন্না য়েংশিল্লি।  গুজরাতকী চহি ২০২২দগী ২০২৩ ফাওবা য়ুম চাদা ১০০দা তোতী ঈশিংগী কনেক্সন ফংহন্নবগী স্কীম্নি। গুজরাত্তা য়ুম ৩৫,৯৯৬, খুঙ্গং ১৮,১৯১, গ্রাম পঞ্চায়েৎ ১৩,৯৩১, ব্লোক ২৪৭ অমসুং জিলা ৩৩গা কোন্ননা অপুনবা য়ুম মশিং ৯৩,০২,৫৮৩ লৈ। হৌজিকফাওবগী থবক খুমাং চাউশিলহনবা অসিদা রাজ্য অসিনা লেপ্নখিবা চাদা ৭৬.২৯গী পান্দম ওইবা ফঙ্কস্নেল হাউস তেপ কনেক্সন(এফ.ঐচ.তি.সি.) ফংহনবদা মায় পাক্ন পাংথোকপা ঙম্লি। চহি তংখাইগী হন্না য়েংশিনবা অসি মায়কৈ অসিদা রাজ্য অসিদা অদুম্মক চত্থহনগদবা অমদি মসিগা মরি লৈনবা শেলগী চাদিং অসি য়াংশিলহনবগী মথৌ তাবা অসি নিংথিনা থবক খুমাং চাউশিনবা অসি অদুক্কী মতিক য়াম্না উবা ফংহল্লি।  ভি.দব্লয়ু.এস.সি.না কান্নবদা য়ুম্ফম ওইবা মিৎয়েং অসিগী ওইনা গুজরাত অসি মোদেল অমা ওইবা য়াই। রাজ্য জল জীবন মিশনগী থৌরমদা  আই.ও.তি./সেন্সরদা য়ুম্ফম ওইবা পায়লৎ অসিদসু য়াংশিলহনবা য়াই। মন্ত্রালয় অসিনা রাজ্য সরকারগী ওফিসিএলশিংদা ওক্তোবর ২, ২০২০দা হৌগদৌরিবা নুমিৎ ১০০গী অখন্নবা কেম্পেন অসিগী মখাদা প্রধান মন্ত্রী শ্রী নরেন্দ্র মোদীগী মংলান ওইরিবা আঙ্গনৱাদী সেন্তর খুদিংমক অমসুং স্কুলশিংদা থক্নবা ঈশিং ফংহন্নবগী সিস্তেম অসি লৈহন্নবা অমদি ঐখোয়গী অঙাংশিংগীদমক্তা অফবা তুংলমচৎ ওইহন্নবা পাইপকী ঈশিং অসি চপ চানা ফংহন্নবা হায়খ্রে। রাজ্য অসিগী হন্না য়েংশিনবা অসিদা অপাম্বা রিজল্ত অদু ফংনবগীদমক্তা ‘ফংবদা লায়বা পোৎশিং’ অসি খ্বাইদগী হেন্না শিজিন্নবদা থোইদোকপা মওংদা খংহনখি। ক্যু এন্দ ক্যু ব্লোক(খুদোংচাদবা লৈতবা অমদি ঈশিং ফত্তবগী খুদোংচাদবা লৈতবা ব্লোক) অসিগী মখাদা লৈবা খুঙ্গং ৭,৮৪৩গী মনুংদা মথক্কী কাংলুপশিং অসিদা ঈশিং ফংহন্নবগী স্কীমশিং অসিদা য়াওহন্নবগীদমক্তা খুদক্তা ৱা খন্নবা য়াই, মরমদি মফমদুদা ঈশিং মরাং কাইনা ফংই। মসিগী খুঙ্গংশিং অসি স্কীমশিং অসিগা শমজিন্নহন্নবগী অয়াবা ফংহনগদবনি অমদি মসিগী থবক অসি হন্দক্কী চহিসিদা মপুং ফানা লোইশিনগদবনি।  গুজরাত্তা থবক পাংথোক্নিবগী অপাম্বা লৈবা জিলা অনি লৈ-দাহোদ অমসুং নর্মদা। দাহোদ জিলাদা পুন্না খুঙ্গং ৭২২গী মনুংদা খুঙ্গং ৭০৩দা থক্নবা ঈশিংগী স্কীম মথৌ পাংথোক্লি।  অদুম ওইনমক শুপ্নতগী খুঙ্গং ১০৭দা চাদা ১০০ মথৌ তৌরিবা তোতীগী কনেক্সন লৈ। নর্মদা জিলাগী খুঙ্গং ৫৪১দা থক্নবা ঈশিংগী স্কীম মথৌ পাংথোক্লি অদুগা শুপ্নতগী খুঙ্গং ১২২দা চাদা ১০০ মথৌ পাংথোক্লিবা য়ুমগী ঈশিংগী কনেক্সন লৈ। য়ুম ৪,৭১,৬২৯গী মনুংদা য়ুম ৪,৬৮,৪২৪দা থক্নবা ঈশিংগী স্কীম য়ৌবা ঙম্মি, অদুবু শুপ্নতগী য়ুম ২,৩১,৯২০(চাদা ৪৯.১৭)দা তোতী ঈশিংগী কনেক্সন লৈ। রাজ্য অসিগী স্কীম অসি অসি ২০২২ ফাওবদা থবক পাংথোক্নিংবা জিলাশিং অসি ঈশিং লোইনা ফংহনবা অদুনি। গুজরাতকী অয়াম্বা শরুক অসি অকংবা মফম ওই ; মরম অসিনা রাজ্য সরকার অসিনা লৈকংলা অমদি লৈকং থোক্কনবা মফমদা মরুওইবা মিৎয়েং থম্লি।  মতৌ অসিগুম্না স্কীম অসিদা থবক পাংথোক্নিবা জিলাশিং, এস.এ.জি.ৱাই. এস.সি./এস.তি.গী মফমশিং অসিদা অথোইবা মিৎয়েং থমগনি। মসিগী পান্দম অসি ফংনবগীদমক্তা কেন্দ্রনা রাজ্য অসিদা লুপা করোর ৮৮৩.০৯ সেঙ্কসন তৌখ্রে; ১৫শুবা ফাইনান্স কমিসন্নসু রাজ্য অসিদা করোর ৩,১৯৫ পীখ্রে। মসিদা নত্তনা রাজ্য অসিদা মফম অমত্তনা লৈহন্নবগী অমদি পুন্না লৈহন্নবগী মখাদা ২০২০-২১গী ওইনা মনরেগা ফন্দ, স্বচ্ছ ভারত মিশন (খুঙ্গংগী ওইবা) ফন্দগুম্বা অতোপ্পা লৈরিবা রিসোর্সশিং অসি হৈ-শিংনা শিজিন্নবা তৌবা তাবনি অমসুং খুঙ্গংগী থাক্তা চুম্না শিজিন্ননবা তৌবা তাবনি। রাজ্য অসিনা থক্নবা ঈশিং অসি য়ৌহনবা অসি হেনগৎহন্নবগীদমক্তা থবক কয়া অমা পায়খৎখিবশিংগী মতাংদা ই-পাও পীখি। গুজরাতনা ঈশিং মাংহনবা অসি থিংনবগীদমক্তা ৱাতর সপ্লাই (ঙাক-শেনবা) এক্ত ২০১৯ অসি পাস তৌখ্রে। রাজ্য অসিনা ভাভা এতোমিক রিসর্চ সেন্তর(বি.এ.আর.সি.)গা লোয়ননা শেয়র তৌনখিবা অসিদা কে.এল.দি. ৫০ অসি কে.এল.দি. ২০০গী চাং ওইহনবগা লোয়ননা সমুদ্র মপান্দা তাবা খুঙ্গংশিং অসিগী ওইনা সোলর থর্মেল দিস্তিলেসন প্লান্ত অসিগীদমক্তা পায়লৎ অসি পায়খৎখ্রে। বাইয়োমেত্রিক এতেন্দেন্স, নোংমগী ওইবা অফবা অমদি চাংগী রিপোর্ত তৌবা, অনাবা ফহনবা অমসুং লায়না ঙাকথোক্নিংঙাই ওইবা অমদি তুংলমচৎকী ওইবা ফন্দশিং অসিগী মতিক চাবগা লোয়ননা থবক নিংথিনা পাংথোকপা থিকাদারশিংগী রেঙ্কিং অসি হাপচিন্দুনা ঈশিংগী ৱাতর সপ্লাই স্কীমশিং অসিগী ও. এন্দ এম. অসিদা ফগৎহন্নবগীদমক্তা থবক পায়খৎখ্রে।

মন্ত্রালয় অসিনা অফবগী চাং অসি ওন্নবগীদমক্তা অমসুং মীয়াম-মীচমগীদমক্তা থক্নবা ঈশিংগী চাংয়েং তৌনবা অমদি ঈশিং ফবা-ফত্তবা য়েংনবা লেবোরেতরীশিংফাওবা লায়না য়ৌহনবা ঙমহন্নবা হায়খ্রে।  ফংফম অসি তুং-কোইনা লৈনবা অমদি গ্রে ৱাতর মেনেজমেন্ততা য়েংশিনবা অসি মখা চত্থখিগনি। য়েংশিন-মীফম অসিদা য়েশিনখিবা সোর্সশিং অসিগী থৌরাং য়াৎপা তেস্ত তৌবা অসিদা কেমিকেল তেস্ত অসি চাদা ১২.৩৬  নি অদুগা বেক্তরিয়োলোজীকেল তেস্তিং অসিনা শুপ্নতগী চাদা ১৩.৮৯নি।রাজ্য অসিদা ফিল্দ তেস্ত কিৎ(এফ.তি.কে.বি.)গী থোংদা ঈশিং ফবা-ফত্তবা অসি য়েংশিন্নবগীদমক্তা খুঙ্গং খুদিংগী য়ামদ্রবদা মীওই মঙা ত্রেনিং তৌনবগী পাওতাক পীখি, নুপীশিংদা ওইরগনা হেন্না ফগনি। রাজ্য অসিদা গ্রাম পঞ্চায়েৎকী ওফিসিএলশিংগা লোয়ননা অতোপ্পা ফনবা তৌবশিংগী থবক পাংথোকপগী পাঙ্গল অসি হেনগৎহন্নবগীদমক্তা ত্রেনিং পাংথোক্নবা পাওতাক পীখি অমসুং খুঙ্গংগী থাক্তা ত্রেনিং ফংলবা হ্যুমেন রিসোর্সশিংগী থোং অমা শেম্নবগীদমক্তা খুঙ্গংশিংদা স্কীল দিভেলপমেন্তকী ত্রেনিংগী মতাংদা খন্নবা হায়খ্রে। মসিগী ৱাতর সপ্লাইগী স্কীমশিং অসি থবক পাংথোকহনবগা লোয়ন-লোয়ননা ওপরেসন অমদি মেন্তেনেন্স(ও.এন্দ এম.)দা য়াম্না মতেং ওইগনি।

*****