শান্ন-খোৎনবগী কেন্দ্র মন্ত্রী শ্রী কিরেন রিজিজুনা এক্তর বিদ্যুত জমৱালগা লোয়ননা ওক্তোবর ৩১দা রাজস্থানগী জৈসলমেরদা কিলোমিতর ২০০ শাংবা ‘ফিৎ ইন্দিয়া ৱাল্কাথোন’ অমা লমথারগনি।

থৌরম অসি ইন্দো তিবেতন বোর্দর পুলিশ(আই.তি.বি.তি.)না পাংথোকপনি অমদি নুমিৎ ৩নি(ওক্তোবর ৩১দগী নবেম্বর ২) চুপ্না পাংথোক্কদৌরিবা তোঙান-তোঙানবা জৱানশিং অমদি সেন্ত্রেল আর্ম পুলিশ ফোর্সেস(সি.এ.পি.এফ.)শিংনা শরুক য়াগনি অমদি কিলোমিতর ২০০ লাপ্না চৎকনি। 

ৱাল্কাথোন মার্চ অসি অহিং অমদি নুংথিল লেপ্তনা চৎকনি অমদি ভারত অমদি পাকিস্তানগী ঙমখৈদা লৈবা থার লৈকংলাগী লৈঙোইগী চিংদুমশিং ফাওদুনা চৎকনি।

লাক্কদৌরিবা থৌরম অসিগী মতাংদা ৱা ঙাংলদুনা শ্রী কিরেন রিজিজুনা হায়খি, "মসি ফিৎ ইন্দিয়া ওইহন্নবা মীয়ামগী খোংজং অমা ওইহন্নবা প্রধান মন্ত্রীনা বেঙ্গুল খোংদুনা কৌবা অমা ওইখি।  ঐখোয়গী ইচং-থৌরবা আর্ম ফোর্সেসকী লান্মীশিংনা মসিগী তোপ-তোপ্পা ৱাল্কাথোন অসিগী থোংদগী  ফিৎ ওইনা লৈনবগী মরুওইবা অসি শৌগৎনবগীদমক্তা পুন্না চংশিনমিন্নরকপা অসিগীদমক্তা অদুক্কী মতিক নুংঙাইবা ফাওই। ঐহাক্কা মখোয়শিংগী মরক্তা জৈসলমেরদগী য়াওগনি অমদি মখোয়গী পুন্না ৱাল্কাথোন অসি চৎমিন্নগনি। ফিৎ ইন্দিয়াগী খোংজং অসি লৈবাক অসিগী কাচিন-কোয়া খুদিংদা য়ৌহন্নবা শান্ন-খোৎনবগী মন্ত্রালয়না পায়খৎপা মরুওইবা থবক অমনি।"

মহাক্কী ৱাখল্লোনশিং অসি বোলিৱুদকী এক্তর অমদি ফিৎনেসকী আইকোন বিদ্যুত জমৱালনা হায়রদুনা মখা তানা হায়খি “ ফিৎ ইন্দিয়া ৱাল্কাতোন অসিদগী য়াম্না নিংথিবা মওংদা ফিৎ ওইবগী মরুওইবা অসিদা লুম্না লৌখিবা অসিদা য়াম্না নুংঙাইবা ফাওই। মসিগী থৌরম অসি শ্রী কিরেন রিজিজুগা লোয়ননা লমথামিন্নবা অমদি ঐখোয়গী জৱানশিং অসিনা ঐখোয়গী মিশন অসি ফিৎ ওইবা হায়বা ৱাহৈ অসি শন্দোক্নবা মিশন অসিদা য়াওবিবা অসি ঐহাক্কী ওইনা ইকাই খুম্ননিঙাইগী মশক্নি।"

‘ফিৎ ইন্দিয়া ৱাল্কাথোন’ অসিনা ভারত্তা ফিৎ ওইনা অমদি হকচাং ফনা লৈবা পুন্সি ওইহন্নবগী মতাংদা ৱাখল লৈহন্নবা অমদি হন্দক্তা পাংথোকখিবা ‘ফিৎ ইন্দিয়া ফ্রীদম রন’ অসিদা ভারতকী মীওই করোর ৬.৫গী মথক্তা শরুক য়ানখিবা উবা ফংখিবা অসিদগী মীয়াম্না মসিগী মিশন অসি কয়াদা লুনা লৌবগে হায়বসি উবা ফংই।

*****