উপ-রাস্ত্রপতি শ্রী এম. ভেঙ্কৈয়া নাইদুনা হান্নগী গুজরাতকী মুখ্য মন্ত্রী শ্রী কেশুভাই পতেলনা নোঙ্গাখিবদা নুংঙাইতবা ফোংদোকখ্রে। মখাদা পীরিবা মহাক্কী নুংঙাইতবা ফোংদোকপগী পাউজেল অদুনি-

“হান্নগী গুজরাতকী মুখ্য মন্ত্রী শ্রী কেশুভাই পতেলনা লৈখিদবগী পাও অসি য়াম্না নুংঙাইতবা পাওনি।

মহাক অসি মীয়াম্না মশক খংবা লুচিংবা অমা ওইরম্মি অমদি মপুন্সি অদু লাইরবা অমদি তোল্ল-তারবশিংগী থৌগল তৌবদা কত্থোক্লম্মি। অচম্বা লৌমীগী ইমুং অমদগী হৌরকপা কেশুভাই অসি মতম পুম্নমক্তা লৌমীশিংগীদমক্তা থবক তৌরম্মি।  মহাক্না মখোয়গী য়াইফনবগীদমক্তা চোকথবা লৈতনা হোৎনরম্মি অমদি লৌউ-শিংউগী সেক্তরদা অওনা পুরক্নবগীদমক্তা য়াম্না থৱায় য়াওনা হোৎনরম্মি। মহাক্কী থম্মোইদা লৌমীশিং অমদি ভারতকী খুঙ্গংগী ওইবা অখন্নবা মফম অমা লৈরম্মি।

য়াম্না নোল্লুকপা বেকগ্রাউন্দগী লাকখিবা কেশুভাই পতেল অসি গুজরাতকী মুখ্য মন্ত্রীফাওবগী ফমফাওবা য়ৌরকপা ঙমখ্রিবা অসি মহাক্কী হোৎনবা কনবা, অনেম-অৱাং খাইদবা মওং-মতৌ, অচম্বা অমদি মতৌ তমজনিংঙাই ওইবা লুচিংবা ওইরম্বা অসিননি। মুখ্য মন্ত্রী অমা ওইরবসু মহাক অসি অসি অদুক্কী মতিক নোল্লুক্লম্মি অমদি মীপুম খুদিংমক্কা নিংথিনা ৱারী শানবা য়ারমখি।

মহাক্না থাদোক্তুনা চৎখিবা অসি লৈবাক অসিগী ওইনা অচৌবা মাংজবা অমনি। মহাক্কী ইমুং-মনুং অমদি মরূপ-মপাংশিংগী মফমদা নুংঙাইতবা ফোংদোকচরি। ওম শান্তী!”

*****