জল শক্তি মন্ত্রালয়

ইশিংগী ক্বালিতী তেস্ত তৌবদা মীৎয়েং থমদুনা ‘জল জীবন মিসন’ চৎনবদা লদাখকী য়ুনিয়ন তেরিতোরীনা শেমগৎ শাগৎপগী চাওখৎ থৌরাং অদু জল শক্তিগী মন্ত্রালয়না য়েংশিনখ্রে

Posted On: 27 OCT 2020 3:59PM by PIB Imphal

রাজ্যশিং/য়ু.তি.শিংদা জল জীবন মিসন চৎনরকপগী মিদ-তর্ম রেবিয়ু সেরিসকী মখা চৎথরকপা ওইনা লদাখকী য়ুনিয়ন তেরিতোরীদা  মিসন অসিগী ফিভম অদু ভিদিও কনফরেন্সিংগী খুৎথাংদা য়েংশিনখ্রে৷ ২০২৪ ফাওবগী মনুংদা লৈবাক অসিদা লৈরিবা খুঙ্গংগী য়ুমথোং খুদিংদা তোতিগী ইশিং ফংহন্নবা পান্দম থম্লিবা কেন্দ্র সরকার অসিগী ফ্লেগশিপ  প্রোগ্রাম ওইরিবা জল জীবন মিসন(জে.জে.এম.)গী মখাদা খুঙ্গংগী য়ুমথোং খুদিংদা তোতিগী ইশিং শমহন্নবগী পান্দম থম্লিবা অদু ফংবা ঙম্ননবগীদমক রাজ্যশিং অমসুং য়ুনিয়ন তেতিতোরীশিংনা পাইখৎলিবা চাওখৎ থৌরাং অদু জল শক্তিগী মন্ত্রালয়না য়েংশিনখ্রে৷

চাওরাক্না লদাখতা  হেবিতেসন ১,৪২১, খুঙ্গং ২৮৮ অমসুং গ্রাম পঞ্চয়ত ১৯১দা খুঙ্গংগী য়ুমথোং ৪৪,০৮২রোম লৈ৷ ২০২১-২২ ফাওবগী মনুংদা তোতিগী ইশিং ১০০% ফংহন্নবা রাজ্যনা প্লান শেমখ্রে৷ মসি ফংবা ঙম্ননবগীদমক য়ুনিয়ন তেরিতোরী অসিনা হৌজিক লৈরিবা ইশিং সপ্লাই তৌবগী ইনফ্রাস্ত্রকচর অসি শিজিন্নবা মথৌ তাই৷ লদাখতা তোতিগী ইশিং ফংহনবা খুঙ্গং ২৫৪ লৈ৷ তোতিগী ইশিং পুশিনবা ৱাৎহৌরিবা ইমুংশিংদা তোতিগী ইশিং ফংহন্নবা হৌজিক লৈরিবা পি.দবল্যু.এস. অসি য়ু.তি. লৈঙাক শাশন্না অমুক হন্না শেমজিল্লি৷

 মীফম অদুদা তোঙান তোঙানবা ইসুশিং খুদম ওইনা ভিলেজ এক্সন প্লান শেম্বা, ভিলেজ ৱাতর অমসুং সেনিতেসন কম্মিতী(ভি.দবল্যু.এস.সি.)গী চৎনা কাংলোন পুথোকখ্রে৷ ইশিংগী সপ্লাই সিস্তেমশিং অসি প্লানিং তৌনবা, চৎন্নবা অমসুং য়েংশিন্ননবগীদমক ইমপ্লিমেন্তেসন এজেন্সীশিংনা লোকেল কম্ম্যুনিতী অদু লমজিংন্নবগীদমক্তা ভোলুন্তরী ওর্গনাইজেসনশিং, এম.জি.ও.শিং, নুপীগী এস.ঐচ.জি.শিং শিজিন্ননবা হেন্না মীৎয়েং চঙখ্রে৷ গ্রাম পঞ্চয়ত ফঙ্কসন্নরীশিং অমসুং অতোপ্পা স্তেকহোল্দরশিংগী কেপাসিতী হেঙ্গৎন্নবগীদমক ত্রেনিং পাংথোক্নবা য়ু.তি.দা খঙহনখ্রে অমসুং ইশিং সপ্লাইগী সিস্তেম অসি চৎন্নবদা য়াম্না মতেং পাংগদৌরিবা খুঙ্গংগী লেভেলদা ত্রেন তৌরবা হ্যুমেন রিসোর্সকী পুল অমা শেমন্নবা খুঙ্গংশিংদা স্কিল দিভেলপমেন্ত ত্রেনিং তৌনবা মীৎয়েং থম্লি৷ থক্নবা ইশিংগী সোর্সশিং অদু বেক্তরিয়া তেস্ত তৌনবা অমসুং কেমিকেল তেস্ত শুংশোই শোইদনা তৌনবা য়ু.তি.দা খঙহনখ্রে৷ মিসন অসিগী মখাদা ইশিংগী ক্বালিতী তেস্ত তৌবা অসিনা খ্বাইদগী ইহান হান্না তৌগদবা মফম অমা ওইরি৷

২০২০-২১দা জল জীবন মিসন অসি চৎন্নবগীদমক লাদাখনা লুপা কোতি ৩৫২.০৯ কাইখ্রে৷ লৈরিবা ফন্দ অসি মফম মতম চানা শিজিন্নবা য়ানবা তোঙান তোঙানবা থবকশিং খুদম ওইনা থক্নবা ইশিং হেন্না ফংহনবা, ইশিং য়োকশিনবা, গ্রেহ ৱাতর মেনেজমেন্ত অসলি পাইখৎন্নবগীদমক অতোপ্পা প্রোগ্রামশিং খুদম ওইনা এম.জি.এন.আর.ই.জি.এস., এস.বি.এম., লোকেল এরিয়া দিভেলপমেন্ত ফন্দ অসিগা পুনশিন্নদুনা ভিলেজ লেভেলদা ফন্দশিং  পুনশিন্ননবা প্লান শেমনবা য়ু.তি.দা খঙহনখ্রে৷

সমুদ্রগী ইমাইদগী মীতর ৩০০০-৩৫০০ ৱাংৎনা লৈরিবা লদাখগী কোল্দ দেজর্ত অসি চাংচৎতা চহী অমদা ৫০ এম.এম.গী চাংদা নোং য়াম্না নেম্না চুই৷ এরিদ হাইয়র হিমলয়গী মফমশিংদা থকপা য়াবা ইশিং  ফংহন্নবা সস্তেনেবল ওইবা সিস্তেম শেমগৎনবা অমসুং য়েংশিন্নবা য়াম্না অথুবা খোংথাং লৌখৎন্নবগীদমক তুরিস্ত চংলকপা অমসুং ক্লাইমেৎকী অহোংবা অসি মখাতানা য়েংশিল্লি৷ মীয়ামশিংগী পুন্সি অসি ফগৎন্নবগীদমক ‘হর গল জল’ পাংথোক্তুনা ইসু অসি থেংন্নবগী অখন্নবা খুদোংচাবা অদু জল জীবন মিসননা পী৷

*****



(Release ID: 1668301) Visitor Counter : 124