হকশেল অমসুং য়াইফ-য়ুম্বাল মন্ত্রালয়
দোক্তর হর্ষ বর্ধন্না পঞ্জাব নেসনেল বেঙ্ককী কোবিদ-১৯গী মায়োক্তা চত্থবা ওল ইন্দিয়া কেম্পেন হৌদোকখ্রে
“কোবিদ ভেক্সিন য়েন্থোকপগী মওং মতৌ খোঙজেল লৈনা শেমগৎলি”
Posted On:
26 OCT 2020 10:31PM by PIB Imphal
হকশেল অমসুং য়াইফ য়ুম্বালগী কেন্দ্র মন্ত্রী দোক্তর হর্ষ বর্ধন্না কোমিদ-১৯গী মায়োক্তা চত্থবা পঞ্জাব নেসনেল বেঙ্ককী (পি.এন.বি.) ওল ইন্দিয়া কেম্পেন হৌদোকখ্রে। মহাক্না পঞ্জাব নেসনেল বেঙ্ককী দিজিতেল সি.এস.আর. এল্বম অমদি সি.এস.আর. ভিদিওসু ফোঙখি।
কোবিদ-১৯ লান্থেংদা পি.এন.বি.না সি.এস.আর. থৌওংগী মখাদা পায়খৎলিবা থবকশিংগী তৌবিমল খঙবা উৎলদুনা দোক্তর হর্ষ বর্ধন্না ফোঙদোকখিবদা, “পি.এন.বি.না মখোয়গী ব্রাঞ্চ ১০,০০০ হেনবগী খুত্থাঙদা খুন্নাইগী ফীভম চাদ্রবা কাঙলুপকীদমক লৈবাকসিগী দিস্ত্রিক্ত ৬৬২দা চাউরাক্না মাস্ক অমদি সেনিতাইজর লাখ ১০রোম য়েন্থোক্তুনা লাইচৎ অসি থেংননবা লৈঙাক্কী ইহৌ অসিদা থৌদাং য়াখি।”
দিস্ত্রিক্ত ৫০০দা লৈবা খুঙ্গঙ অমদি খরা ফীভম ফবা মফমশিংদা লৈবা লৌমীশিংদা অখন্নবা খুদোংচাবা পীননবগীদমক ওক্তোবর ২, ২০২০দগী থা অহুম চুপ্না বেঙ্ক অসিনা গ্রাম সম্পর্ক য়োজনা চত্থখিবগীদমক্তসু মহাক্না থাগৎখি।
লৈবাক্কী থৌরমদা পি.এন.বি.গী থৌদাংবু শিংথারদুনা, দোক্তর হর্ষ বর্ধন্না “বেঙ্ক অসিনা ৭৪শুবা নীংতম্বা নুমীৎগী মাঙওইননা গলৱান তম্পাক্তা মথৱাই কৎখ্রবা অথৌবশিংগী ইমুং মনুংবু ইকায় খুম্নবা উৎখি। থৌওং অসিনা খুৎলায় পায়বা লান্মীশিংগীদমক লৈরিবা মখোয়গী খোঙফম অমদি কোক নোনবগী মওং মতৌ অদু উৎলি” হায়না ফোঙদোকখি।
এইমসতা লাইয়েংনবগীদমক দিল্লীদা চত্থোক চৎশিন তৌবদা অনাবা মীওইশিংদা মতেং পাংননবা গারী অমা লৈনবগীদমক মখোয়গী সি.এস.আর. থৌওংগী শরুক অমা ওইনা ভাওরাও দিওরাস সেবা ন্যাসতা লুপা লাখ ১০.৩৭ পীখিবা পি.এন.বি.গী থৌওং অদুগীদমক মহাক্না তৌবিমল খঙবা উৎখি।
কোবিদ-১৯গী মায়োক্তা ভারতকী লান্থেংগী মতাঙদা দোক্তর হর্ষ বর্ধন্না ফোঙদোকখিবদা “কোবিদকী লান্থেংদা ভারতনা তরাশুবা থা ফাওবা চঙশিল্লকপগা লোয়ননা ভারতনা হীরম কয়াদা মরোমদোম লেপচবা ঙম্লে। অসুম অসুম হেনগৎলক্লিবা ফগৎলকপগী চাং অমদি খোঙজেল লৈনা হন্থরক্লিবা নারিবা মীশিং অসিনা কেন্দ্রনা লুচিংবা কোবিদ-১৯ লাকশিনবগী লাল্লোং অসি মায় পাক্লি হায়বা উৎলি। কোবিদ-১৯ লাইয়েংনবা হিদাক অমদি ভেক্সিনগী লমদা চঙশিল্লিবা সাইন্তিফিক দেভেলপমেন্ত অসিদা ঐনা থাজবা থম্লি অমদি অথুবা মতমদা ভারতনা ঐখোয়গী কোবিদ-১৯গী মায়োক্তা চঙশিল্লিবা লান্থেং অসিদা হেন্না মায় পাকপা ফংলগনি।”
বেঙ্ক অসিনা মহৈরোয়শিংবু তমজনিংঙাই ওইরবা মীওই অমমম ওইহন্নবগী থৌরাং মখাদা তোঙান তোঙানবা মহৈ মশিংগী বোর্দশিংগী চাংয়েংশিংদা নীংথিনা মায় পাকখিবা লাইরিক হৈরবা মহৈরোয় কয়া ওকখি অমদি মমীং লৈরবা শিন্তাক্লোয় লিশিং কয়াবুসু ইকায় খুম্নবা উৎখ্রে হায়না কেন্দ্র মন্ত্রীগী মফমদা পাউদমখি।
লৈঙাক অসিগী খ্বাইদগী মরুওইবা পান্দমদি লৈবাকসিগী মীপুম খুদিংমক্তা ভেক্সিন ফংহনবনি অমদি ভেক্সিন য়েন্থোকপগী মওং মতৌ অমদি থৌওং খোঙজেল লৈনা শেমগৎলি হায়না দোক্তর হর্ষ বর্ধন্না ফোঙদোকখি। “পি.এন.বি.না থৌদাং চাউবা অমদি মিনুংশি লৈবা ইন্সতিত্যুসন অমা ওইনা তুংদসু অসিগুমবা থবক থৌওংশিংদা থৌদাং লৌরক্তুনা লৈবাকসিনা চাউখৎপদা শিংথানিংঙাই ওইবা থৌদাং লৌরক্কনি হায়না ঐনা থাজৈ। কোবিদকী মায়োক্তা থেংনরিবা লান্থেং অসি লৈবাকসিগী মীপুম খুদিংমক্না মতেং পাংলবতদা মায় পাক্কনি,” হায়না মহাক্না মখা তাখি।
শ্রী এস.এস. মলিকঅর্জুন রাও, এম.দি. অমসুং সি.ই.ও. অমদি পি.এন.বি.গী মকোক থোংবা ওফিসিএলশিংসু থৌরমদুদা শরুক য়াখি। লৈবাক শিনবা থুংনা লৈরিবা পি.এন.বি.গী জোনেল ওফিসশিংসু ভিদিও কন্ফরেন্সিংগী খুত্থাঙদা শরুক য়াখি।
****
(Release ID: 1667935)
Visitor Counter : 166