সেক্রেতরী পোম্পিও, সেক্রেতরী এস্পর, দা. জয়শঙ্কর, পাউগী মীহুৎশিং, ইকাই খুম্নজরিবী অমসুং খুম্নজরিবশিং,

ঐহাক্না কোবিদ-১৯ লাইচৎকী লাংফম মরক্তা ঐখোয়বু উন্ননবগীদমক ভারত্তা লেংবীরক্লিবা সেক্রেতরীশিং, মখোয়গী দেলিগেসনশিং অমসুং য়ু.এস. মীদিয়াগী মীহুৎ পুম্নমকপু থাগৎপা ফোংদোকচরি। ঐখোয়গী লৈবাক অনিগী ওইবা মরী অসিদা থাজবা ঙাকপীবগীদমক নুং পান ফাওনা থাগৎপা ফোংদোকচরি।

ঙসিগী মীফম অসিগী মনুংদা, ঐখোয়না লৈবাক অনিগী মরী অমসুং মলতিলেতরেল কোওপরেসনগী মরুওইবা মচাকশিংগী মতাংদা কুপ্না খন্ন-নৈনখি। ঐখোয়দা থেংনরিবা মরুওইবা শিংনবশিংগী মরমদা খন্নখি। ঐখোয়গী খন্ন-নৈনবসিদা অথুবদা শেন্মিৎলোন হনহৎনবা অমসুং চাউখৎনবা হোৎনবা, লাইচৎ থিংবা, মালেমগী সপ্লাই চেন নৌনা শেমগৎপা অমসুং মসিগা মরী লৈনবা হীরমশিংদা ঐখোয়না হেন্না মরুওইবা থমখি।

ঐহাক্না ঙরাং দা. এস্পরগা লৈবাক অনিগী ঙাকশেলগী হীরমদা খন্ননবা উনখি। ঐখোয়না ঐখোয়গী খন্ন-নৈনবদু লম লমগী ওইনা অমসুং মালেমগী থাক্তা ২+২গী মতাংদা ঙসি খন্নখি।

২০১৬দা লেমোৱা অমসুং ২০১৮দা কোমকাস খুৎয়েক পীনরবা মতুংদা ঙসি বেসিক একচেঞ্জ অমসুং কোওপরেসন এগ্রীমেন্ত ফোর জিও-স্পাসিএল কোওপরেসন, বেকা খুৎয়েক পীনবা অসি মসিগী মায়কৈদা য়াম্না চাউবা মায় পাকপা অমনি।

ভারত অমসুং য়ু.এস.না ঐখোয়গী মমাংদা খন্ন-নৈনখিবা কয়াগী মতুং তারকপা ওইনা লৌখৎমিন্নখিবা পনবা য়াবা খোঙথাংশিং থমজনিংবগী অপাম্বা ফোংদোকচরি। হায়রিবশিং অসিদা আই.এফ.সি.-আই.ও.আর.দা য়.এস.এন. এল.ও. অমা পোজিসনিং তৌবা অমসুং নাভসেন্ত, বাহরেন্দা ভারতকী এল.ও. অমা থম্বা; সেন্তকোম অমসুং আফ্রিকোমগা হেন্না চাউবা ইন্তরেক্সন অমসুং কোওর্দিনেসন পীনবা; কোমসেক একাউন্ত হাংবা অমসুং ঐখোয়গী এক্সর্সাইসশিংগী পান্দম অমসুং লুবগী চাং হেনগৎহনবনি। হৌজিক্তি অমগা অমগগী মরক্তা লিংখৎলিবা এল.ও.শিং অসি ঐখোয়গী ইনফোর্মেসন লান্নবগী থবক অসি হেন্না মপাঙ্গল লৈনবা মথৌ হাপ্পা য়াই। শমজিন্না হায়রবদা ঐখোয়গী মিলিতরী কোওপরেসন অসি খুমাং চাওশিল্লি।

ঙসিগী মীফম অসিদা, ঐখোয়না কেপাসিতী বিল্দিংগী মতাংদা অমসুং য়ূম্লোন্নবা অমসুং ৱাংমা লান্না অহুমশুবা লৈবাকশিংদা পায়খৎমিন্নবা য়াবা থবকশিংগী মতাংদা খন্নখি। ঐখোয়দা অসিগুম্বা প্রোপোজেল কয়াগী ৱাখল্লো কয়া লৈ অমসুং মখোয়শিংদুবু খন্ননবা হোৎনগনি।

ঐখোয়না মেরিতাইমগী হীরমগী মতাংদা হেন্না এৱেয়র ওইনবগীদমক মতেং পাংননবা হায়জখিবদা য়াবীরকপগীদমক তরাম্না ওকচরি। নাকল অনিমক্না তঙাইফদবশিং খন্ননবা অমসুং অচঙবা সিস্তেম অমসুং এক্সপর্তাইস পুন্না শেমগৎমিন্ননবা থৌরাং হৌনবা য়ানখি।

ঙাকশেলগী ইন্দস্ত্রিএল কোওপরেসনগী হীরমদা ঐখোয়না য়াম্না হরাও তয়াম্বা মওংদা অমসুং কান্নগদবা মওংদা খন্ন-নৈনখি। ঙাকশেলগী সেক্তরদা হন্দক্তা নৌনা লৌখৎখিবা 'আত্মনির্ভর ভারত'কী থৌরাং অসিবু মরুওইবা লৌখি অমসুং মসিনা ঐখোয়গী দিফেন্স ইন্দস্ত্রীএইল কোওপরেসন্দা লমজিংগদবা মচাক অমা ওইরগনি। ঐহাক্না ভারতকী দিফেন্স ইন্দস্ত্রীগী তৌবা ঙম্বশিং পুখৎখি অমসুং য়ূ.এস.কী মরুওইবা প্লেৎফোর্ম অমসুং সিস্তেমশিংগী সপ্লাই চেন্দা মখোয়গী কান্নবশিং ফোংদোকখি। ঐখোয়না মরী লৈনবা এজেন্সীশিংগী মরক্তা অপুনবা ওইনা লৌখৎমিন্নবা য়াবা চাউখৎলোনগী নিয়র-তার্ম প্রোজেক্তশিং খঙদোকখি, হায়রিবশিং অসি দি.তি.তি.আই.গী মখাদা খোঙলৈ থুনা পায়খৎকদবনি অমসুং দিফেন্স অমসুং আর.এন্দ দি.গী লমদা হেন্না মওং তানা পুনা হোৎনমিন্ননবা ৱারেপ লৌনখি।

দিফেন্স ইন্নোবেসন ফীল্দ অসি হৌখিবা চহী খরসিদা ঐখোয়গী খন্ন-নৈনবা কয়াদা খুমাং চাউশিল্লক্লি। ঐখোয়গী মমাংগী ২+২ মীফমদা খুৎয়েক পীনখিবা অমসুং য়ানখিবা আই.এস.এ. অমসুং আইদেক্স/দিউ এম.ও.আই.গী ইন্সত্রুমেন্তশিং মহৈ য়ানবা হৌরক্লি। আইদেক্স-দিউগী হৌদোক মীফম জুলাই ২০২০দা ভিদিও কনফরেন্সকী থোংদা ফমখিবদুবু তরাম্না ওকচরি অমসুং অহানবা আই.এস.এ. সম্মিৎ চহী অসিদা ফম্নবগীদমক আসা তৌরি।

ঐখোয়গী মীফম অদুদা, ঐখোয়না ইন্দো পেসিফিক্তা লৈরিবা সেক্যুরিতীগী ফিবমগী মতাংদা খন্নখি। থৌওং অদুদা, ঐখোয়না শান্তি, নে তাবা অমসুং লমদম অসিদা লৈরিবা লৈবাক খুদিংমক্কী চাউখৎনবগীদমক থম্নবগীদমক ৱাশকশিং নৌনা ফিরেপ চেৎনবা খন্নখি। ঐখোয়না ইন্তর্নেসনেল ওর্দরদা য়ুম্ফম ওইবা কাংলোনশিং ইনবা, রুলস ওব লো অমসুং ইন্তর্নেসনেল সমুদ্রশিংদা ফ্রীদম ওব নেভিগেসন অমসুং রাজ্য খুদিংমক্কী  তেরিতোরিএল ইন্তিগ্রিতী অমসুং সোবরিন্তী ঙাকপা হায়বসি য়াম্না তঙাইফদে হায়না য়ানখি। ঐখোয়গী ঙাকশেলগী মরী অসিনা হায়রিবা পান্দমশিং অসি মখা তানা চঙশিলহনগনি। নাকল অনিমক্না মালাবার এক্সর্সাইস্তা ওস্ত্রেলিয়ানা শরুক য়াবদা তরাম্না ওকখি।

ঐখোয়না সেক্রেতরী পোম্পিও অমসুং সেক্রেতরী এস্পরনা ভারত্তা লেংবীরকপগীদমক থাগৎপা ফোংদোকচরি। ঐখোয়না য়াম্না মরুওইবা ৱারী কয়া শানখি অমসুং ঐখোয়গী ঙাকশেলগী সেক্যুরিতী অমসুং অতোপ্পা হীরমশিংদা হেন্না মপাঙ্গল কনখৎনবগীদমক পুন্না লেপতনা হোৎনমিন্নগনি।

*****