ঙাকশেল মন্ত্রালয়

ঙাকশেল মন্ত্রী শ্রী রাজনাথ সিংহনা য়ু.এস.কী মহাক্কী মপাং মার্ক এস্পরগা লোইননা লৈবাক অনিগী দেলিগেসনগী থাক্তা মীফম অমা পাঙথোকখ্রে; উন্নখিবা অদুদা নাকল অনিমক্না বেকাগী য়ান-চেরোলদা খুৎয়েক পীনবদা মতেং পাংনবা হায়না য়ানখি

Posted On: 26 OCT 2020 7:24PM by PIB Imphal

দা. মার্ক তি. এস্পর, ইকাইখুম্নজরবা য়ুনাইতেদ স্তেৎস ওব অমেরিকাগী ঙাকশেল সেক্রেতরীনা ভারত্তা ২+২ মিনিস্তেরিএল মীফমগীদমক লাকখি। ঙসি শ্রী রাজনাথ সিংহ, ইকাইখুম্নজরিবা ঙাকশেল মন্ত্রীনা মহাক্কা লোইননা নৈ দিল্লীগী খা থংবা ব্লোক্তা লৈবাক অনিগী মীফম অমা ফমখি। মন্ত্রী অনিনা মন্ত্রী অনিনা মিলিতরীদগী মিলিতরী কোওপরেসন য়ৌনা সেক্যুর ওইবা কম্ম্যুনিকেসন সিস্তেম অমসুং ইনফোর্মেসন লান্নবা, দিফেন্স ত্রেদ অমসুং ইন্দস্ত্রিএল ইস্যুশিংগী মতাংদা লৈবাক অনিগী ঙাকশেলগী মরি য়েংশিনখি অমসুং লৈবাক অনিগী মরি অসিবু মাংজিল থানা চঙশিন্নবা খন্নখি।

মন্ত্রী অনিনা মরী লৈনবা আর্ম্দ ফোর্সেসকী মরক্তা লৈরিবা নক্নবা মরী অসিদা অপেনবা ফোংদোকখি। মখোয়না মরী পীনবা য়াবা মফমশিং হায়বদি সর্বিস তু সর্বিস্কী থাক অমসুং জোইন্তকী থাক্তা মরী পীনবগী মতাংদা খন্নখি। মখোয়না লাইচৎ অসিগী মনুংদা হৌজিক লৈরিবা দিফেন্স দাইলোগ মেকানিজমশিং, থাক খুদিংমক্তা, মরুওইনা মিলিতরী কোওপরেসন গ্রুপ (এম.সি.জি.) মখা তানা চত্থনবা লেপ্নখি। মখোয়না লাইএজন ওফিসরশিং থাবা পাকথোক চাউথোকপগী তঙাইফদবগী মতাংদসু খন্নখি।

মন্ত্রী অনিনা বেকাগী য়ানচেরোল অদু উন্নবসিগী মনুংদা খুৎয়েক পীনগদবসিদা হরাওবা ফোংদোক্নখি। য়ু.এস. ঙাকশেল সেক্রেতরীনা মালাবার ২০২০দা ওস্ত্রেলিয়ানা শরুক য়ারবসিদা হরাওবা ফোংদোকখি।

ইকাইখুম্নজরিবা ঙাকশেল মন্ত্রীনা আত্মনির্ভর ভারতকী মখাদা ভারত্তা ঙাকশেলগী ইন্দস্ত্রীদা ইনভেস্তমেন্ত তৌবদা পুক্নিং থৌগৎনবগী খোঙথাং কয়াগী মতাংদা শন্দোকখি অমসুং য়ু.এস.কী কম্পেনীশিংবু লিবরেলাইজ পোলিসীশিং অমসুং ভারত্তা দিফেন্স ইন্দস্ত্রীগী য়াম্না পাম্নরগদবা ইকোসিস্তেম অমা লৈরিবসিগী খুদোংচাবা লৌবীহৌনবা ফোংদোকখি।

 

***************



(Release ID: 1667730) Visitor Counter : 43