য়ু.পি.গী বরেলীদা ফমুং ১০০ লৈবা অনৌবা ই.এস.আই.সি. হোসপিতালগী ভুমি পুজন অসি ঙরাং লেবর অমসুং এমপ্লোইমেন্তকী রাজ্য মন্ত্রী (আই./সি.), শ্রী সন্তোশ কুমার গাঙ্গৱারনা পাংথোকখি।

মহাক্না মীয়ামদা ৱা ঙাংবা মতমদা, শ্রী গাঙ্গৱার, বরেলিদগী মেম্বর ওফ পার্লিয়ামেন্ত নিপাল্লক ওইরবা অসিনা কেন্দ্র সরকার, রাজ্য সরকার অমসুং জিলাগী এদমিনিস্ত্রেশনশিংবু মহাক্কী কন্সতিত্বেন্সী অসিগী মীয়ামগীদমক মেদিকেলগী ওইবা মথৌ তারিবা অসিগী মঙলান অদুবু মঙফাওনহনবীবগীদমক্তা মখোয়গী হোৎনজমন অদুগীদমক্তা থাগৎখি অমসুং তৌবীমল খঙবা উৎখি। হোপিতাল অসিনা হৌজিক্তি আই.পি.শিং অমসুং বেনিফিসরীশিংনা ময়োক্নরিবা অৱাবা অদু হৌজিক্তি কোকহল্লগনি, হান্নদি মখোয়না অৱাংবা থাক্কী মেদিকেল ত্রীতমেন্ত তৌনবগীদমক্তা এ.আই.আই.এম.এস., দিল্লী নত্রগা লখনৌদা চৎপা তারম্মি হায়নসু মহাক্না হায়খি। মন্ত্রী অসিনসু লাউথোকখি মদুদি আই.এস.আই.সি. হোসপিতাল অসিগী ফেসিলিতীশিং অসি  য়ামদবা য়ুজর ফী লৌদুনা মীচম প্রজাদা ফংহল্লগনি। মহাক্না মখাতানা হায়খি মদুদি মসিগী হোসপিতাল অসি তুংদা লাক্কদবা মতমদদি মোদেল হোসপিতাল অমা ওইনা ওন্থোক্লগনি।

থৌরম অদুদা লাকখিবা অমসুং ৱা ঙাংখিবা অতোপ্পা দিগ্নিতরীশিং অদুদি দা. উমেশ গৌতম, মেয়র, বরেলি, য়ু.পি., দা. অরুন কুমার, এম.এল.এ., বরেলি, য়ু.পি., দা. দি.সি. বর্মা, এম.এল.এ., মিরগঞ্জ, শ্রী রনৱির প্রসাদ, আই.এ.এস., কমিসনর, বরেলি, শ্রী নিতশ কুমার, আই.এ.এস., দি.এম., দা. কেশৱ অগরৱাল, মেম্বর ই.এস.আই. কোর্পোরেশন অমসুং শ্রিমতি উশা উপথ্যায়, কোর্পোরেতর। ৱাঙাংলোইশিং অদু কেন্দ্রগী মন্ত্রীবু বেরিলি রিজনগী ৱার্করশিং অমসুং অতোপ্পা মীয়ামগী কান্ননবগীদমক্তা মহাক্না হোৎনখিবশিং অদুগীদমক্তা থমোয় শেংনা থাগৎপা ফোংদোকখি। মমাংদা দা. আর.কে. কতেরিয়া, মেদিকেল কমিসনরনা দিগ্নিতরী পুম্নমকপু তরাম্না ওকখি অমসুং ভারত শিনবা থুংনা ৱার্করশিংগীদমক্তা ‘অতল বিমিত ৱ্যক্তি কলয়ান য়োজনা’গী মখাদা কান্নবা ফংহনবসু য়াওনা ই.এস.আই.সি.গী হন্দক্তা পাইখৎলকখিবা খোংথাংশিং অদুগী মতাংদসু ঙাংখি। 

মসিগী হোসপিতাল অসি শাবগী থবক অসি চাউরাক্না লুপা করোর ৯০ চংনা একর ৪.৬৭গী পলোত মফম অমদা তৌরগনি। মসিনা বরেলি অমসুং মনাক নকপদা লৈবা ই.এস.আই.বেনিফিসরী চাউরাক্না লাখ ২দা য়াম্না কান্নগনি। হোসপিতাল অসিদা খ্বাইদগী নৌবা ফেসিলিতীশিং মীং ওইনা পল্লবদা মাইনর ও.তি., রিউসিতেশন রুম, কজ্বেল্তী ৱার্দ, সি.এম.ও. রুম, ফ্রেকচর ক্লিনিক, এক্স-রে, ই.সি.জি., সেমপল কলেক্সন, রেদিয়োলোজী, ও.তি.শিং/আই.সি.য়ি.শিং, ৱার্দশিং।

এমপ্লোয়ীস স্তেত ইন্সুরেন্স কোর্পোরেশন অসি কমপ্রেহেন্সিব ওইবা সোসিয়েল সেক্যুরিতীগী কান্নবা খুদম ওইনা চুনবা মেদিকেল কেয়র অমসুং মথৌ তাবা মতমদা তোঙান-তোঙানবা শেলগী কান্নবশিং খুদম ওইনা এমপ্লোইমেন্তকা মরী লৈননা অসোক-অপন থোকপা, নাবা মতমদা, শিখিবা য়াওবা অসিনচিংবশিং কয়া পীরিবা ইহান-হানবা ওর্গনাইজেশন্নি। ই.এস.আই.এক্ত অসি করিগুম্বদা মীওই ১০ নত্রগা মদুদগী হেনন্না থবক পীবগী প্রেমাইস/প্রেসিঙ্কশিংদা চৎনগনি। থা অমদা লুপা ২১,০০০/- ফাওবগী খুৎশুমল ফংবা এমপ্লোয়ীশিংনা ই.এস.আই. এক্তকী মখাদা হেল্থ ইন্সুরেন্স কোভর অমসুং অতোপ্পা কান্নবশিং লৌবা য়াগনি। ঙসিদি মসিনা ৱার্করশিংগী ফেমিলী য়ুনিৎ করোর ৩.৪৯ ময়া নক্না মসিনা কোভর তৌরি অমসুং হেন্দোক থোইদোকপা শেলগী কান্নবশিং অমসুং বেনিফিসরী করোর ১৩.৫৬তা চুনবা মেদিকেল কেয়রশিং পীরি। ১৯৫২দা, কোর্পোরেশন অসিদা দিসপেন্সরী ২১ লৈরম্মি অদুগা ই.এস.আই. হোসপিতালশিং অমত্তা লৈরমদে। ঙসিদি, মসিগী ইনফ্রাস্ত্রকচর অসি য়াম্না হেনদোক পাথোক্না হেনখ্রে, মসিদা দিসপেন্সরী / আয়ুশ য়ুনিৎ ১৬৪৮ অমসুং ই.এস.আই. হোসপিতাল ১৫৯, ব্রাঞ্চ/পে ওফিস ৭৯৩, দিসপেন্সরী-কম-বর্রাঞ্চ ওফিস ৩৪, রিজনেল অমসুং সব-রিজনেল ওফিস ৬৪। ই.এস.আই.স্কীম অসি ঙসিদি লৈবাক অসিগী  রাজ্য অমসুং য়ুনিয়ন তেরিতোরী ৩৪গী জিলা ৫৬৬দা থবক ওইনা পাইখৎখ্রে।

******