তিলহৌগী মমল হেনগৎপা অসি সেপ্তেম্বরগী অনিশুবা চয়োলদগী উরি, মাংওইননা খোঙথাং কয়া লৌখৎপা তঙাইফদনা লৈরি। তিলহৌগী মমল হেনগৎপা অসি কঞ্জুম্মর এফিয়র্সকী দিপার্তমেন্তনা নুমিৎ খুদিংগী ওইনা দাসবোর্দতা য়াম্না কুপ্না য়েংলি অমসুং হৌজিক লৈরিবা ফিবম অসি ফগৎনবা খুদক্তা খোঙথাং লৌখৎনবগী খংহনখ্রে।

ইসেন্সিএল কোমোদিতিস (এমেন্দমেন্ত) এক্ত, ২০২০গী মতুং ইন্না স্তোক লিমিৎতা মমল হেনবগী অয়াবা পীরি। ভারত পুম্বগী ওইনা তিলহৌগী মমল খেন্নবা অসি মমাং চহীগা য়েংনবদা ২১.১০.২০২০দা ২২.১২% (কিলোদা লুপা ৪৫.৩৩ দগীনা কিলোদা লুপা ৫৫.৬০দা) অমসুং চহী ৫ অসিদা চাংদম্নরগা য়েংবদা চাংচৎতা ১১৪.৯৬% (কিলোদা লুপা ২৫.৮৭ দগীনা কিলোদা লুপা ৫৫.৬০দা) লৈরি। মরম অদুনা মমল অসি চহী মঙা অসিদা চাংদম্নদুনা য়েংবদা ১০০% হেনগৎলি অমসুং মসিনা মমল অসি ই.সি. এক্ত মখাদা য়ৌরে। মরম অসিনা তিলহৌগী স্তোক লিমিৎ অসি ২০২০গী ওক্তোবর ২৩ অসিদগী হোল সেল্লরদা মেত্রীক তোন ২৫ অমসুং রিতেল্লরগীনা মেত্রীক তোন ২ ৩১-১২-২০২০ ফাওবা থম্নবা খংহনখ্রে।

মমল হেনগৎপা অসি হন্থনবা, সরকারনা ইরমদম অসিদা চৎনবা য়াবা মমলদা ফংহন্নবা মপাল লমদা তিলহৌ থাদোকপা অসি ১৪.০৯.২০২০দা অথিংবা থমখ্রে হায়রিবা অসি খারিফ তিলহৌ য়ৌরক্ত্রিবা ফাওবনি। মসিনা রিতেল প্রাইস হেনগৎপা অসিদা খর মখৈদি হন্থহল্লগনি অদুবু নোং য়াম্না কন্না চুবদগী মহারাস্ত্রা, কর্নাতাকা, অন্ধ্র প্রদেশ অমসুং মধ্যা প্রদেশকী তিলহৌ থারিবা দিস্ত্রীক্তশিং অসিগা খারিফকী মহৈ-মরোং মাং তাকপগী পাওদম লৈরি।

মসিগী নোংজু অসি হেনগৎসকপনা তিলহৌগী মমল হেনগৎপগী মচাক অমা ওইরি। হায়রিবা ফিবম অসি লাকশিন্নবা সরকারনা রাবি তিলহৌ-২০২০গী বফর স্তেক্তগী মেত্রীক তোন লাখ ১ লৌদুনা মমাং চহীদগী শরুক অনি হেনগৎলি। হৌজিক্কী ওইনা আসাম সরকার অমসুং কেরলা সরকারনা (হোর্তিকলচর প্রদক্ত দিপার্মেন্ত কোর্পরোসন লিমিতেৎ)না রিতেল দিস্পোজেল মেকানিজমদগী য়েন্থোক্লি। অন্ধ্র প্রদেশ, তেলঙ্গানা অমমসুং লক্ষদ্বীবশু মখোয়না অইবা য়াওনা তিলহৌ থাদোক্লি।

মখা তানা তিলহৌ অসি ওপন মার্কেৎতা য়োন্নবা শেম-শারি। মসিনা মখা তানা মমল হেনগৎপা তানবা খোঙথাং অমা ওইগনি।

খারিফ মহৈ-মরোং মেত্রীক তোন লাখ ৩৭ অসি মান্দিস্তা য়ৌরক্লগনি হায়না পারি মসিনা তিলহৌ মরাং কাইনা ফংনবদা হাপচিনগনি।

মান্দিস অসিদা তিলহৌ ফংহন্নবা হোৎনরিবা অসিদা, সরকারনা ২১.১০.২০২০দা তিলহৌ মপাল লমদগী পুশিল্লক্নবা শিল্লি।

ইন্দিয়ন হায় কম্মিসন্না মরী লৈনবা লৈবাকশিংদা হান্ননা ত্রেদরশিংদা লৈবাক অসিদা তিলহৌ পুশিল্লক্নবা শিন্নদুনা লৈখ্রে। হায়রিবা পুশিল্লক্কদৌরিবা তিলহৌশিং অসি ইন্দিয়াগী হিদাংফম য়ৌরক্লবা মতমদা ফ্যুমিগেসন অমসুং অয়াবা ফংদ্রিবা অসি ইন্দিয়াদা পুশল্লক্লিবাশিং অসিনা ফ্যুমিগেসন তৌগনি। হায়রিবা ফ্যুমিগেসন তৌরবা তিলহৌশিং অসি মমল হেন্না লৌবা তৌদনা থাদোক্কনি হায়রিবা অসি চাননবা খক্তা ওইগনি অমসুং থাননবগী ওইরোই। হায়রিবা কন্সাইন্তমেন্ত অসি চাননবগীদমক্নি হায়রিবা অসি নন-কম্প্লাইন্সগী ফিবমদা পি.ক্যু. ওর্দর, ২০০৩গী মখাদা পুশিল্লকপনি।

লনাইগী ওইনা ত্রেদরশিং অসিনা পুশিল্লকপা অসি নত্তনা, অমুকসু খল্লি মদুদি এম.এম.তি.সি. না তিলহৌ অঙাংবা পুশিল্লক্তুনা অৱাৎপা মেনখৎনবা লেপ্লি।

প্রিবেনসন ওফ ব্লেক মার্কেতিং এন্দ মেন্তেনেন্স ওফ সপ্লাইস ওফ ইসেন্সিএল কোমোদিতি এক্ত, ১৯৮০গী মখাদা থবক লৌখৎতুনা তিলহৌগী লোৎশিনবা অমসুং ব্লেক মার্কেতিং তৌবা থিংগনি।

***