দশেরা লাকপদা ভারতকী উপ-রাস্ত্রপতি শ্রী এম.ভেনকাইয়া নাইদুনা মীয়ামদা য়াইফ-পাউজেল পীখ্রে। মহাক্কী পাউজেল অমদা, দশেরা পাংথোক্লিঙৈ মনুংদা কোবিদ-১৯গী হকশেলগী চৎন-কাংলোনশিং ঙাক্নবা মহাক্না তকশিনখ্রে। 

মখাগী অসি পাউজেলগী মপুংফাবা ৱারোলনি-

 “শেংলবা দশেরা থৌরমদা ঐখোয়গী লৈবাক্কী মীয়াম ঐনা তরাম্না ওকচরি অমসুং ঐগী য়াইফ-পাউজেল পীজরি।

হরাও-তয়াম্না লৈবাক শীনবা থুংনা পাংথোক্লিবা দশেরা কুহ্মৈনা অফবনা ফত্তবা মাইথিবা পীবা ঙম্মী হায়বা অদু উৎলে অমসুং লাইরেম্বী দুর্গানা হিংচাবা মহিষাসুর মাইথিবা পীখিবা অদু হরাওবা ফোঙদোকপনি। কুহ্মৈ অসিনা ঐখোয়দা, ফিদম্নফম ওইরবা মচানুপা অমা, ফিদম্নফম ওইরবা মপুরোইবা অমা অমসুং ফিদম্নফম ওইরবা নিংথৌ অমা অমসুং অচুম্বা অমসুং অফবগী শাইওন অমা ওইরিবা অশেংবা, লাইনিং চেৎপা অমসুং পুকচেল চাউবা পুন্সিনা লমজিংবা ভাগবান রাম নিংশিংহল্লে।

কুহ্মৈ অসিগী শরুক অমা ওইনা তোঙান-তোঙানবা থৌরমশিং হায়বদি দুর্গা পুজা, অয়ুধ পুজা, শামি পুজা, গৌরি পুজা, রবন, বতুকম্মা অমসুং সিরিমনুগী মীতম মৈ থাবা য়াওরি।

দশেরা অসি ইমুং-মনুং অমসুং মরুপ-মপাশিং পুনবা অমসুং হরাওবা ফোঙদোকপা থৌরম অমনি। অদুবু চহি অসি কোবিদ-১৯ লাইচৎনা মরম ওইদুনা, কোবিদ-১৯গী হকশেল অমসুং লু-নান্না লৈনবা চৎন-পথাপশিং ঙাক্তুনা অচম্বা মওং অমদা দশেরা পাংথোক্নবা ঐগী মীয়ামদা ঐনা তকশিল্লি।

কুহ্মৈ অসিনা লৈবাক অসিদা শান্তি, নুংশিন্না হিংমিন্নবা, হকচাং নাদ-য়েক্তবা অমসুং নুংঙাই-য়াইফবা পুরকপা ওইরসনু”।

*******