কেন্দ্রগী রাজ্য মন্ত্রী (ইন্দিপেন্দেন্ত চার্জ) দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংহনা ঙসি জম্মু অমসুং কাশ্মিরগী গ্রীভান্স সিস্তেম অসি সেন্ত্রেল গ্রীভান্স পোর্তেলদা ইন্তিগ্রেৎ তৌখ্রে হায়না ফোঙদোকখ্রে, মসিনা জিলাগী থাক্তা লৈরিবা গ্রীভান্স ওফিসশিং কেন্দ্র সরকারগী পোর্তেল সি.পি.জি.আর.এ.এম.এস. (সেন্ত্রেলাইজ পব্লিক গ্রীভান্স রিদ্রেস এন্দ মোনিতরিং সিস্তেম) দা ইন্তিগ্রেৎ তৌবা অহানবা ভারতকী য়ুনিয়ন তেরিতরী অমা ওইরে।

জম্মু অমসুং কাশ্মিরদা লৈঙাকপগী মেকানিজমশিং অসি মপাঙ্গল কনখৎহন্নবা হোৎনবা ওইনা ওনলাইনদা লাকপা ৱাকৎ কোকহন্নবা গ্রীভান্স পোর্তেল শেমগৎনবা কেন্দ্রগী পর্সনেল মন্ত্রালয়গী দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সে (দি.এ.আর.পি.জি.)কা জে এন্দ কেগী য়ুনিয়ন তেরিতরীগী সরকার অসিগা লোয়ননা খুৎশম্নখ্রে। থা অহুম চংনা মথং-মথং খন্নখ্রবা মতুংদা জম্মু এন্দ কাশ্মির - ইন্তিগ্রেতেদ গ্রীভান্স রিদ্রেস এন্দ মোনিতরিং সিস্তেম (জে.কে.-আই.জি.আর.এ.এম.এস.) অসি জম্মু অমসুং কাশ্মিরগী য়ুনিয়ন তেরিতরীগী জিলাগী থাক্কী লোয়শঙশিং অমসুং সেন্ত্রেল পোর্তেলগা লোয়ননা ইন্তিগ্রেৎ তৌখ্রে।

ভারত সরকারগী পব্লিক গ্রীভান্সেস বিভাগনা জম্মু অমসুং কাশ্মিরগী য়ুনিয়ন তেরিতরীগী সরকার অসিগা লোয়ননা জিলাশিংদা পাইলোৎ ফেজ ইমপ্লিমেন্ত তৌনবা অমসুং কেন্দ্র সরকারগী পোর্তেল সি.পি.জি.আর.এ.এম.এস.গা মখোয়বু ইন্তিগ্রেৎ তৌনবা খুৎশম্নখ্রে হায়না দা. জিতেন্দ্র সিংহনা ফোঙদোকখি।

দিস্ত্রিক্ত পোর্তেলগা রাজ্যগা ইন্তিগ্রেৎ তৌরবা মতুংদা নেস্নেল পোর্তেলগা অমুক ইন্তিগ্রেৎ তৌবগী অহানবা এক্সপেরিমেন্ত অসি মাই পাকপগী ৱারী অমনি হায়না হায়রদুনা দা. জিতেন্দ্র সিংহনা মেকানিজম অসি ভারতকী অতোপ্পা রাজ্যশিং অমসুং য়ুনিয়ন তেরিতরীশিংদসু মতৌ তমলক্কনি হায়না আশা তৌই হায়না ফোঙদোকখি।

*****