প্রাইস মোনিতরিং এন্দ রিসোর্স য়ুনিৎ (পি.এম.আর.য়ু.) অমা গোৱাদা ভারত লৈঙাক্কী কেমিকেল্স অমসুং ফর্তিলাইজর মন্ত্রালয়গী দিপার্তমেন্ত ওফ ফার্মাসিউতিকেল্সকী নেসনেল ফার্মাসিউতিকেল প্রাইসিং ওথোরিতীগী (এন.পি.পি.এ.) মখাদা লিংখৎলে‍।

এন.পি.পি.এ.না গোৱা স্তেত দ্রগ কন্ত্রোল দিপার্তমেন্তকা খুৎশম্নরগা ওক্তোবর ২২, ২০২০দা প্রাইস মোনিতরিং এন্দ রিসোর্স য়ুনিৎ অমা লিংখৎখ্রে‍। পি.এম.আর.য়ু. অসিনা এন.বপি.পি.এ.গা শম্নবা হেনগৎহন্নবগীদমক স্তেত দ্রগ কন্ত্রোলরগী হেক মখাদা স্তেতকী থাক্তা মথৌ তৌগনি‍। পী.এম.আর.য়ু.শিং অসি মখোয় মশাগী মেমোরেন্দম ওফ এসোসিএসন/বাই লোশিং লৈজবা সোসাইতিজ রেজিস্ত্রেসন এক্তকী মখাতা রেজিস্তর তৌরবা সোসাইতীশিংনি‍। পি.এম.আর.য়ু.গী বোর্দ ওফ গভর্নরসতা কেন্দ্র লৈঙাক অমদি মরী লৈনবা স্তেত লৈঙাক অমসুং অতঐ স্তেকহোল্দরশিংগী মীহুৎশিং য়াওরি‍।

এন.পি.পি.এম.না মখোয়গী কঞ্জুমর এৱ্যারনেস, পব্লিসিতী এন্দ প্রাই মোনিতরিং (সি.এ.পি.পি.এম.) কৌবা সেন্ত্রেল সেক্তর স্কিমগী মখাদা স্তে্/য়ু.তি. ১৫দা হায়বদি কেরলা, ওরিসা, গুজরাত, রাজস্থান, হরিয়ানা, নগালেন্দ, ত্রিপুরা, উত্তর প্রদেশ, পঞ্জাব, অন্ধ্র প্রদেশ, মিজোরাম, জম্মু অমসুং কাস্মির, কর্নাতকা, তেলঙ্গনা অমসুং মহারাস্ত্রদা পি.এম.আর.য়ু.শিং হান্ননা লিংখৎখ্রে‍। এন.পি.পি.এ.না লৈবাকসিগী স্তেত/য়ু.তি. ৩৬মক্তা পি.এম.আর.য়ু.শিং লিংখৎনবা থৌরাং তৌরি‍। পি.এম.এম.আর.য়ু.গী রিকরিং অমসুং নন-রিকরিং চাদিংশিং স্কিম অসিগী মখাদা এন.পি.পি.এ.না পুবনি‍।

হৌজিক ফাওবদা এন.পি.পি.এ. দিল্লীদা হেদক্বার্তর ওইবনি অমদি স্তেত/য়ু.তি.শিংদা পি.এম.আর.য়ু.শিং লিংখৎপনা এন.পি.পি.এ.না স্তেতকী থাক্তসু য়ৌশিনবা ঙমহনগনি‍।

পি.এম.আর.য়ু.শিং অসিনা রিজনেলগী থাক্তা দ্রগ ফংহনবা অমদি পু-থাংবা মমলদা ফংহনবগী ফীভম মপাঙ্গল কনখৎহনগনি হায়না থাজরি‍। পি.এম.আর.য়ু.গী মরুওইবা মথৌদি দ্রগ মমল য়েংশিনবা, দ্রগশিং ফংহনবা অমদি শীজিন্নরিবা মীয়ামদা ৱাখল তাহনবগী থবকশিংদা এন.পি.পি.এ.গী মতেং পাংবনি‍। মখোয়না গ্রাস-রুত থাক্তা ঈ-পাউ খোমজিনবগী থৌওংদা এ.পি.পি.এ.গা খুৎশম্ননা চৎমিন্নবা খোঙবু ওইনা থবক তৌগনি‍। মখোয়না এন.পি.পি.এ. অমসুং মরী লৈনবা স্তেত/য়ু.তি.শিংগী স্তেত দ্রগ কন্ত্রোলরশিংদা মলথৌ তাবা তেক্নিকেলগী তেংবাং পীগনি‍।

এন.পি.পি.এ.না কোবিদ-১৯ লাইচৎ মনুংসিদা মেদিকেল ওক্সিজেন য়াওনা ঐচ.সি.ব্যু., পেরাসিতামোল, ভেক্সিন, ইন্সুলিন অমদি কোবিদকী চৎন-পথাপকী মখাদা লৈবা অতৈ হিদাক লাংথকশিং য়াওনা পুন্সি কন্ননবা হিদাক লাংথকশিং অপনবা লৈতনা ফংহন্নগীদমক স্তেত লৈঙাকশিংদা থোং মান্ননা থবক তৌমিন্নখি‍। স্তেত লৈঙাকশিংগা পুন্না থবক তৌমিন্নদুনা এন.পি.পি.এ.না লৈবাক শিনবা থুংনা দ্রগ ৱাৎহন্দনবা থবক পায়খৎখি‍।

****