অঙাঙশিংনা লৈবাক খুদিংমক্কী তুংগী য়ুম্বীনি অমদি অফবা ঈশিং অমসুং মশা নানবা ফীভম পীবা হায়বসি মখোয়না চাউখৎলক্নবা অমদি মায়কৈ খুদিংমক্তা চাওখৎলক্নবগী তঙাইফদবনি‍। জল শক্তি মন্ত্রালয়না প্রধান মন্ত্রী শ্রী নরেন্দ্র মোদীগী মংলান্দা য়ুম্ফম ওইদুনা অমদি য়াথং ইন্দুনা লৈবাক শিনবা থুংনা লৈরিবা মহৈ তম্ফমশঙ অমসুং অঙ্গনৱাদি খুদিংমক্তা অফবা থক্নবা ঈশিং পীননবগীদমক ওক্তোবর ২, ২০২০দা নুমিৎ-১০০গী ওইবা কেম্পেন অমা হৌদোকখি‍। জম্মু অমসুং কাস্মিরগী য়ুনিয়ন তেরিতরীনা মহৈ তম্ফমশঙশিং হাংদোরকপা মতমদা অঙাঙশিংদা অফবা থক্নবা, খুৎ-শা হাম্নবা অমদি মপান ইপান থোকফমদা শীজিন্নবা ফংহন্নবগীদমক কেম্পেন মতম মনুংদা হায়রিবা ইন্সতিত্যুসন খুদিংমক্তা অফবা ঈশিং ফংহন্দুনা প্রধান মন্ত্রীগী মংলান মংফাওনহন্নবা থৌরাং লৌখৎলি‍।

স্তেত/য়ু.তি.শিংদা জল জীবন মিসন (জে.জে.এম.) পায়খৎলিবগী খোঙজেল য়েংশিন্নবগীদমক জল শক্তি মন্ত্রালয়গী নেসনেল জল জীবন মিসন কাঙবুনা স্তেত অমসুং য়ু.তি. খুদিংমক্কী চহি তঙ্খায় চল্লকপগী য়েংশিনবগী থবক অমা ভিদিও কন্ফরেন্সিংগী খুত্থাঙদা পায়খত্তুনাস্তে্/য়ু.তি.শিংনা মখোয়গী খুঙ্গঙগী য়ুমথোঙশিংদা তোতি ঈশিং শম্বগী পায়খৎলিবা থৌরাংগী হৌজিক ওইরিবা ফীভমগা লোয়ননা লৈরিবা ইন্সতিত্যুসনেল মেকানিজম অমদি পুম্নমক কোনশিন্নবা লৌখৎকদৌরিবা খোঙথাঙশিংগী মতাঙদা পাউদমখি‍। জম্মু অমসুং কাস্মিরনা ঙসি য়ুনিয়ন তেরিতরী অদুদা জে.জে.এম. পায়খৎপগী লৈরিবা খোঙজেল পুখৎলকখি‍।

জম্মু অমসুং কাস্মির য়ুনিয়ন তেরিতরীদা য়ুমথোঙ লাখ ১৮.১৭ লৈ, মসিগী মনুংদা লাখ ৮.৩৮ (চাদা ৪৬) হান্ননা তোতি ঈশিং শমখ্রে‍। য়ু.তি. অসিদা চৎলিবা শেনবা চহিসিগী ওইনা জে.জে.এম.গী মখাতা কেন্দ্রগী চাকথুং ওইনা লুপা করোর ৬৮১.৭৭গী শেন্ফম কাইথোকখি‍। য়ু.তি. অসিনা মখোয়গী চঙশিল্লিবা থবক অমদি শেলথুম শীজিন্নবগী ফীভমগী মতুং ইন্না অহেনবা শেন্ফম ফংবা য়াগনি‍। য়ু.তি. অসিনা লৈবাক্কী পান্দম ২০২৩-২৪গী মাঙওইননা দিসেম্বর ২০২২ ফাওবগী মনুংদা চাদা ১০০ কোনশিন্নবা থৌরাং য়াৎলি‍। অসুম্না তৌবনা জম্মু অমসুং কাস্মিরনা খুঙ্গঙগী য়ুমথোঙ খুদিংদা তোতি ঈশিং পীবগী ৱাখল চাউরবা পান্দম অসি ফংবগী মাঙজিন থাবা খুদম অমা ওইরগনি‍।

জম্মু অমসুং কাস্মিরনা খুঙ্গঙ ৪,০৩৮কী ভিলেজ এক্সন প্লান (ভি.এ.পি.) শেমবা লোইশিল্লে‍। ভি.এ.পি.দা ঈশিংগী হৌরকফম ফীভম ফগৎহনবা, ঈশিং পীবা, অমোৎপা ঈশিং মেনেজ তৌবা অমদি চলাইবা অমসুং য়েংশিনবনচিংবা মচাকশিং য়াওরি‍। খ্বাইদগী নেমবা থাক্তা হায়বদি খুঙ্গঙ/গ্রাম পঞ্চায়তকী থাক্তা ঈশিংগী হৌরকফম ফগৎহনবা, ঈশিং লোকশিনবা, ঈশিং তুংফমদা চিশিনবা, ঈশিং শেংদোকপা অমদি অমোৎপা ঈশিং মেনেজ তৌবনচিংবশিংগী কনভর্জেন্স প্লান্নিং পায়খৎকনি অমদি মসিগীদমক শেন মরম চানা শীজিন্ননবা এম.জি.এন.আর.জি.এস., পি.আর.আই.শিংগী ১৫শুবা ফাইনান্স কম্মিসন গ্রান্ত, এস.বি.এম. (জি.), সি.এস.আর. ফন্দ, লোকেল এরিয়া দেভেলপমেন্ত ফন্দনচিংবশিংদগী মচাক মথুম লৌগনি‍।

খুঙ্গঙগী মফমশিংদা থক্নবা অফবা ঈশিং ফংহন্নবগীদমক ৱাতর সপ্লাই সিস্তেমশিং মতম শাংনা চৎহন্নবা ৱাতর সপ্লাই সিস্তেমগী থৌরাং য়াৎপা, থবক পায়খৎবা, য়েংশিনবা, চলাইবা অমদি শেম শাবগী থবকশিংদা খুঙ্গঙগী মীওইশিং/ গ্রাম পঞ্চায়ত অমদি মখোয়গী সব-কম্মিতী/ শীজিন্নরিবা কাঙবুশিং য়াওহন্নবগীদমক ভিলেজ ৱাতর এন্দ সেনিতেসন কম্মিতীশিং শেম্ননবা ৱাফম থমখি‍। য়ু.তি. অসিদা গ্রাম পঞ্চায়তকী থৌমীশিং লোয়ন-লোয়ননা অতৈ স্তেকহোল্দরশিংগী কেপাসিতী হেনগৎহন্নবা ত্রেনিং শীন্ননবা অমদি ৱাতর সপ্লাই সিস্তেমগী থবক পায়খৎপদা অমদি চলাইবা অমসুং শেম শাবগী থবক্তা য়াম্না মতেং ওইনগদবা নীংথিনা ত্রেন তৌরবা মীওই কাঙলূপশিং খুঙ্গঙগী থাক্তা শেমগৎনবা খুঙ্গঙশিংদা স্কিল দেভেলপমেন্ত ত্রেনিং পীবদা মীৎয়েঙ চঙনবা ৱাফম থমখি‍।

*****