লেবর অমসুং ইম্প্লোইমেন্ত মন্ত্রালয়
অরুনাচল প্রদেশতা ই.এস.আই. স্কিম য়ৌহনবা
Posted On:
23 OCT 2020 3:21PM by PIB Imphal
ই.এস.আই. স্কিমগী মখাদা অহেনবা শিন্মীশিং কোনশিন্নবগী থৌরাংগী মনুং চন্না ভারত লৈঙাক্না অহানবা ওইনা অরুনাচল প্রদেশতা এম্প্লোয়ীজ’ স্তেত ইন্স্যুরেন্স (ই.এস.আই.) স্কিম নবেম্বর ১, ২০২০দগী হৌনা য়ৌহল্লে। মসিগী মতাঙদা পাপুম পারেবু ই.এস.আই. স্কিমগী মখাদা লাউথোক্নবগীদমক কেন্দ্র লৈঙাক্না খঙহন-চেরোল অমা থোকখ্রে।
অরুনাচল প্রদেশকী পাপুম পারে দিস্ত্রিক্তা লৈবা মীওই ১০ নৎত্রগা হেনববু থবক পীরিবা ফেক্তরী পুম্নমক ই.এস.আই. এক্ত, ১৯৪৮কী মখাদা কোনশিনবা য়াগনি। ই.এস.আই. স্কিমগী মখাদা ওনলাইন রেজিস্ত্রেসন তৌনবগী খুদোংচাবা ক ৱেবসাইত্তা অমদি ভারত লৈঙাক্কী লেবর অমসুং এমপ্লোইমেন্ত মন্ত্রালয়গী “শ্রম সুবিধা পোর্তেল”দসু ফংগনি। ই.এস.আঋই. এক্তকী মখাদা চে চাং অমত্তা থাজিনবগী মথৌ তারোই। হায়রিবা ফেক্তরীশিং অসিদা থবক তৌরিবা থাদা লুপা ২১,০০০ (শোইনাইবা মীওইশিংগীনি থাদা লিশিং ২৫) ফাওবগী চাংদা খুৎশুমল ফংবা শিন্মীশিং ই.এস.আই. স্কিমগী মখাদা কোনশিনবা য়াগনি।
কোনশিল্লবা শিন্মীশিং অমসুং মখোয়গী মপান তাংলিবশিং কেসলেস মেদিকেল কেয়র সর্ভিসশিং, সিক্নেস বেনিফিৎ, মেতর্নিতী বেনিফিৎ, থবক্তা শোক্তুনা শিবা-নাবা য়াওবা মতমদা এমপ্লোইমেন্ত ইঞ্জুরী বেনিফিৎ অমসুং দিপেন্দেন্ত বেনিফিৎ, অনএমপ্লোইমেন্ত বেনিফিৎনচিংবা কান্নবা কয়া লৌনবগী খুদোংচাবা ফংগনি। অনা-লাইয়েংগী থৌরাং ইতানগরদা তৌনা হাংদোকপা দিস্পেন্সরী কম ব্রাঞ্চ ওফিস (দি.সি.বি.ও.)গী খুত্থাঙদা চত্থরি।
ভারত্তা ই.এস.আই. স্কিম
এমপ্লোয়ীজ স্তেত ইন্স্যুরেন্স কোর্পোরেসন অসি শিন্মীশিংনা শোকপা, নারকপা অমদি লৈতবনচিংবা য়াওরকপদা মথৌ তারকপদা মরম চাবা অনা লাইয়েং পীবা অমদি তোঙান তোঙানবা মখলগী শেলগী কান্নবা কয়ানচিংবা শুপচিল্লবা সোসিএল সিক্যুরিতী বেনিফিৎশিং পীরিবা মাঙজিন থাবা সোসিএল সিক্যুরিতী ওর্গনাইজেসন অমনি। মসিনা শিন্মীশিংগী ইমুং মনুং করোর ৩.৪৯ কোনশিন্দুনা মখোয়গী বেনিফিসিয়রী করোর ১৩.৫৬দা মপা লৈত্রবা শেলগী কান্নবশিং অমদি মরম চাবা লাইয়েংগী খুদোংচাবশিং পীরি। ঙসি, মখোয়গী ইনফ্রাস্ত্রকুচরশিং দিস্পেন্সরী (মোবাইল দিস্পেন্সরী য়াওনা) ১৫২০/ আই.এস.এম. য়ুনিৎ ৩০৭ অমসুং ই.এস.আই. হোস্পিতাল ১৫৯, ব্রাঞ্চ/পে ওিস ৭৯৩ অমদি রিজনেল অমসুং সব-রিজনেল ওফিস ৬৪ লৈদুনা মশীং য়াম্না হেনগৎলে। ই.এস.আই. স্কিম ঙসিদি লক্সদ্বীপ নত্তনা রাজ্য অমসুং য়ুনিয়ন তেরিতরী পুম্নমক্তা দিস্ত্রিক্ত ৫৬৮দা চৎনরি।
তোঙান তোঙানবা কান্নবশিংগী মথক্তা ই.এস.আই. স্কিমগী মখাদা কোনশিনবা শিন্মীশিং থবক ফংদবগী এলাৱেন্স ফংবসু য়াই। থবক ফংদবগী এলাৱেন্স স্কিম অনি মমীং ওইনা অতল বীমিত ব্যক্তি কল্য়ান য়োজনা (এ.বি.ভি.কে.ৱাই.) অমদি রজিব গান্ধী শ্রামিক কল্য়ান য়োজনা (আর.জি.এস.কে.ৱাই.) লৈ।
*****
(Release ID: 1667098)
Visitor Counter : 187