এল. এন্দ ই.গী সেক্রেতরী শ্রী অপুর্ভা চন্দ্র অমসুং সিনিয়র লেবর এন্দ ইমপ্লোইমেন্ত এদভাইজর অমসুং লেবর ব্যুরোগী দিরেক্তর জেনরেলগী শ্রী দি.পি.এস. নেগী য়াওদুনা লেবর এন্দ ইমপ্লোইমেন্তগী রাজ্য মন্ত্রী (আই/সি) শ্রী সন্তোশ কুমার গঙ্গৱারনা লেবর এন্দ ইমপ্লোইমেন্ত মন্ত্রালয়দা এতেচ তৌবা ওফিস অমা ওইরিবা লেবর ব্যুরোনা শেম্লিবা বেজ ইয়র ২০১৬গী কঞ্জুমর প্রাইস ইন্দেক্স ফোর ইন্দস্ত্রীএল ৱার্কর (সি.পি.আই.-আই.দবল্যু.)গী অনৌবা সিরিজ ফোঙখ্রে। বেজ ২০১৬=১০০ ওইবা সি.পি.আই.(আই.দবল্যু.)গী অনৌবা সিরিজ অসিনা হৌজিক লৈরিবা বেজ ২০০১=১০০গী সিরিজ অসিগী মহুৎ শিল্লগনি।

রিবিজন তৌদ্রিঙৈ মমাংদা সিরিজশিং অসিসু লেবর ব্যুরো লিংখৎখিবদগী হৌরগা ১৯৪৪দগী ১৯৪৯; ১৯৪৯দগী ১৯৬০; ১৯৬০দগী ১৯৮২ অমসুং ১৯৮২দগী ২০০১ ফাওবা শেমদোকখি।

হিরম অসিদা কেন্দ্রগী লেবর মন্ত্রীনা হায়খি তার্গেৎ পোপুলেসনগী খ্বাইদগী নৌবা কঞ্জুম্পসন পেত্তর্ন য়াওরিবা অনৌবা বেজকী শেমদোক্লবা সি.পি.আই.-আই.দবল্যু. অসিনা তুংদা ৱার্করশিংগী য়াইফবা পুরক্কনি হায়না কেন্দ্রগী লেবর মন্ত্রীনা ফোঙদোকখি।

শ্রী গঙ্গৱারনা হায়খি ভারতকী শেন্মীৎলোনগী মেক্রোইকনোমিক ইন্দিকেতরশিং ওনবদা মসিনা মতেং পাংগনি। মহাক্না হায়খি ইন্তরনেস্নেলগী স্তেন্দর্দশিং হাপলগা ফগৎহনবা অসিনা মসিবু মালেমগী থাক্কা চংদম্নবা য়াহনগনি।

মন্ত্রীনা লেবর ব্যুরোগী মখোয়গী মথৌ মশক খঙবা অমসুং থোইদোক হেন্দোকপা থৌদাং লৌবনা মরম ওইরগা অপদেৎ তৌরবা সি.পি.আই.(আই.দবল্যু.)গী সিরিজ অসি ফোঙবা ঙমহনখিবা অসিবু থাগৎখি। হোৎনরিবশিং অসিবু থাগৎলদুনা মন্ত্রীনা হায়খি পোলিসী শেম্বা মতমদা লেবরগী হিরম পুম্নমক্কী দেতা অসি ইনপুৎ ওইনা শীজিন্নৈ অমসুং মসিনা লেবর অমসুং প্রাইস স্তেতিস্তিক্সকীদমক লৈরিবা লেবর ব্যুরোগুম্বা ওর্গনাইজেসন অমা লৈবগী কান্নবা অদু উৎলি। তুংদা লাক্কদৌরিবা মতমশিংদা দেতাগী কান্নবা হেনগৎলক্কদবা লোয়ননা ভারত অসি লেবর মরাং কায়না লৈবা লৈবাক অমা ওইবা অনি অসি পুল্লগা লেবর অমসুং প্রাইস স্তেতিসতিক্সগীদমক্তা লৈরিবা ওর্গনাইজেসন অমা ওইরিবা লেবর ব্যুরোগী মগুন হেনগৎপা হেল্লক্লি।

হিরম পুম্নমক্তা লেবর ব্যুরোনা অফবা খোঙথাংশিং লৌখৎলি হায়না শ্রী গঙ্গৱারনা মীদিয়া পর্সনশিংদা পাউদমখি। ১৯২০দা লিংখৎখিবা অসিনা ক্বালিতী লৈবা লেবর স্তেতিস্তিক্স পুথোকখিবগী শীংথানিংঙাই ওইরবা পুৱারী লৈজৈ। লিংখৎখিবা চহি ১০০গী মতুংদা মথৌ তারিবা লোগো অমা লোঞ্চ তৌখিবদগী হৌরগা অনৌবা বিল্দিংদা হোংজনবা ফাওবগী খোঙচৎ অসিদা হৌজিক্তি লেবর ব্যুরোনা সি.পি.আই. (আই.দবল্যু.)গী অনৌবা সিরিজ অসিসু ফোঙবা ঙমখ্রে।

শ্রী অপুর্ভা চন্দ্রনা হায়খি লেবর ব্যুরোনা প্রোফেস্নেলশিং অমসুং নন-ফোর্মেল ত্রান্সপোর্ত সেক্তর, মাইগ্রেন্ত ৱার্করশিং অমসুং দোমেস্তিক ৱার্করশিংগী ওইবা ইমপ্লোইমেন্তগী অচৌবা সর্ভে অহুম পাইখৎখ্রে। হন্দক্তা নৌনা প্রপোজ তৌখিবা লেবর কোদ মরিগী দেতা খোমগৎপগী থবক অসিসু লেবর ব্যুরোদা শিন্নখি হায়না মহাক্না ফোঙদোকখি। তুংদা পাঙথোক্কদবা থবক থৌরমশিংদা লেবর ব্যুরোবু অঙম্বা থাক্তা মতেং পাংগনি হায়না সেক্রেতরীনা থাজবা পীখি।

“কঞ্জুমর প্রাইস ইন্দেক্স ফোর ইন্দস্ত্রীএল ৱার্কর্স (বেজ ২০১৬=১০০)কী অনৌবা সিরিজ”কী রিপোর্ত অসিনা সি.পি.আই.-আই.দবল্যু.গী ২০১৬না বেজ ইয়র ওইবা অনৌবা সিরিজ অসিগা মরী লৈনবা ৱাখল্লোনশিং, ৱাহন্থোকশিং অমসুং থৌওংগী মতাংদা লৌশিং পীগদবা মরু ওইবা পব্লিকেসন অমা ওইরগনি। মসিনা রিসর্চরশিং, একাদেমিসিয়নশিং, স্কোলরশিং অমসুং সি.পি.আই.-আই.দবল্যু.গী অতোপ্পা স্তেকহোল্দর পুম্নমক্তা য়াম্না কান্নরবা রিফরেন্স ওইনা শীজিন্ননবা লাইরিক ওইরগনি। ইন্তরনেস্নেল লেবর ওর্গনাইজেসন (আই.এল.ও.), ইন্দেক্স রিভ্যু কম্মিতী (আই.আর.সি.) অমসুং নেস্নেল স্তেতিস্তিকেল কম্মিসন (এন.এস.সি.)গী রিকম্মেন্দেসনশিংগী মতুং ইন্না কঞ্জুমরশিংগী কঞ্জুম্পসন পেত্তর্নদা হোংলক্লিবা অদু খঙবা ঙম্নবা প্রাইস ইন্দেক্সকী মশিংশিংগী বেজ ইয়র অসি চহি ১০দগী হেন্দনা তাঙ্কক নায়না তোয়না শেমদোক্কদবনি। আই.এল.ও.গী খ্বাইদগী ফবা মালেমগী থাক্কী পাম্বৈশিং অমসুং গাইদলাইনশিংগী মতুং ইন্না সি.পি.আই.-আই.দবল্যু. অসি কম্পাইল তৌই।

শ্রী গঙ্গৱারনা ২০২০গী সেপ্তেম্বর থাগী বেজ ইয়র ২০১৬ ওইবা অহানবা ইন্দেক্সসু ফোঙখ্রে। ইন্দেক্স অসি সেন্তর ৮৮ অমসুং ভারত পুম্বগী ওইনা কম্পাইল তৌখি। ভারত পুম্বগী ২০২০গী সেপ্তেম্বর থাগী ইন্দেক্স অসি ১১৮কী লেবেলদা লৈ অমসুং বেজ ২০০১=১০০গী হান্নগী সিরিজ অসিদা অনৌবা সিরিজ অসি ওন্থোকপগী লিঙ্কিং ফেক্তর অসি ২.৮৮ ওই।

সি.পি.আই.-আই.দবল্যু.(২০১৬=১০০) সিরিজ অসিনা সি.পি.আই.-আই.দবল্যু.(২০০১=১০০) সিরিজকী মহুৎ শিনখ্রে। অনৌবা সিরিজ অসিনা করেক্তরদা হেন্না ময়েক শেংবা হেল্লী অমসুং ইন্দস্ত্রীএল ৱার্করশিংগী খ্বাইদগী নৌবা কঞ্জুম্পসন পেত্তর্ন অদু তাক্লি।

অরিবা সি.পি.আই.-আই.দবল্যু.(২০০১=১০০)গী মহুৎ ওইদুনা সি.পি.আই.-আই.দবল্যু.(২০১৬=১০০)গী অনৌবা সিরিজ অসিদা মরু ওইনা শেমদোকখিবা খরগী মতাংদা শ্রী গঙ্গৱারনা ফোঙদোকখিবা অদু মখাদা পীরি:

• ২০০১গী সিরিজতা সেন্তর ৭৮ কোনশিল্লম্বা অদু ২০১৬কী সিরিজ অসিদা পুন্না সেন্তর ৮৮ কোনশিনখ্রে
• ৱেগিং দাইগ্রামশিংদা য়ুম্ফম ওইবা ৱার্কিং ক্লাস ফেমিলী ইনকম অমসুং এক্সপেন্দিচর সর্ভে পাঙথোকপী সেম্পলগী সাইজ অসি ২০০১ সিরিজতা ৪১০৪০ ওইরম্বদগী ইমুং ৪৮৩৮৪দা হেনগৎখ্রে।
• ২০০১ সিরিজতা কৈথেল ২৮৯ কোনশিল্লম্বদগী ২০১৬কী সিরিজকী মখাদা রিতেল প্রাইস দেতা খোমগৎপগী খনগৎলবা কৈথেলশিংগী মশিং অসি কৈথেল ৩১৭দা হেনগৎখ্রে।
• ২০০১গী সিরিজতা আইতেম ৩৯২ ওইরম্বদগী ইন্দেক্স বাস্কেৎতা হকথেংননা হাপ্পা আইতেমশিংগী মশিং অসি আইতেম ৪৬৩দা হেনগৎখ্রে।
• ২০০১গী সিরিজতা রাজ্যশিং/য়ু.তি.শিংগী মশিং ২৫ ওইরম্বা অদু ২০১৬কী সিরিজতা ২৮দা হেনগৎখ্রে।
• স্তেতিস্তিক্স ওফ প্রাইসেস এন্দ কোস্ত ওফ লিবিং (এস.পি.সি.এল.)দা তেক্নিকেল এদভাইজরী কম্মিতী (তি.এ.সি.)গী য়াথংগী মতুং ইন্না ২০০১গী সিরিজতা অরিথমেতিক মীন শীজিন্নদুনা ইন্দেক্সশিং কম্পাইল তৌরম্বা অদু অনৌবা সিরিজ অসিদদি জিওমেত্রিক মীন্দা য়ুম্ফম ওইবা মেথোদোলোজী (প্রাইস রিলেতিবশিংগী জি.এম.) অসি শীজিনহল্লি।

মমাংগী সিরিজকা (১৯৮২ অমসুং ২০০১) চাংদম্নবা মতমদা অনৌবা সিরিজ অসিদা গ্রুপ লেবেল ৱেৎশিং অসি হোংলে। ফুদ অমসুং বিবরেজশিংগী ৱেৎ অসি মতমগী মতুং ইন্না হন্থখ্রে অমরোমদা মিসিলেনস গ্রুপকী ৱাৎ (হেল্থ; এজুকেস এন্দ রিক্রীএসন; ত্রান্সপোর্ত এন্দ কম্ম্যূনিকেসন; পর্সনেল ক্যের এন্দ ইফেক্ত; হাউসহোল্দ গুদস এন্দ সর্ভিসেস অসিনচিংবা) অসি মমাংগী সিরিজকা য়েংনবা মতমদা ২০১৬কী সিরিজ অসিদা চাউনা হেনগৎখ্রে। মতমগী মতুং ইন্না হাউসিং গ্রুপকী ৱেৎ অসিদা সিয়র হেনগৎলকপগী রিপোর্ত তৌরকখি।

২০২০গী সেপ্তেম্বর থাগী গ্রুপ-ৱাইজ ইন্দেক্স অসিদা অনৌবা রিজিস অসিগী ওইনা হাউসিং গ্রুপতা পোইন্ত ১১৩ দগী পান, সুপারি, তোবেকো এন্দ ইন্তোক্সিকেন্ত গ্রুপকী পোইন্ত ১৩২ খেৎনরি।

সি.পি.আই.-আই.দবল্যু.(২০০১=১০০)গী অরিবা সিরিজ অসিদা অনৌবা সিরিজ অসিগী লিঙ্কিং ফেক্তর অসি ২.৮৮ ওই হায়না লেবর ব্যুরোগী দিরেক্তর জেনরেল শ্রী দি.পি.এস. নেগীনা হায়খি । সিরিজ অনিমক্কী মরক্তা কম্মন সেন্তর ৬৫ লৈ অমসুং কম্মন সেন্তরশিংগী লিঙ্কিং ফেক্তরগী রেঞ্জশিং অসি দুম-দুমা তিন্সুকিয়াগী ২.৩৮ ওইবদগী নাগপুরগী ৩.৩০ ফাওবা ওই।

শ্রী নেগীনা হায়খি ২০২০গী সেপ্তম্বর থাগী ভারত পুম্বগী কঞ্জুমর প্রাইস ইন্দেক্স নম্বর্স ফোর ইন্দস্ত্রীএল ৱার্কর্স (সি.পি.আই.-আই.দবল্যু.) অসি অনৌবা বেজ ২০১৬=১০০দা ফোঙখি। অনৌবা বেজকী সেপ্তেম্বর ২০২০গী অহানবা ইন্দেক্স অসি লেবেল ১১৮দা লৈরি অমসুং বেজ ২০০১=১০০গী হান্নগী সিরিজ অসিদা অনৌবা সিরিজ অসি ওন্থোকপগী লিঙ্কিং ফেক্তর অসি ২.৮৮ ওই।

অনৌবা সিরিজ অসিনা স্কোপ হেল্লি অমসুং পর্সপেক্তিব চাউথোরকই। হান্নগী সিরিজতা সেন্তর ৭৮ কোনশিল্লম্বা অদু হৌজিক সেন্তর ৮৮ ওইরে। হান্নগী অরিবা সিরিজতা কৈথেল ২৮৯ কোন্দুনা আইতেম ৩৯২ গী রিতেল কঞ্জুমর প্রাইসশিং খোমলম্বা অদু হৌজিক্তি কৈথেলগী মশিং ৩১৭দা হেনগৎতুনা আইতেম ৪৬৩গী খোম্লি মসিনা করেক্তরদা হেন্না ময়েক শেংবা হেল্লী অমসুং তার্গেৎ পোপুলেসনগী হায়বদি ইন্দস্ত্রীএল ৱার্করশিংগী খ্বাইদগী নৌবা কঞ্জুম্পসন পেত্তর্ন অদু তাক্লি।

মমাংশিংগা মান্নদনা অনৌবা সিরিজ অসিগী অচৌবা ফগৎলকপা অমা ওইনা চপ মান্নবা সর্ভে বেজ ইয়র অমসুং প্রাইস বেজ লৈ। মসি মমাংদা অমুক্তা তৌখিদ্রিবগুম খ্বাইদগী অতেনবা মতম চহি ৪দসু ফোঙখি। 

স্তেতিস্তিক্স ওফ প্রাইসেস এন্দ কোস্ত ওফ লিবিংগী তেক্নিকেল এদভাইজরী কম্মিতী (তি.এ.সি. অমসুং এস.পি.সি.এল.)না অনৌবা সিরিজ অসি অয়াবা পীখ্রে।

সি.পি.আই.-আই.দবল্যু. অসি ফাইনান্সিএল ইম্প্লিকেসনশিং লৈবা খ্বাইদগী মরুওইবা প্রাইস স্তেতিস্তিক্স অমখকনি। মসি মরুওইনা সরকারগী কর্মচারীশিং অমসুং ইন্দস্ত্রীএল সেক্তরশিংদা লৈবা শিন্মীশিংগী দিয়র্নেস এলাৱেন্স পীবদা শীজিন্নৈ। মসিনা রিতেল প্রাইসশিংগী ইনফ্লেসন য়েংশিনবা খক্তা নত্তনা সেদ্যুল কর্মচারীশিংগী মিনিমম ৱেজেজশিং লেপ্পা অমসুং য়েংশিনবদসু শিজিন্নৈ।    

২০২০ ওক্তোবর থাগী সি.পি.আই.-আই.দবল্যু.গী মথংগী ইসু অসি ২০২০গী নোবেম্বর ২৭তা ফোঙগনি। হায়রিবা অসি ওফিসকী ৱেবসাইৎ www.labourbureaunew.gov.inদসু ফংগনি।

*****