نئی دہلی،  22  اکتوبر 2020،         

جل شکتی کی وزارت کے پینے کے پانی اور صفائی ستھرائی  کے محکمے کا نیشنل  جل جیون مشن  تمام ریاستوں اور مرکز کے زیر انتظام خطوں  کے ذریعہ مرکزی حکومت کے اہم پروگرام جل جیون مشن (جے جے ایم)  کے تحت  یونیورسل کوریج کا مقصد حاصل کرنے کے لئے  تمام ریاستوں اور  مرکز کے زیر انتظام خطوں کے  کام کاج کاجائزہ لے رہا ہے۔ اس  جے جے ایم کا مقصد  سال 2024 تک ملک کے ہر ایک دیہی گھر میں ٹیب پانی کا کنکشن فراہم کرانا ہے۔اس سلسلے  میں  ویڈیو کانفرنسنگ کے ذریعہ سال کے وسط  کا جائزہ جاری ہے۔ ریاستیں / مرکز کے زیر انتظام خطے  دیہی گھروں کو ٹیب پانی کے کنکشن  فراہم کرانے  کے کام کی صورتحال کے ساتھ ساتھ  اس کے لئے  لگائے گئے ادارہ جاتی میکانزم  اور  جے جے ایم کے تحت  یونیورسل کوریج کو یقینی بنانے کے لئے  آئندہ  پروگراموں  کا خاکہ پیش کررہے ہیں۔

آج تریپورہ نے نیشنل جل جیون مشن کے سامنے اپنے وسط مدتی کام کاج  کی تفصیلات پیش کیں۔ تریپورہ میں تقریباً8.01 لاکھ گھر ہیں، جن میں سے  1.16 (14 فیصد)  گھروں میں  ٹیب پانی کا کنکش موجود ہے۔ ریاست کا سال2023 تک تمام گھروں میں  100 فیصد ٹیب کنکشن فراہم کرانے کا منصوبہ ہے۔ ریاست کے پاس پانی کی سپلائی کا اچھا بنیادی ڈھانچہ  بھی موجود ہے اور  1178 گاوؤں میں  پانی کی سپلائی  کی اسکیمیں موجود ہیں۔ ریاست کا نشا نہ  سال 21۔2020 میں ت3.20 ٹیب پانی کے کنکشن فراہم کرانے کا ہے۔ اور اب تک 44000 کنکشن فراہم کرائے جاچکے ہیں۔ ریاست نومبر سے شروع  ہونے والی مدت کے دوران   ہر ماہ 50000 ٹیب کنکشن فراہم کرائے گی اور اس طرح وہ 1500 ٹیب کنکشن یومیہ فراہم کرائے گی۔ سال 21۔2020 میں ریاست کا منصوبہ 277 ’ہر گھر جل ‘ گاؤں اور 12  ’ہر گھر جل‘ بلاکوں  کا  نشانہ پورا کرنے کا ہے۔

ریاست کے تمام 1178 گاؤوں میں  ولیج واٹر اینڈ سنیٹیشن کمیٹی  (وی ڈبلیو ایس سی) قائم کی گئی ہیں ۔ 250 گاؤوں نے  مشن کے کام کو نافذ کرنے کے لئے  اپنے ولیج ایکشن پلان مکمل کرلئے ہیں، جن میں  وسیلے کو مضبوط کرنا،  پانی کی سپلائی کا بنیادی ڈھانچہ  گرے واٹر منیجمنٹ اور  اس نظام کو چلانا اور اس کا رکھ رکھاؤ شامل ہے۔  رضاکار تنظیموں، این جی اوز ، خواتین کے اپنی مدد آپ گروپوں کو  پانی کے سپلائی کے نظام  کا منصوبہ تیار کرنے ، اسے نافذ کرنے ، چلانے اور  اس کے رکھ رکھاؤ کے لئے  مقامی  لوگوں کی شرکت کے لئے نفاذ  میں مدد کرنے والی ایجنسیوں  (آئی ایس اے) کے طور پر  شامل کرنے پر زور دیا گیا۔ ریاست سے گرام پنچایت  کے کارکنوں اور دیگر متعلقین کی  صلاحیت سازی کے لئے تربیتی پروگرام چلانے  اور  دیہی سطح پر  تربیت یافتہ انسانی وسائل کا ایک پول تیار کرنے کے لئے گاؤوں میں ہنر مندی کی ترقی  کی تربیت پر توجہ مرکوز کرنے کے لئے  کہا گیا، جس سے  نفاذ کے ساتھ ساتھ پانی کی سپلائی کے نظام کے  چلانے اور رکھ رکھاؤ کرنے میں بھی بہت مدد ملے گی۔ ریاست کو مشورہ دیا گیا کہ وہ  پینے کے پانی کے وسائل کی ضروری کیمیکل ٹیسٹنگ اور  بیکٹیریو لوجیکل ٹسٹنگ کرائے۔

ریاست   ہر ایک آنگن باڑی سینٹر ، اسکول اور  آشرم شالہ  (قبائلی رہائشی اسکول)  کو 2 اکتوبر 2020 کو شروع کئی گئی 100 دن کی مہم  کے مینڈیٹ کے مطابق  پائپ کے ذریعہ پانی کی سپلائی  فراہم کرانے  کے  لئے متعلقہ محکموں  کو  بھی حساس بنا رہی ہے۔

 سال 21۔2020 میں تریپورہ  کے  پاس ابتدائی بقایہ رقم 136.46 کروڑ روپے  تھی اور  اس کو جل جیون مشن کے نفاذ کے لئے 156.61 کروڑ روپے مختص کئے گئے ہیں۔ سال 21۔2020 میں 17.74 کروڑ روپے جاری کئے گئے ۔ اس طرح ریاست کے پاس مجموعی دستیاب فنڈ  154.20 کروڑ روپے کا ہے۔پہلی ریلیز کی دوسری قسط حاصل کرنے کے لئے  ریاست کو  اپنے فنڈ کے استعمال کی رفتار تیز  کرنی ہوگی۔ تریپورہ کو دیہی مقامی اداروں کو  15 ویں مالیاتی کمیشن کی گرانٹس کے تحت  38کروڑ روپے بھی مختص کئے گئے ہیں اور اس رقم کا 50 فیصد حصہ  پانی کی سپلائی اور سنیٹیشن یعنی  پانی کی سپلائی ، گرے واٹر ٹریٹمنٹ  اور پھر سے استعمال  اور اس سے بھی زیادہ اہم یہ کہ  پانی کی سپلائی کی اسکیموں کو  طویل مدتی بنیاد پر چلانے اور ان کا رکھ رکھاؤ کرنے کو یقینی  بنانے کے لئے  استعمال کرنا ہوگا۔

تریپورہ  میں بھرپور بارش ہوتی ہے اور اس طرح پانی دستیابی یہاں کوئی مسئلہ نہیں ہے اور تمام گاؤوں میں 100 فیصد پائپ کے ذریعہ پانی کی سپلائی کا نظام قائم کرکے یہ پانی کی سپلائی کے نظام کو بہتر بناسکتا ہے اور  ہر ایک دیہی گھر کو  پینے کے پانی کی سپلائی  کو  یقینی بنا سکتا ہے اور اس طرح   ’زندگی گزارنے کی آسانی‘ فراہم کراکے  لوگوں کا معیار  زندگی بہتر بنا سکتا ہے۔

۔۔۔۔۔۔۔۔۔۔۔

م ن۔  ا گ۔ن ا۔

U-6623