খাদী এন্দ ভিলেজ ইন্দস্ত্রী কমিশন(কে.ভি.আই.সি.)না লৈবাকপুম্বদা অচৌবা থৌরম ১৫০ পাংথোকপগী পরিংনা অমদি লৈ কত্তুনা মহাত্মা গান্ধীগী ১৫০শুবা মপোক কুমওন পাংথোকখ্রে।   

গান্ধীগী মপোক কুমওনগী নোংমা ৱাৎলিঙৈগী নুমিদাংৱাইরম শগোলশেল নুমিত্তা কে.ভি.আই.সি. প্রসিদেন্ত শ্রী বিনয় কুমার সক্সেনানা গান্ধীগী মপোক কুমওন পাংথোক্নবগীদমক্তা কে.ভি.আই.সি.না হৌজিক ফাওবদা লৈবাক অসিদা অহানবা ওইনা অশুক মশিং য়াম্না পাংথোকপা ওইনা থৌরম ১৫০ হৌদোকখ্রে। অসাম, মেঘালয়, ত্রিপুরা অমদি মনিপুরনচিংবা অৱাং-নোংপোক্কী রাজ্যশিং অমদি হিমাচল প্রদেশ, উত্তর প্রদেশ, মধ্য প্রদেশ, তমিল নাদু, কেরলা, নোংচুপ বঙ্গাল, জম্মু অমসুং কাশ্মির অমদি গুজরাতনচিংবা অতোপ্পা রাজ্যগী আর্তিসনশিং অসি মপাঙ্গল কনখৎহন্নবগীদমক্তা খ্বাইদগী মশিং য়াম্বা থৌরমশিং পাংথোক্তুনা মাংজিল থারি।

অহানবা ওইনা কে.ভি.আই.সি.গী মংলান কয়া পুরিবা পোত্তরী এপ্মৱর্মেন্ত স্কীমগী অসি অহানবা ওইনা শগোলশেল নুমিত্তা ফুলৱারী খুঙ্গংদা চফুশাবা ইমুং ৪০ ত্রেনিং পীখিবা মেঘালয়গী নোংচুপথংবা গারো হিল্সফাওবা য়ৌখ্রে। অপুনবা ওইনা অৱাং-নোংপোক রাজ্যশিংদা থৌরম ১০ পাংথোকখিবা অসিদা রেদিমেদ গারমেন্ত য়ুনিৎশিং, লিক-কোন শাদুনা পুথোকপগী য়ুনিৎশিং অমদি খাদী সেল্স এম্পোরিয়ম শঙ্গাবসু য়াওখি।

লৈবাকপুম্বদা পি.অম.ই.জি.পি.গী মখাদা অনৌবা খাদী সেল্স আওতলেৎ অনৌবা মেনুফেকচরিং য়ুনিৎ ২৭ অমসুং অনৌবা ৱর্ক শেদ অমসুং কমন ফেসিলিতী সেন্তর ১৪ হৌদোকখি। মসিদা বনারসতা অনৌবা খাদী সেল্স আওতলেৎ ৮ অমদি অনৌবা ৱর্ক শেদ ৪ য়াওখি। তোঙান-তোঙানবা মফম ১০দা খাদী আর্তিসন্দা অনৌবা মোদেলগী তরেং য়েন্থোকখ্রে।  মসিগী অনৌবা খুদোংচাবশিং অসিনা আর্তিসনশিংগী পোৎলম পুথোকপা অমদি চাগা হেন্ননবা তুং-কোইবা মওংদা মতেং পাংগনি।  হনি মিশন, পোত্তরী এপ্মৱর্মেন্ত স্কীমগী মখাদা থৌরম কয়া অমা অমদি অথোইবা স্কীম কয়া অমা পি.এম.ই.জি.পি.গী মখদা মেনুফেকচরিং য়ুনিৎশিংগীসু শগোলশেল নুমিত্তা শঙ্গাখ্রে। কে.ভি.আই.সি.গী প্রসিদেন্তনা হায়খি মদুদি মসিগী থৌরমশিংসিগী পান্দমদি তুং-কোইনা লৈগদবা মফমদুগী থবক লৈহনবা অমদি আর্তিসনশিংনা মরোমদোম হিংজবা ঙমহন্নবনি। শ্রী সক্সেনানা হায়খি, ‘ মহাত্মা গান্ধীনা মতম পুম্নমক্তা খুঙ্গংগী মফম অসি অমুক নৌনা শেমগৎপা অসিনা লৈবাক অসি চাউখৎহন্নবগী শোনি। মসি প্রধানমন্ত্রী শ্রী নরেন্দ্র মোদীগীসু মসিগী ভিজন অসিনি। কে.ভি.আই.সি.গী পায়খৎলিবা থৌরাংশিং অসিগী পান্দম অসি মরুওইনা লৌমীশিং, নুপীশিং অমদি থবক ফংদ্রিবা নহা ওইরিবশিং অসি হেন্না মপাঙ্গল কনখৎহন্নবনি। হিংবা ঙম্নবগী খুদোংচাবশিং অসি লৈহন্নবা, মফমদুগী পোত্থোক পুথোকপা হেনগৎহন্নবা অমদি খাদীগী ইন্সতিত্যুসনশিং অসিদা অনৌবা পোৎ য়োন্নবগী প্লেৎফোর্ম ফংহন্দুনা ‘মীপাল তাংদবা ভারত’ ওইহন্নবগী লম্বি অদু হেন্না ফগৎহনগনি। মসিগী থৌরম অসিদা পি.এম.জি.পি.গী মখাদা মায় পাক্লবা ওন্তর্প্রিন্যুর খরনসু কে.ভি.আই.সি.গী মতেংদগী মাগী থবকশিং অদু হেন্না পাকথোক-চাওথোকহনখ্রে।  মসিদা উত্তর প্রদেশকী মিরুত্তগী চহি মরীগী মমাংদা লুপা লাখ ১৬কী লোন লৌদুনা ফী তুবগী থবকশিং হৌদোকখিবা অদুগা হৌজিক মহাক্না মীওই ৬০ থবক ফংহল্লিবা মপুং ফাবা হোম ফর্নিশিং মেনুফেকচরিং সেন্তর হৌদোক্নবগীদমক্তা লুপা করোর অমগী লোনগী অনিশুবা শেন্থং লৌখ্রবা নুপী ওন্তর্প্রিন্যুর অমা য়াওখি। মতৌ অসিগুম্না মধ্য প্রদেশকী তীকমগঢ়দা এল্যুমিনিয়ম মেনুফেকচরিং য়ুনিৎকী পোত্থোক পুথোকপগী মপাঙ্গল অসি পাকথোক-চাউথোকহন্নবগীদমক্তা লুপা লাখ ৬০গী লোনগী অয়াবা পীখ্রে মসিদা মীওই ৫৫ থবক ফংহনগনি।

জম্মু অমসুং কাশ্মিরগী পম্পোরদা কে.ভি.আই.সি.না ক্রেৱেল অমসুং সোজনী এম্ব্রোইদরী অমসুং শাল শাবগী ত্রেনিং হৌদোকখ্রে। মতৌ অসিগুম্না হিমাচল প্রদেশতা দিসপোজেল প্লেৎশিং শাবগী, উগী উপু-কাংথোল শাবগী য়ুনিৎশিং অমদি বুতিক অমা শঙ্গাখ্রে। নোংচুপ বঙ্গালদা খাদী সেল্স আওতলেৎ ১০ অমদি কমন ফেসিলিতী সেন্তর ১০ শঙ্গাখ্রে।

কেরলাগী পেয়ন্নুরদা দিজাইন ক্লিনিক অমা অমদি ওনলাইন শোপ্পিং পোর্তেল অমা শঙ্গাখ্রে অমদি কোত্যমদা মীৎ উদ্রবশিংদা তরেং য়েন্থোকখ্রে। উত্তর প্রদেশনসু পি.এম.জি.পি.গী মখাদা সিমেন্ত ব্লোকশিং, ফি শুনবা পাওদর, নুপীগী নত্তবা খাউশিং শানবা মেনুফেকচরিং য়ুনিৎশিং অমদি ওতোমোবাইল ৱর্কশোপ অমসুং ব্যুতী পার্লর শঙ্গানবগীদমক্তা থৌরম কয়া অমা হৌদোকখ্রে।  উত্তরাখন্দা ফর্নিচর শানবা য়ুনিৎ অমদি খোই য়োক্নবগী ত্রেনিং হৌদোকখ্রে।

কে.ভি.আই.সি.না ওক্তোবর ২দগী খাদী এন্দ ভিলেজ ইন্দস্ত্রীগী পোত্থোকশিং খুদিংমক্কী কস্তমরী ওইবা চহিগী য়োনবদা চাদা ২০ তানা য়োন্নবা লাউথোকখ্রে।  মসিগী দিসকাউন্ত অসিগী কান্নবা অসি ওক্তোবর ১ অমসুং ২গী অহিং নোংয়াইদগী http://www.kviconline.gov.in/khadimask দা ওনলাইন ওইনা ফংবা য়াগনি।

*****