ভারতকী সুপরকম্প্যুতিং ফেসিলিতীশিং খোঙজেল য়াংনা চাউথোরক্লি অমসুং লৈবাক অসিদা মশাগী সুপরকম্প্যুতরশিং শাজবা ঙম্নবা হোৎনরি।

নেস্নেল সুপর কম্প্যুতিং মিসন (এন.এস.এম.)না একাদেমিয়া, রিসর্চরশিং, এম.এস.এম.ই.শিং অমসুং থাও থিবা, ঈশিং ঈচাউ মাংজৌননা খঙদোকপা লোয়ননা জিনোমিক্স অমসুং দ্রগ পুথোকপা অসিগুম্বা লমশিংদা লৈরিবা স্তার্তঅপশিংগী হেনগৎলক্লিবা কম্প্যুতেস্নেল দিমান্দশিং ফংহন্নবা হোৎনরিবা মখোয়গী তোঙান তোঙানবা ফেজশিংগী খুত্থাংদা লৈবাক অসিদা হায় পাৱর কম্প্যুতিং খোঙজেল য়াংনা ফগৎহল্লি।

এন.এস.এম. ফেজ-Iদা তৌখিবা ইনফ্রাস্ত্রকচরগী প্লান অসি ইন্সতোল তৌখিবা অমদি ফেজ-IIগী অয়াম্বা থবক পাইখৎপগা লোয়ননা লৈবাক অসিগী সুপরকম্প্যুতরশিংগী নেৎৱার্ক অসি অথুবদা পেতাফ্লোপ ১৬ (পি.এফ.)রোম য়ৌরগনি। জনুৱারী ২০২১দা হৌগদবা ফেজ-III অসিনা কম্প্যুতিং স্পীদ অসি পেতাফ্লোপ ৪৫রোম য়ৌহনবা ঙম্লগনি।

এন.এস.এম. অসি ইলেক্ত্রোনিক্স অমসুং আই.তি. মন্ত্রালয় (এম.ই.আই.তি.ৱাই.) অমসুং সাইন্স অমসুং তেক্নোলোজী বিভাগ (দি.এস.তি.)না পুন্না হৌদোকখি অমসুং সেন্তর ফোর দিবেলপমেন্ত ওফ এদভান্স কম্প্যুতিং (সি-দেক), পুনে অমসুং ইন্দিয়ন ইন্সতিত্যুত ওফ সাইন্স (আই.আই.এসসি), বেঙ্গলুরুনা ইম্প্লিমেন্ত তৌখি।

পরম শিবায়, লমদম অসিদা এসেম্বল তৌজবা অহানবা সুপরকম্প্যুতর, অসি আই.আই.তি. (বি.ঐচ.য়ু.)দা ইন্সতোল তৌখি, মতুংদা পরম শক্তি অমসুং পরম ব্রহ্মা অসি মথং শিৎনবা আই.আই.তি-খরগপুর অমসুং আই.আই.এস.ই.আর., পুনেদা ইন্সতোল তৌখি।

মসিগী মতুং তারকপদা সুপরকম্প্যুতিং ফেসিলিতীশিং অতোপ্পা ইন্সতিত্যুসন অনিদা শেমগৎখি, অমদি ফেজ-Iদা শেমগৎলি, ফেজ-Iগী মখাদা হায় পাৱর কম্প্যুতিং স্পীদ অসি পি.এফ. ৬.৬তা হেনগৎহল্লি। ফেজ-IIদা, এপ্রিল ২০২১দা কম্প্যুৎ তৌবা ঙম্বগী কেপাসিতী পুন্না পি.এফ. ১০ ওইবা  সুপরকম্প্যুতিং ফেসিলিতীশিংগা লোয়ননা অহেনবা ইন্সতিত্যুসন ৮ হাপচিল্লগনি। ভারত্তা এসেমব্লী অমসুং মেন্যুফেকচরিংগী সুপরকম্প্যুতিং ইনফ্রাস্ত্রকচর লিংখৎনবা পুন্না মমিং লৈরবা ভারতকী ইন্সতিত্যুসন ১৪গা লোয়ননা এম.ও.য়ু.শিং খুৎয়েক পীনখ্রে। মসিদা আই.আই.তি.শিং, এন.আই.তি.শিং, নেস্নেল লেবশিং অমসুং আই.আই.এস.ই.আর.শিং য়াওরি। মসিগী মনুংদা খরদদি হান্না ইন্সতোল তৌখ্রে অমসুং খরদনা চহি অসিগী দিসেম্বর ফাওবদা তৌরগনি। ফেজ-IIগী ইন্সতোল তৌবা অসি এপ্রিল ২০২১ ফাওবদা লোইশিল্লগনি।

ফেজ-IIIগী থবক অসি ২০২১দগী হৌগনি অমসুং নেস্নেল ফেসিলিতী অমা ওইনা অমমমদা পি.এফ.৩ ওইবা সিস্তেম অহুম অমসুং পি.এফ. ২০ ওইবা সিস্তেম অমা য়াওগনি।  

ফেজ অহুম অসিনা ইন্সতিত্যুসন ৭৫রোমদা অমদি সুপরকম্প্যুতিং সিস্তেমশিংগী য়াম্না মরু ওইরিবা – নেস্নেল নোলেজ নেৎৱার্ক (এন.কে.এন.)গী খুত্থাংদা থবক তৌরিবা এক্তিব রিসর্চর, একাদেমিসিয়ন লীশিং হেনবদা হায়-পর্ফোর্মেন্স কম্প্যুতিং (ঐচ.পি.সি.) ফেসিলিতীশিং এক্সেস তৌবা ফংহনগনি।

ঐচ.পি.সি. অমসুং আর্তিফিসিএল ইন্তিলিজেন্স (এ.আই.) অসি পুনশিনখ্রে। এ.আই. পি.এফ. ১০০ ওইবা আর্তিফিসিএল সুপরকম্প্যুতিং সিস্তেম অমা শেমখ্রে অমসুং সি-দেক্তা ইন্সতোল তৌখ্রে, মসিনা য়াম্না চাউবা এ.আই. ৱার্কলোদশিং পাঙথোকপা ঙমদুনা এ.আই.গা মরী লৈনবা কম্প্যিুতিংগী স্পীদ শরুক কয়া থোক্না হেনগৎহল্লগনি।

মিসন অসিনা ঙসি ফাওবদা সুপরকম্প্যুতিংগী মেনপাৱর অমসুং ফেকল্তীশিং ২৪০০গী মথক্তা ত্রেনিং পীদুনা সুপরকম্প্যুতর এক্সপর্তশিংগী নেক্স জেনরেসনসু শেমখ্রে।

ইন্দিজিনসকী ওইনা তৌবা ঙম্বা

ভারতকী রিসর্চ ইন্সতিত্যুসনশিংগী নেৎৱার্ক ওইরিবা এন.এস.এম.না শেন্থং পীথদুনা ইন্দস্ত্রীগা লোয়ননা খুৎশম্নদুনা ভারত্তা পার্তশিং হেন্না হেন্না শাবা ঙম্নবা তেক্নোলোজী অমসুং মেন্যুফেকচরিং তৌবা ঙম্বা হেনগৎহল্লি। অমরোমদা ফেস-Iদা ভারত্তা চাদা ৩০গী ভেল্যু এদিসন তৌখ্রে, হায়রিবা অসি ফেজ-IIদা চাদা ৪০দা হেনগৎহনখি।

সর্ভর বোর্দ, ইন্তরকন্নেক্ত, প্রোসেসর, সিস্তেম সোফৱেয়র লাইব্রেরীশিং, স্তোরেজ, অমসুং ঐচ.পি.সি.-এ.আই. কনভর্জ তৌবা এসেলরেতরগুম্বা পার্তশিং অসি লমদম অসিদা দিজাইন তৌবা অমসুং দিবেলপ তৌনবা হোৎনরি।   

সরকার পুম্নমক্কী অমসুং পি.এস.য়ু.শিংগী মথৌ তাবা ঐচ.পি.সি. ফংহনবা ঙম্বা ইন্দিজিনস সর্ভর (রুদ্র) ভারতনা দিবেলপ তৌখ্রে। সি-দেক্না দিবেলপ তৌবা মপুং ফাবা সোফৱেয়র স্তেক্কা লোয়ননা মসিনা ভারত্তা শাজবা অহানবা সর্ভর সিস্তেম অমনি।

এক্সপর্তশিংনা হায়খি হৌজিক মাংলোমদা চংশিল্লিবা খোঙজেল অসিদা ঐখোয়না ভারত্তা অথুবদা মদরবোর্দশিং অমসুং সব-সিস্তেমশিং মেন্যুফেকচর তৌবা ঙম্লগনি, মসিনা সুপরকম্প্যুতরশিং ইন্দিজিনস ওইনা দিজাইন তৌবা অমসুং মেন্যুফেকচর তৌহল্লগনি।

পার্ত অয়াম্বা ভারত্তা দিজাইন তৌবা অমসুং মেন্যুফেকচর তৌবগা লোয়ননা অসিগুম্বা ইন্দিজিনস ওইনা দিজাইন তৌবা সিস্তেমশিং আই.আই.তি.-মুম্বাই, আই.আই.তি.-চেন্নাই অমসুং দিল্লীগী ইন্তর-য়ুনিবর্সিতী এসেলরেতর সেন্তর (আই.য়ু.এ.সি.), সি-দেক,পুনে অসিগুম্বা মফমশিংদা ইন্সতোল তৌখ্রে, হায়রিবা অসি ফেজ-IIIগী মখাদা লৈ অমদি ভারত্তা সুপরকম্প্যুতরশিং দিবেলপ তৌনবা অমসুং মেন্যুফেকচর তৌনবা মাইকৈদা চংশিনবদা মতেং পাংই অমদি লম অসিদা মরোমদোম লেপচবা ঙম্নবা লম্বী য়াৎলি।

*****