তাং ১৯.১০.২০২০দা পুর্নিয়া, কাতিহার অমসুং সহারাসাদা লৈবা সরকারগী কন্ত্রেক্তর অনীগী কেস অমসুং বিহারগী ঘগলপুরদা লৈবাক সিল্ক ত্রেদর অমগী কেসকা মরী লৈননা ইঙ্কম তেক্স দিপার্ত্মেন্তনা থিবা হুম্বগী থবক চত্থখি। থিবা হুম্বগী থবক অদু ইন্তেলিজেন্সনা শাশিন্নবা শেলনা মশিং য়াম্না শাবা অমসুং তোঙান-তোঙানবা মরমদা শীজিন্নরে হায়না পাউ পীরকপগী মতুং ইন্না চত্থখিবনি।

কন্ত্রেক্তরশিং অসিনা দোক্যুমেন্ত অমত্তা য়াওদনা শাশিন্নবা লেবর, ত্রান্সপোর্তেসন অমসুং থাউগী চাদিংগী ক্লেম থাগৎলকখি। মখা তানা, মখোয়না চিংননিংঙাই ওইবা পার্তীশিংগী একাউন্ত শীজিন্নদুনা বেঙ্কতগী শেল লৌথোকপা থেংনখি। থিবা হুম্বগী থবক চত্থবা মতমদা সাইন তৌরবা ব্লেঙ্ক চেক য়াওনা অরানবা দোক্যুমেন্তশিং ফংখি। কেস খরদনা, শাশিন্নবা চাদিং কয়া একাউন্ত বুক্তা চঙবা থেংনখি। মখোয়না মশক মমিং তাক্তবা বেঙ্ক একাউন্তশিং পায়রি, মসিবু সরকারগী বিভাগশিংদা কন্ত্রেক্ত লৌনবগী সেক্যুরিতী ওইনা শীজিন্নরি। হায়রিবা বেঙ্ক একাউন্তশিং অসিদগী শেল চাউনা লৌথক্লি। হায়রিবা কেস ৱিথদ্রাৱেলশিং অসিগী মরম এসেসীশিং অসিনা পীবা ঙমদে। মশক মমিং খঙদবা বেঙ্ক একাউন্তশিং অসিদগী ত্রাঞ্জেক্সন চত্থখিবশিং থিজিল্লি।

থিবা হুম্বগী থবক অসিদা, মরম চাদবা শেল, ফিক্স দিপোজিৎ অমসুং লুপা করোর ২.৪০ লোমগী সনা লুপাশিংসু ফাগৎখি। সেল্ক ত্রেদর অসিগী ওইনদি, মরম চাদনা পৈশিন্দুনা থম্বা থেংনরে। ইমুবেবল প্রোপর্তীশিংদা চাউনা মরম চাদনা শেল থাদবগী চে চাং য়াওনা লুপা করোর ১০গী তাকথোক্তবা চাগা ফাগৎলে। হায়রিবা লন্থুমশিং অসি মমল লেপথোক্নবগী অমসুং এতেচ তৌনবগী থবক লৌখৎলি।

মখা তানা থিজিনবগী থবক চত্থরি।

***************