প্রোজেক্ত ২৮ (কমোর্তা ক্লাস)কী মখাদা লমদমসিদা ইকোন কোন্না শাখিবা এন্তি-সবমেরিন ৱারফ্যার (এ.এস.দব্লিউ.) স্তীল্থ কোর্বেত “আই.এন.এস. কবরাত্তি” দেভেল দোকয়ার্দ, ভিসাখপত্নমদা ওক্তোবর ২২, ২০২০, শগোলশেন নুমিত্তা জেনেরেল মনোজ মুকুন্দ নরাবানে, পি.ভি.এস.এম., এ.বি.এস.এম., এস.এম., ভি.এস.এম., এ.দি.সি., চীফ ওফ আর্মী স্তাফনা ইন্দিয়ন নেভীদা শীজিন্নবা হৌহন্নবা মতম লেপ্লে‍।

মতিং লৈবা এ.এস.দব্লিউ কোর্বেত অমা ওইনা শিংথারিবা, কবরাত্তি অসি ইন্দিয়ন নেভীগী মশাগী লূপ, দাইরেক্তোরেত ওফ নেভেল দিজাইন (দি.এন.দি.)না মওং মতৌ পুথোক্তুনা, গার্দেন রীচ সিপবিল্দর এন্দ ইঞ্জিনিয়র্স (সি.আর.এস.ই.), কোল্কতাদা শাবনি অমদি লমদমসিদা পোত্থোক পুথোকচদুনা মরোমদোম লেপচবা ফীভম ফংনবগী মায়কৈদা ইন্দিয়ন নেভী, সি.আর.এস.ই. অমসুং লৈবাকসিগী হেনগৎলক্লিবা মতিং উত্তুনা ইরৈবাকসিগী “আত্মনিরভর ভারত”কী পান্দম হেন্না ময়েক লাহল্লি‍। জহাজ অসিগী মচাকশিংগী চাদা ৯০দি লমদমসিদা শাজবনি অমদি সুপরস্ত্রকচরগীদমক কার্বোন কম্পোজিৎশিং শীজিন্নরিবা অসি ভারতকী জহাজ শাবগী লমদা শিংথানিংঙাই ওইবা মায় পাকপা অমনি‍। জহাজ অসিগী খুৎলায়শিং অমসুং সেন্সরশিংগী সুইত অসি অনমবনা লমদমসিদা শাজবনি অমদি হীরম অসিদা লৈবাকসিগী হেনগৎলক্লিবা মতিং উৎলি‍।

কবরাত্তিদা সবমেরিনশিং খঙদোকপা অমদি কাপখায়বা ঙমবা খ্বাইদগী ফবা খুৎলায় অমসুং সেন্সরশিংগী সুইত য়াওরি‍। মসিগী এন্তি-সবমেরিন ৱারফ্যারগী মতিং অসিগী মথক্তা, জহাজ অসিদা মশা ঙাকথোকচবগী থাজনিংঙাই ওইরবা মতিং অমদি অশাংবা মফমদা শীজিন্নবদা নীংথিনা খাঙবা ঙম্বগী মতিং লৈজরি‍।

        পনবা য়াবা ৱাফমদি জহাজ অসিদা পাল্লিবা সিস্তেম খুদিংমক্কী সমুদ্রগা চাংয়েং মপুং ফানা লোইশিল্লবা মরম্না লান্দা শীজিন্নবা য়ারবা ফম্পাক অমা ওইনা নেভীদা শীজিন্নরগনি‍। হৌজিক ওইরিবা কোবিদ-১৯ লাইচৎ মনুংসিদা থম্লিবা অথিংবা কয়াসিগী মরক্তা নেভীদা পীরিবা অসিগী য়েংলগা জহাজ অসিমক শিংথানিংঙাই ওইরবা মায় পাকপা অমনি‍। কবরাত্তি লৌশিনখিবগা লোয়ননা ইন্দিয়ন নেভীগী শেম শাদুনা লৈবগী ফীভম হেন্না ফগৎলগনি‍।

        কবরাত্তিগী মমীং অসি মমাঙদা লৈরমবা অর্নলা ক্লাসকী মিসাইল কোর্বেত আই.এন.এস. কবরাত্তিদগী লৌরগা থোনবনি‍। হান্নগী কবরাত্তি ইং ১৯৭১দা বঙ্গলাদেশ মনীং তমহনখিবদা ঙাক্লৌ ওইনা শীজিন্নখিবগীদমক তোপ তোপ্না খঙনৈ‍।

*******