থবক শুবা, মীয়ামগী ৱাকৎ অমসুং পেন্সন মন্ত্রালয়
ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)গী ৩১৭শুবা একজিক্যুতিব কাউন্সিলগী মীফমদা এম.ও.এস. (পি.পি.) দা. জিতেন্দ্র সিংহনা অনৌবা চিয়রমেন ওইনা ময়াই তাংবল লৌখ্রে
Posted On:
21 OCT 2020 6:02PM by PIB Imphal
ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)গী ৩১৭শুবা একজিক্যুতিব কাউন্সিলগী মীফমদা কেন্দ্রগী এম.ও.এস. (আই/সি) দোনর, এম.ও.এস. (পি.পি.) দা. জিতেন্দ্র সিংহনা ঙসি অনৌবা চিয়রমেন ওইনা ময়াই তাংবল লৌখ্রে।
নীংশিবা য়াবদি ১৯৪৯গী বেচকী আই.এ.এস. ওফিসর, হান্নগী কোম্পত্রোলর এন্দ ওদিতর জেনরেল (সি.এ.জি.) অমসুং হান্নগী গভর্নর ওইরম্বা তি.এন. চতুর্বেদিনা ২০০৪দা আই.আই.পি.এ.গী চিয়রমেন ওইনা ফম অসি পুখি অমসুং মখা তানা ফম অসি মহাক্না ২০২০গী জনুৱারী ৫দা লৈখিদবা অসি ফাওবা চহি তরা-তরুক ফম অসি পাইদুনা লাকখিবনি।
ঙসিগী একজিক্যুতিব কাউন্সিলগী মীফম অসিগী প্রোসীদিংশিং ভারত সরকারগী হান্নগী সেক্রেতরী ওইরম্বা অমসুং হৌজিক্না আই.আই.পি.এ.গী দিরেক্তর ওইরিবা এস.এন. ত্রিপাথিনা পাঙথোকখি, মসিগী মতুং তারকপদা মহাকপু আই.আই.পি.এ.গী চীফ একজিক্যুতিব ওফিসর (সি.ই.ও) ওইনা নৌনা খনখি।
![https://static.pib.gov.in/WriteReadData/userfiles/image/image001GP8H.jpg](https://static.pib.gov.in/WriteReadData/userfiles/image/image001GP8H.jpg)
একজিক্যুতিব কাউন্সিলগী মেম্বরশিংগী মরক্তা মীফম অসি য়াওখিবশিং অদুদি নিতি আয়োগকী সি.ই.ও.অমিতাব কান্ত, ছত্তিসগরগী হান্নগী গভর্নর শেখর দত্ত, পঞ্জাব য়ুনিবর্সিতীগী ভাইস চাঞ্চেলর প্রোফেসর রাজ কুমার, ত্রিপুরা য়ুনিবর্সিতীগী ভাইস চাঞ্চেলর প্রোফেসর জি.বি. প্রসাদ, কেরেলা রিজনেল আই.আই.পি.এ. ব্রাঞ্চকী সেক্রেতরী দা. জি. কুরুপ, মহারাস্ত্র আই.আই.পি.এ. রিজনেল ব্রাঞ্চকী সেক্রেতরী বিজে সতবির সিংহ, ওরিশা আই.আই.পি.এ. রিজনেল ব্রাঞ্চকী চিয়রমেন এস.সি. মিশ্রা, আই.আই.পি.এ.গী প্রোফেসর কে.কে. পান্দে, পর্সনেল এন্দ ত্রেনিং বিভাগকী (দি.ও.পি.এন্দ তি.) এদিস্নেল সেক্রেতরী রাশ্মি চৌধরী, এক্সপেন্দিচর বিভাগকী দিপ্যুতী সেক্রেতরী ভি. পদ্মনাভন অমসুং আই.আই.পি.এ.গী রেজিস্ত্রারনি।
থৌরম অসিদা ৱা ঙাংলদুনা দা. জিতেন্দ্র সিংহনা মহাকপু আই.আই.পি.এ.গী চিয়রমেনগী থৌ পুহনখিবা অসিদা মহাক্না একজিক্যুতিব কাউন্সিলগী মেম্বরশিংবু থাগৎখি অমদি মখোয়গী মতেংগা লোয়ননা মহাক্না মথৌ ফজনা তৌদুনা অমদি মখোয়না পাম্লিবা অদু থুংহন্নবা ঙম্নবা হোৎনগনি হায়না ফোঙদোকখি।
চিয়রমেন ওইনা ফম পুরবা মতুং মহাক্কী অহানবা একজিক্যুতিব কাউন্সিলগী মীফমদা দা. জিতেন্দ্র সিংহনা আই.আই.পি.এ.গী লাইফ মেম্বরশীপ জানুৱারী ১, ২০২১দগী হৌরগনি হায়না য়াম্না মরুওইবা এনাউন্সমেন্ত অমা লাউথোকখি। মহাক্না মথৌ তৌরিবা ওফিসর মশিং কয়ানা আই.আই.পি.এ.গী মেম্বরশীপ অসি য়াওনবা হোৎনগদবনি হায়নসু ফোঙদোকখি অমদি সরকারগী সর্ভিস রুলশিংগী মতুং ইন্না মথৌ তৌরিবা ওফিসিএল অমনা আই.আই.পি.এ.গী মেম্বর ওইবদা অকায়বা লৈতে হায়নসু ফোঙদোকখি।
![https://static.pib.gov.in/WriteReadData/userfiles/image/image002XA2O.jpg](https://static.pib.gov.in/WriteReadData/userfiles/image/image002XA2O.jpg)
আই.আই.পি.এ.গী ফেকল্তী অমসুং ওফিসিএলশিংবু থাগৎপা ফোঙদোক্লদুনা দা.জিতেন্দ্র সিংহনা হায় আই.আই.পি.এ.গী কত্থোকপা অমসুং হোৎনবা কনবগী খুদম অসি কোবিদ লায়চৎ অসিগী অৱাবা মতম অসিদা মখোয়না ওনলাইন ক্লাসশিং লৌনবা দিজিতেল ক্লাসরুম অমা শেমগৎতুনা করিকুলমদা অকাইবা থোকহনখিদবা অসিনা খ্বাইদগী ফরবা খুদম অমনি। মহাক্না হায়, লোকদাউন অমসুং লোকদাউনগী মতুংদা আই.আই.পি.এ.না তোঙান তোঙানবা সর্ভিসশিংদগী ওফিসরশিংগী ওনলাইন ত্রেনিং প্রোগ্রাম ১৪ পাংথোকখিবা অসি অচৌবা মাই পাকপা অমনি। মসি খক্তা নত্তনা কোবিদকী অপনবশিংগী মরক্তা হৌখিবা চহি অমা অসিদা রিসর্চ প্রোজেক্ত ৬২সু মপুংফানা লোইশিনখ্রে হায়না মহাক্না ফোঙদোকখি।
দা. জিতেন্দ্র সিংহনা আই.আই.পি.এ.গী তোঙান তোঙানবা রাজ্যগী ব্রাঞ্চশিং অমসুং চেপ্তরশিংনা মসিগী মতুং ইন্দুনা ভর্চ্যুএল অমসুং সেমি-ভর্চ্যুএল অনিমক্কী পাম্বৈশিংগী খুত্থাংদা মখোয়গী প্রোগ্রামশিং চাওথোরক্কনি হায়না থাজবা থম্মি। আই.আই.পি.এ. করিকুলমগী স্পেক্ত্রম অমসুং রেঞ্জ পাকথোক চাওথোক্নবা মশিং য়াম্লবা য়ুনিবর্সিতীশিং অমসুং একেদেমিক বোদীশিংগা পুন্না চৎমিন্ননবগী অপাম্বা মহাক্না ফোঙদোকখি।
<><><><><>
(Release ID: 1666739)
Visitor Counter : 98