কোবিদ-১৯ খঙদোকপদা মপুং ফানা খঙবা ঙম্নবগীদমক আই.আই.তি. খরগপুরগী রিসর্চরশিংনা পুথোকপা দাইগ্নোস্তিক মেছিন, ‘কোবিরাপ’ ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না মাই পাক্না ভেলিদেৎ তৌখ্রে। লৈবাক অসিদা শিনবা থুংনা লৈরিবা মীচম প্রজাশিংদা ইনোবেসন অসি অথুবদা য়ৌহন্নবা ইন্সতিত্যুত অসিদা তেক্নোলোজীগী লাইসেন্স পীনবা তোঙান তোঙানবা কম্মর্সিএল য়ুনিৎশিংনা হায়জরকখ্রে। ওথোরাইজ তৌরবা আই.সি.এম.আর.গী লেবোরেতরী অমনা মখোয়গী গাইদলাইনশিং চেকশিন্না ঙাক্তুনা অনাবা মীওইগী সেম্পলশিংগা লোয়ননা চেকশিন্না তেস্ত তৌরবা মতুংদা হৌজিক আই.সি.এম.আর.না কোবিদ-১৯ দাইগ্নোস্তিক তেস্ত অসিগী সর্তিফিকেৎ পীবদা অয়াবা পীখ্রে। তেস্ত অসি অরাইবা মওংদা পাঙথোকপা য়ানবা শাখি অমসুং মমল হোংঙি লোয়ননা রিজল্তশিং অসি কস্তম-দিবেলপ মোবাইল ফোন এপ্লিকেসন অমদা পুং অমগী মনুংদা পীগনি। কোা ল ওইনা প্রেস কনফরেন্স অমদা ৱারোল পিক তেস্ত বিদ-১৯গী মায়োক্তা লৈবাক অসিনা লান্থেংনবা অসিদা অচৌবা কান্নবা ওইরগদবা অসি লাউথোক্নবা ঙসি ভর্চ্যুএল ওইনা প্রেস কনফরেন্স অমদা ৱারোল পীবদা কেন্দ্রগী এজুকেসন মন্ত্রী দা. রামেশ পোখ্রিয়ল নিশঙ্কনা হায়খি, “আই.আই.তি. খরগপুরগী রিসর্চরশিংনা মেদিকেল তেক্নোলোজী ইনোবেস অসিগী খুত্থাংদা আত্মনির্ভর ভারতকী পান্দম মাই পাকপা অসিদা ঐহাক নুংঙাইবা পোকই। দিভাইস অসি পুথোক পুশিন য়াবা অমসুং য়াম্না নেম্বা ইনর্জী সপ্লাইদা চল্লাইবা য়াবা অসিনা ভারতকী খুঙ্গংগী মীয়ামদা কান্নবা পীরগনি। ত্রেন খরা তৌরবা খুঙ্গংগী নহাশিংনা দিভাইস অসি চল্লাইবা য়াগনি।” মন্ত্রীনা মখা তারদুনা হায়খি ইনোবেসন অসিনা “ তেস্ত তৌবগী অচংমল লুপা ৫০০/-গা লোয়ননা মীচম প্রজাশিংদা অফবা ক্বালিতিগী মরিক চুম্বা কোবিদ তেস্তিং অসি হোংনা ফংহল্লি অমদি মসি সরকারগী থৌরাংগী খুত্থাংদা হেন্না হন্থরকপা য়ারি।” মহাক্না হায়খি, “আই.আই.তি.খরগপুরনা খঙহল্লকপগী মতুং ইন্না মেছিন অসি লুপা ১০,০০০/-দগী তানা চংলগা দিবেলপ তৌবা য়াই লোয়ননা ইনফ্রাস্ত্রকচরগী ওইবা থোইদোক্না মথৌ তাদবা অসিনা তেক্নোলোজী অসি মীচম প্রজাদা হোংনা ফংহল্লি। অনৌবা মেছিন অসিদা তেস্ত তৌবগী প্রোসেস অসি পুং অমগী মনুংদা লোইশিল্লি।” মোলিক্যুলর দাইগ্নোস্তিকশিং হায়-এন্দ লেবশিংদগী মপালদা পুথোক্লিবা অনৌবা ইন্নোবেসন অসিগীদমক দা. পোখ্রিয়লনা আই.আই.তি. খরগপুরগী দিরেক্তর প্রোফেসর ভি.কে. তিৱারি অমসুং প্রোফেসর সুমন চক্রবোর্তী অমসুং দা. অরিন্দম মোন্দলনা লুচিংবা রিসর্চ তিমবু থাগৎপা ফোঙদোকখি।

মন্ত্রী দা. রামেশ পোখ্রিয়ল নিশঙ্ককী ৱাখল্লোন তুংইন্দুনা কেন্দ্রগী এজুকেসন মন্ত্রালয়গী থৌরাংগী মতুং ইন্না প্রোফেসর তিৱারিনা কোবিদ-১৯গা মরী লৈনবা রিসর্চ অমসুং প্রদক্ত দিবেলপ তৌবদা মতেং পাংনবা দেদিকেতেদ ফন্দ অমা শেমগৎনবা ফিরেপ লৌখিবগা লোয়ননা ইন্সতিত্যুত অসিদগী এপ্রিল ২০২০গী লোইরকপদা প্রোজেক্ত অসিগীদমক শেলগী তেংবাং ফংখি।

তেস্ত অসিগী মতাংদা ৱা ঙাংলদুনা আই.আই.তি. খরগপুরগী দিরেক্তর প্রোফেসর ভি.কে. তিৱারিনা হায়খি, “মেদিকেল সাইন্সকী ইতিহাস্তা তশেংনা মসিনা খ্বাইদগী অচৌবা মতেং অমা ওইরি, মরু ওইনা ভাইরোলোজীগী লমদা অমসুং মসিনা পি.সি.আর.-বেজ তেস্তশিংগী মহুৎ শিনবদা চাউনা কান্নরগনি।”

ক্লিনিকেল তেস্তিং ফেজতা চংবা তোঙান তোঙানবা শেলগী চাদিং তৌবা অদুগীদমক আই.আই.তি. ফাউন্দেসন, য়ু.এস.এ.না প্রোজেক্ত অসিগীদমক শেলগী তেংবাং পীখি হায়নসু ফোঙদোকখি। আই.আই.তি. খরগপুরদা ভারত সরকারগী কাইন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.)না লিংখৎপা শেল চংদবা হেল্থক্যেরগী কম্মন রিসর্চ এন্দ তেক্নোলোজী দিবেলপমেন্ত হবতগী শেলগী তেংবাংগী শরুক খরসু পীরকখি।

রিসর্চশিংনা হোৎনরিবশিং অদু থাগৎলদুনা আই.সি.এম.আর-এন.আই.সি.ই.দি.গী দিরেক্তর দা. শান্তা দত্তানা হায়খি, “তেস্তিং অমসুং ভেলিদেসন অসি য়েংশিবদা, স্কিল লৈতবা হ্যুমেন রিসোর্সশিংনা ওপরেতরশিং ওইদুনা মতেং পাংবগা লোয়ননা লেবোরেতরীশিংগী মপালদা শীজিন্নবা য়াবা পুথোক-পুশিন য়াবা শেল-চংদবা মেছিন য়ুনিৎ অসিনা কোবিদ-১৯গী দাইগ্নোস্তিকশিংদা তশেংনা অওনবা অমা পুরকপা য়াবা অসি উবদা য়াম্না চাউথোকচবা পোকখি। শোত্থরবা মীয়ামগী মথৌ তাবা অসি থুংহন্নবা হৌজিক মসি অথুবদা কম্মর্সিএল ওইবা হেনগৎহনবা তঙাই ফদে। মখা তানা ফগৎহন্দুনা হেন্না পর্ফোর্মেন্স ৱাংবা পুথোক্নবা হোৎনবদা আই.সি.এম.আর.-এন.আই.সি.ই.দি.না হরাওনা মতেং পাংগনি।  ”

আই.সি.এম.আর-নে্সনেল ইন্সতিত্যুত ওফ কোলেতা এন্দ এন্তেরিক দিজিসেস (এন.আই.সি.ই.দি.)গী মহুৎ শিন্দুনা অনাবা মীওইগী ত্রাইএলশিং অসি য়েংশিনখিবা মালেম পুম্বনা খঙনরবা দা. মম্তা চৌলা সরকারনা ‘কোবিরাপ’ দাইগ্নোস্তিক তেস্তকী ভেলিদেসন প্রোসেসকী মতাংদা শন্দোক্না তাক্লদুনা হায়খি , “তেস্ত তৌবগী রিজলশিং অসি চেকশিন্নাদুনামসি অথুবদা কম্মর্সিএল ওইনবাকবা ফগলাইসািন্র্চ  স্ক্রুতিনী  তৌবদা এসে অসিনা চপ মান্নবা তেস্তিং প্রিন্সিপলশিংদা য়ুম্ফম ওইবা অতোপ্পা পাম্বৈ অমা হেক্তনা খঙদোকপা ঙমদবা য়াম্না অনেম্বা চাংদা য়াওবা ভাইরেল লোদশিং খঙদোকপা ঙম্মি, হৌজিক ফাওবদা মালেম শিনবা থুংনা লৈরিবা খ্বাইদগী মমিং লৈরবা রিসর্চ গ্রুপ অমত্তনা অসিগুম্বা পুথোকপা ঙমদ্রি। মসিনা লাইনা অসি য়াম্না ঙল্লিঙৈ স্তেজশিংদা খঙদোকপা ঙম্মি, অসুম তৌদুনা অনাবা মীওই অদু তোঙান্না থমদুনা লাইওং উত্তবা অনাবা মীওইশিংনা কম্ম্যুনিতীদা লাইনা অসি লাকশিনবা ঙমদনা শন্দোকপা অদু থিংবা ঙম্লগনি। ”

অনৌবা তেস্ত তৌবগী পাম্বৈ অসিনা আই.আই.তি. খরগপুরগী রিসর্চ তিমনা দিবেলপ তৌবা শেল চংবা য়াম্না হন্থবা পুথোক পুশিন য়াবা দিভাইস য়ুনিৎ অমদা থাজবা য়াবা মওংদা অমদি মরিক চুম্বা মোলিকুলর দাইগ্নোস্তিক প্রোসিজর ইমপ্লিমেন্ত তৌদুনা পাঙথোকপা য়াগনি। তেস্ত রিজল্তশিং অসি খুৎনা অমুক ইথোকপগী মথৌ তাদনা মরোল অদু কস্তম-মেদ মোবাইল এপ্লিকেসন অমগী থোংদা ফংগনি।

অফবা দাইগ্নোস্তিক প্লেৎফোর্ম অসি আই.আই.তি. খরগপুরগী মেকানিকেল ইঞ্জিনীয়রিং দিপার্তমেন্তগী প্রোফেসর ওইবা সুমন চক্রবোর্তী অমসুং আই.আই.তি. খরগপুরগী স্কুল ওফ বাইও-সাইন্সকী এসিস্তেন্ত প্রোফেসর ওইরিবা দা. অরিন্দম মোন্দলনা লুচিংবা রিসর্চরশিংগী তিম অমনা দিবেলপ তৌখি। দাইগ্নোস্তিক দিভাইস অসি আই.সি.এম.আর.গী ওথোরাইজ ইন্সতিত্যুত অমা ওইরিবা আই.সি.এম.আর.-এন.আই.সি.ই.দি.দা আই.সি.এম.আর.গী গাইদলাইনশিংগী মতুং ইন্না তেস্তিং প্রোতোকলশিং চেকশিন্না ঙাক্লগা শেমখি। মসিদা পাঙথোকখিবা তেস্তশিংনা উৎখি মদুদি দাইগ্নোস্তিক তেস্ত অমা হেক্ত মরিক চুম্নবা ইন্দিকেতরশিং ওইনা তোইনা শীজিন্নবা পেরামিতরশিং ওইরিবা স্পেসিফিসিতী অমসুং সেন্সতিবিতীগী চাং য়াম্না ৱাংবগা লোয়ননা অনৌবা এসসে অসিগী রিজল্তশিং অসি মমিং লৈরবা আর.তি-পি.সি.আর.গা চাংদম্নবা য়াখি।

আই.সি.এম.আর.-এন.আই.সি.ই.দি.না তেস্ত অসি য়াম্না য়ুজর-ফ্রেন্দলী ওই হায়না সর্তিফাইদ তৌখি। শীংথানিংঙাই ওইরিবদি মশিং য়াম্না তেস্ত তৌনবগীদমক্তা মেছিনগী য়ুনিৎ অমদা পুং অমগী বেচ অমদা তৌবা তেস্তকী মশিং অসি হেন্না য়ামখৎহনবা য়াই।

তেস্ত অসিগী মতাংদা শন্দোক্না তাক্লদুনা আই.আই.তি. খরগপুরগী মেকানিজেল ইঞ্জিনীয়রিং দিপার্তমেন্তগী প্রোফেসর সুমন চক্রবোর্তীনা হায়খি, “পেতেন্ত তৌখ্রবা মেছিন য়ুনিৎ অসিনা অনাবা মীওইগী সেম্পল তেস্ত তৌবদা কান্নবা খক নত্তনা মসি শেমদোক শেমজিন য়াই অমসুং জেনরিক ওই হায়বসু উৎখি। মসিগী অর্থদি চপ মান্নবা মেছিন অসিদা কোবিদ-১৯গী তেস্ত খক নত্তনা 'আইসোথর্মেল ন্যুক্লিক এসিদ-বেজ তেস্তশিং' (ইনেৎ)কী কাংলুপ্তা চনবা অতোপ্পা তেস্তশিং তৌবা য়াগনি হায়বনি। অতোপ্পা ৱাহৈদা হায়রগনা, ইনফ্লুঞ্জা, মেলেরিয়া, দেঙ্গী, জপানিস এন্সিফলাইতিস, ত্যুবর্ক্যুলোসিস অমসুং অতোপ্পা লাইনশিং লোয়ননা ভেক্তর-বোর্ন ওইবা লাইনশিং চপ মান্নবা মেছিন অসি শীজিন্নদুনা তেস্ত তৌবা য়াগনি। মসিনা মোলিক্যুলর দাইগ্নোস্তিক তেস্ত অমগী কান্নবা অদু মাংহন্দনা থর্মেল সাইক্লরশিং নত্রগা রিএল-তাইম পি.সি.আর. মেছিনশিংগী মথৌ তাবা তশেংনা হন্থহল্লগনি।” মহাক্না হায়খি, “ঙসিনা কোবিদ-১৯, ঙরাংনা লেপ্রোসী অমসুং তুবর্ক্যুলোসিস; হয়েংনা অতোপ্পা অমা ওইগনি। হায়রিবা পুম্নমক অসিগী রেপিদ অমসুং শেল চংদনা খঙদোকপদা তেক্নোলোজী অসিনা হায়-এন্দ মোলিক্যুলর দাইগ্নোস্তিকশিং অসি লেবতগী ফিল্দদা পুরক্তুনা অওনবা অমা পুরক্লগনি। মীওইবগী পুন্সিবু মতুংদা অমুক হন্না অৱাবা পীবা য়াবা লায়চৎশিং তুংদা লাক্কদৌরিবা চহিশিংদা থোরকপা অসি খঙদোকপা ঙম্বগী পাঙ্গল লৈবনা মরম ওইরগা মসিগী কান্নবা অসি মতম শাংনা চৎকনি।”

আই.আই.তি. খরগপুরগী স্কুল ওফ বাইওসাইন্সেসকী এসিস্তেন্ত প্রোফেসর ওইরিবা দা. অরিন্দম মোন্দলগী মতুং ইন্না, “অনাবা মীওইগী সেম্পলশিংগী তেস্তিং ফেজ মনুংদা আই.আই.তি. খরগপুরদা অখন্ননা দিবেলপ তৌখিবা কিৎ পুম্নমক অসি তেস্তিং য়ুনিৎতা কন্ত্রোল তৌদবা এনভাইরনমেন্ত অমদা পুথোক-পুশিন তৌখি, মসিনা তেস্ত তৌবদা শীজিন্নরিবা রিএজেন্তশিং অসিগী স্তেবিলিতীগী চাং অসি য়াম্না ৱাংঙি হায়বা উৎলি।”

‘কোবিরাপ’কী কম্মর্সিএলাইজেসন তৌবগী মতাংদা ৱা ঙাংলদুনা প্রোফেসর তিৱারিনা হায়খি, “ইন্সতিত্যুত অসিনা তেস্তিং কিৎ অসি মশিং খরা পুথোকপা ঙমগনি অদুবু পেতেন্তগী লাইন্সেন পীবনা মেদিকেল তেক্নোলোজী কম্পনীশিংদা কম্মর্সিএলাইজেসন তৌবগী খুদোংচাবশিং ফংহনগনি। তেক্নোলোজীগী লাইন্সেন লৌনবা অমসুং কম্মর্সিএল ওইনা য়াম্না পুথোক্নবা ইন্সতিত্যুত অসিদা কোর্পরেৎ নত্ত্রগা স্তার্তঅপশিংনা হায়জরকপা য়াগনি। ইন্সতিত্যুত অসিনা লায়চৎকী ওইরিবা ফীভম অসিগী চৈরক অসিদা পব্লিক হেল্থকী চেকশিল থৌরাং লৌখৎনবা খুৎশম্নদুনা চৎমিন্ননবা শেম শাদুনা লৈরি।”

****************