তিলহৌগী রিতেল প্রাইস অসি ওগস্ত ২০২০ লোইরকপদা মমল ৱাংখৎলকখি, অদুবু হায়রিবা মমলগী থাক অসি মমাং চহীগী ওক্তোবর ফাওবদা লৈখিবা মমলদুদগীদি তারি। হৌখিবা নুমিৎ ১০নিসিদা তিলহৌগী মমলদা কিলোদা লুপা ১১.৫৬তা খঙহেন হেনগৎলকখিবসিনা ভারত পুম্বগী তিলহৌগী রিতেল প্রাইসতা হেনগত্তুনা কিলোদা ৫১.৯৫ য়ৌখি, হায়রিবসি মমাং চহীগী কিলোদা লুপা ৪৬.৩৩ য়ৌখিবদুদগী চাদা ১২.১৩ হেনগৎখি।

সরকার অসিনা তাং ১৪.০৯.২০২০দা লাকশিন্নবা থৌরাং ওইনা লমদম অসিগী কঞ্জুমরশিংদা খারিফকী তিলহৌ য়ৌরক্ত্রিঙৈ মনুংদা মতীক চাবা মমলদা ফংহন্নবগীদমক মপান্দা তিলহৌ থাদোকপা থিংনবগী খোঙথাং লৌখৎখি। রিতেল প্রাইস্তা হেনগৎলক্লিবা অসি খরমখৈদি হন্থখি, মহারাস্ত্রা, কর্নাতাকা অমসুং মধ্য প্রদেশকী মরুওইবা তিলহৌ থাবা জিল্লাশিংদা হন্দক অকনবা নোং চুখিবনা খারিফকী মহৈ মরোংশিং, তুংশিন্দুনা থমখিবা তিলহৌশিং অমসুং মরু লোক্লিবশিংদা অকায়বা পীখি। ওইরক্লিবা ঈশিং নুংশিৎকী ফিবম অসিনা তিলহৌগী মমলদা হেনগৎলকখিবনি।

সরকার অসিনা রবিগী তিলহৌ-২০২০দগী বফর স্তোক ওইনা তুংশিন্দুনা থমহৌই। মমল হাইথহন্নবগীদমক, বফর স্তোক্কী তিলহৌশিং অসি সেপ্তেম্বর ২০২০গী অনীশুবা শরুক্তগী মরুওইবা মন্দি, সফলগুম্বা রিতেল সপ্লায়রশিং, কেন্দ্রিয়া ভান্দর অমসুং এন.সি.সি.এফ. অমসুং রাজ্য সরকারশিংদা তপ্না তপ্না থাদোকপা হৌখি। লাক্কদবা নুমিৎশিংদা অহেনবশিংসু লাকখিগনি।

তিলহৌ পুশিল্লকপা য়ানবগীদমক, সরকার অসিনা ২১.১০.২০২০দা মপান্দগী পুশিল্লকপশিংদা দিসেম্বর ১৫, ২০২০ ফাওবদা প্লান্ত ক্বারেন্তিন ওর্দর, ২০০৩গী মখাদা ফাইতোসেনিতরী সর্তিফিকেত্তা অহেনবা দিক্লারেসন অমসুং ফ্যুমিগেসনগী কন্দিসন্দা কোমথোকপা থমখি। মরী লৈনবা লৈবাকশিংদা লৈবা ইন্দিয়ন হাই কম্মিসন্দা লৈবাক অসিদা অহেনবা তিলহৌ পুশিল্লকপা য়ানবগী ত্রেদরশিংগা পাউ ফাওননবা খঙহনখি। অসিগুম্বা ভারতকী হিথাংফমশিংদা য়ৌরকখিবা পি.এস.সি.শিংদা ফ্যুমিগেৎ তৌদ্রিবা তিলহৌ মালশিং অসি ভারত্তা ইম্পোর্তরশিংনা এক্রিদিতেদ ত্রিৎমেন্ত প্রোভাইদরশিংনা ফ্যুমিগেৎ তৌগনি। করিগুম্বা স্তেম অমসুং বল্ব নেমাতোদ (দাইতাইলেঙ্কস দিপ্সাকি) নত্ত্রগা ওনিয়ন মেগোৎ (হাইলিমিয়া এন্তিক্বা) ফংবা তিলহৌশিং অসি ফ্যুমিগেৎ তৌদুনা মাংহনগনি অমসুং কন্সাইন্মেন্তশিং অসি অহেনবা ইন্সপেক্সন ফী লৌদনা থাদোকখিগনি। ইম্পোর্তরশিংদগী তিলহৌশিং অসি চানবগীদমক অমসুং প্রোপাগেসনগী নত্তবদা শীজিন্নগনি হায়বগী অন্দর্তেকিং অমা লৌগনি। অসিগুম্বা চানবগী তিলহৌগী কন্সাইন্মেন্তশিং অসি পি.ক্যু. ওর্দর, ২০০৩গী মখাদা ইম্পোর্তকী কন্দিসন ইন্দবনা মরম ওইদুনা অহেনবা ইন্সপেক্সন ফী মরিরক থিগদবদু থিররোই।

এল.এম.তি. ৩৭কী খারিফ মহৈ মরোং অসি মন্দিশিংদা য়ৌরকপা হৌদুনা মমল ৱাংলক্লিবসিদা খরমখৈ কোকহনবা ঙম্লগনি।

***************