প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাংথোকখিবা কেন্দ্রগী মন্ত্রী মন্দলগী মীফমদা ইন্সতিত্যুৎ ওফ চার্তর্দ একাউন্তেন্স ওফ ইন্দিয়া (আই.সি.এ.আই.) অমসুং মালেসিয়ন ইন্সতিত্যুৎ ওফ সর্তিফাইদ পব্লিক একাউন্তেন্স (এম.আই.সি.পি.এ.) অনিগী মরক্তা য়াশিন্নবা অদু অয়াবা পীখ্রে। মসিনা ইন্সতিত্যুৎ অনিগী মরক্তগী অমনা হেক্তা মতিক চারবা চার্তর্দ একাউন্তেন্সকী মীহুৎ অদুদা মহাক্কী লৈজরিবা একাউন্তেন্সীগী মতিক চারবা অপুনবা মশিংদা য়ুম্ফম ওইদুনা অতোপ্পা ইন্সতিত্যুত্তা য়াওনবগী খুদোংচাবা ফংগনি।  

চৎনহন্নবগী লাল্লোং অমসুং পান্দম:

আই.সি.এ.আই. অমসুং এম.আই.সি.পি.এ.না চে-চাংগী ওইবা অখন্নবা মোদ্যুলগী থোংদগী অমনা-অমগী মতিক চাবা অসিবু য়ানবা অসি পীনবগী পান্দমদা থৌরাং অমদা চংবা য়াগনি অমদি করম্বা য়ুম্ফমদা অতোপ্পা বোদীগী মতিক চাবা মীহুৎশিংগী মীহুৎ ওইনবা চংবা য়াগনি। মসিগী পুখৎলকখিবা এম.ও.য়ু. অসিদা মখোয় অনিমক প্রোফেস্নেল বোদী অসিগী চার্তর্দ একাউন্তেন্তকী মহৈ-মশিং, ইথিক্স, পরিখা, অমসুং প্রেক্তিকেল এক্সপরিএন্স লৈরবা ইন্সতিত্যুৎ অনিসিগী মীহুৎ ওইবগী মথৌ তাবশিং অসি শুনা লৈরবা মীহুৎশিং মনুং চনগনি।  আই.সি.এ.আই. অমসুং এম.আই.সি.পি.এ. অনিমক্না মাগী ওইনা মতিক চারবা/মিং চনবগী তঙাই ফদনা মথৌ তাবা, লেপ্তনা শিনফম অসিদা ফগৎলকপা (কন্তিন্যুএসন প্রোফেস্নেল দিলবপমেন্ত-সি.পি.দি.) থৌশিল-থৌরাং, একজেম্পসন অমসুং অতোপ্পা মরী লৈনবা মতাংশিংদা হোংদোকখিবশিংগী মতাংদা ই-পাউ পীখি।   

অথোইবা শাফু:

আই.সি.এ.আই. এসিয়া পেসিফিক রিজন্দা লৈরিবা ইন্সতিত্যুৎশিংগা লোয়ননা নাকল অনিগী ওইবা তেংবাং লৈহন্নবগী অনীংবা-অপাম্বা লৈ, মরম অসিনা মহাক্না এম.আই.সি.পি.এ.গা লোয়ননা এম.ও.য়ু. অদু খুৎয়েক পীবা পাম্মি। একাউন্তেন্সীগী ইন্সতিত্যুৎ অসিনা গ্লোবেলাইজ ওইরবা এনভাইরোনমেন্ত অমদা শিনফমগী মাংদা লৈরিবা অনৌবা শিংনবশিং অদু থেংনবদা লুচিংনবগী তাঞ্জা অমা ফংলগনি।  রিগুলেতরী ইন্সতিত্যুৎ অনিসিগী মরক্তা ফোর্মেল ওইনা য়ানবা অসিদগী নাকল অনিমক্কী স্তেকহোল্দরগী কাংলুপকী মরক্তা হেন্না চুন-চানবা  অমদি পাক-চাউনা অয়াবা পীনবা অসি হেনগৎহনগনি অমদি শিনফমগী ওইবা খুদোংচাবশিং  ফগৎহন্নবগী লম্বী অদু হেন্না চেৎশিহল্লগনি।

বেকগ্রাউন্দ:

ইন্সতিত্যুৎ ওফ চার্তর্দ একাউন্তেন্স ওফ ইন্দিয়া অসি দি “চার্তর্দ একাউন্তেন্স এক্ত, ১৯৪৯”গী মখাদা লিংখৎখিবা স্তেত্যুতরী বোদী অমনি। মসিগী থবক অসি ভারত্তা চার্তর্দ একাউন্তেন্সীগী শিনফম অসি চৎন-কাংলোন নাইহল্লি। মালেসিয়াগী মালেসিয়ন ইন্সতিত্যুৎ ওফ সর্তিফাইদ পব্লিক একাউন্তেন্স কম্পনীগী কম্পনিজ এক্ত ১৯৬৫গী মখাদা থবক পাংথোকই।

***