“য়েক্নবশিং ঐখোয়দগী মিতর ৫০ খক্তা লাপ্না লৈরে। মখোয়না ঐখোয়দগী মশিং য়াম্না হেল্লি। ঐখোয় য়াম্না খুদোংথিগদবা ফীভম অমদা লৈরে।  ঐখোয়গী অরোইবা লান্মী অমসুং অরোইবা নোংমৈ মরু অদু ফাওবদা ঐহাক্না খোঙফম অমত্তা হন্দোক্লোই”।

- মেজর সোমনাথ শর্ম

(পরম ভির চক্রা)

নেস্নেল ম্যুজিয়ম ইন্সতিত্যুত ওফ হিস্তরী ওফ আর্ত, কনজর্বেসন এন্দ ম্যুজিওলোজীনা এস.কে.আই.সি.সি.,স্রীনগর, কাশ্মিরদা “মেমোরিজ ওফ ২২ ওক্তোবর ১৯৪৭” হায়বা অসিদা নেস্নেল সিম্পোজিয়ম অমসুং একজিবিসন অমা পাঙথোক্কনি। নুমিৎ নিনিগী থৌরম অমা ওইরিবা নেস্নেল সিম্পোজিয়ম অসি ওক্তোবর ২২ অমসুং ২৩, ২০২০দা পাঙথোক্কনি। একজিবিসন অসিনা ওক্তোবর ২২, ২০২০দগী হৌগনি। জম্মু অমসুং কাশ্মিরগী লেফতনেন্ত জেনরেল শ্রী মনোজ সিনহানা প্রোগ্রাম অসিগী অথোইবা মীথুংলেন ওইগনি। কলচর অমসুং তুরিজমগী কেন্দ্রগী মন্ত্রী (আই/সি) শ্রী প্রহলাদ সিংহ পতেলনা ৱেবকী থোংদা থৌরম অসিদা শরুক য়াগনি। জম্মু অমসুং কাশ্মিরগী চীফ সেক্রেতরী শ্রী বি. ভি. আর. সুব্রহমন্যন অমসুং কলচর মন্ত্রালয়গী সেক্রেতরী, সি.ই.ও., দি.এম.সি.এস. অমসুং ভি.সি., এন.এম.আই. শ্রী রঘবেন্দ্র সিংহনসু থৌরম অসিদা শরুক য়াগনি।

নমথাক তৌবগী খুদমশিং অমসুং থৌনা ফবগী থম্লম্বা লনশিংগা লোয়ননা ভারতকী ইতিহাস্তা ওক্তোবর ২২, ১৯৪৭ অসি মুৎনাইদনা লৈহৌখি। অগস্ত ১৫, ১৯৪৭তা চহি চনিগী ময়াদা শুপ্নম শাসন তৌদুনা লৈরকপদগী ভারতনা নীংখা-তম্বা ফংখি। ভারতকী হান্নগী নীংথৌশিংদা মনীং-মখা তম্বা লৈবাক অমা ওইবা, নত্ত্রগা ভারতকী শরুক অমা ওইবা  নত্ত্রগা পকিস্তানগী শরুক অমা ওইবা হায়রিবশিং অসিদগী অপাম্বা খনবা অসিনা ১৯৪৭তা নৌনা নীংখা-তম্বা লৈবাক অমা ওইজরকপদা ঙাইরিবা ভারতনা থেংনখিবা খ্বাইদগী চাউবা অৱাবশিংগী মরক্তা অমনি। কলচর মন্ত্রালয়গী সেক্রেতরী, শ্রী রঘবেন্দ্র সিংহনা ‘মোহম্মদ অলী জিন্না অমসুং মহাক্না নৌনা শেমজবা পকিস্তান অসিগী ওইনা করিগুম্বা নীংথৌ পানবা লৈবাক অমা ওইরিবা জম্মু অমসুং কাশ্মিরনা ভারতকীদমক লেপখিবা থোক্লবদি মহাক্কী লৈবাক অনি থোকপগী থিওরী অদু মপুং ফানা কাইখিগনি’ হায়বা ৱারোল অসি পনখি। ওক্তোবর ২২, ১৯৪৭তা পকিস্তান্না কাশ্মিরদা লান্দাখি। ‘ওপরেসন গুলমর্গ’গী লান্দাবগী থৌওং অসি মতম অদুগী পকিস্তানগী প্রধান মন্ত্রী, নোর্থ ৱেস্ত ফ্রন্তিয়রগী মুখ্য মন্ত্রী, মুস্লিম লীগকী মেম্বরশিং অমসুং পকিস্তান আর্মী য়াওনা পকিস্তানগী মকোক থোংবা লুচিংবশিং পুন্না য়াওদুনা থা কয়া চংনা পোরন য়াৎলবা মতুংদা পাঙথোকখিবনি।

পকিস্তানগী আর্মীনা শৌগৎতুনা কাশ্মিরগী ত্রাইবেল লালহৌবনা ওক্তোবর ২২, ১৯৪৭তা লান্দাবা অসিনা তমথিরবা লুৎ পাৎ তৌবা, ইজৎ মাংহনবীবা, মৈ থাদোকপা অমসুং মীশী মীনা কয়া থোকখি। লান্দাবা অসিনা ইন্দো-পাক্কী অহানবা লানগী অহৌবা ওইখি অমসুং মতুং তারকপদা হৌজিক ফাওবা লৈবাক অসিদা অকায়বা পীরিবা থৌদোক মথং-মথং থোকহল্লি। ওক্তোবর ২৬, ১৯৪৭তা জম্মু অমসুং কাশ্মির অসি ভারত্তা তিনখি অমসুং ওক্তোবর ২৭, ১৯৪৭তা ভারতকী লান্মীশিং কাশ্মিরদা এয়রলিফ তৌখি। ওক্তোবর ২২, ১৯৪৭তগী হৌদুনা ভারতকী দিফেন্স ফোর্সশিংনা খুৎ থিংজিন্দ্রিবা ফাওবা কাশ্মিরদা লান্দারিবা ত্রাইবেল লালহৌবশিংগী পেনবা নাইদ্রবা মীওৎ মীনৈদা মীওই কয়াগী পুন্সি পীখম্নখিবগা লোয়ননা নুমিৎ খুদিংগী পাক শন্না লুৎ পাৎ তৌবা অমদি অমাং অতা থোকহনবগী তমথিরবা ৱারীশিংগা লোয়ননা কাশ্মিরনা অমম্বা পুন্সি মহিংদা হিংখি। তানফম অসিদা মথৌনা লৈবা মীওই কয়া থোরকখি অমসুং অখাং কনবা অমসুং থৌনা লিংজেলগা লোয়ননা মায়োক্নখি।

পকিস্তান্না নমথাক তৌদুনা লান্দাখিবগী খুদমশিং, কাশ্মিরিশিংগী অখাং কনবগী অমসুং থৌনা লৈবগী ৱারীশিং, লান্দারিবশিংবু ভারতকী লান্মীনা মাইথিবা পীখিবগী ৱারীশিং অসি মীয়ামদা লিথোকপা মথৌ তাই। ওক্তোবর ২২ অমসুং ২৩, ২০২০দা পাঙথোক্কদবা নুমিৎ নিনিগী নেস্নেল সিম্পোজিয়ম অমসুং ওক্তোবর ২৩, ২০২০দা হৌগদবা একজিবিসন অসিনা নমথাক তৌদুনা লান্দাখিবা অমসুং ভারতনা মাই পাকখিবগী রেকোদশিং অমসুং ৱারী খঙহন্নবা হোৎনবা অমনি।

নেস্নেল সিম্পোজিয়ম অসিদা হিরম অসিদা য়াম্না মমিং লৈরবা স্কোলরশিং অমসুং এক্সপর্তশিংনা শরুক য়াগনি। ৱাঙাংলোয়শিং অদুদি – প্রোফেসর রঘুবেন্দ্র তনৱার, লেফতনেন্ত জেনরেল সয়দ অতা হসনৈন (থবক্তগী পোত্থরবা), দা. মুকুলিতা বিজেৱাগিয়া, মরুফ রাজা, অজে জুগ্রান, লেফতনেন্ত গুরমীৎ সিংহ (থবক্তগী পোত্থরবা), প্রোফেসর কাপিল কুমার, প্রোফেসর অমিতাব মত্তু, শহরী ইকবাল চান্দ মলহোত্রা, শ্রী অশুতোশ, মেজর জেনরেল এস. ভি. থাপ্লিয়ল (থবক্তগী পোত্থরবা), এ.ভি.এম. অর্জুন সুব্রমনিয়ম (থবক্তগী পোত্থরবা), দা. রামেশ তমিরি, লেফতনেন্ত তেদা. রামেশ তমিরি, লেফতন্তেদ দি ইমন ওফ মজেনরেল দিভেশ অগ্নিহোত্রি (থবক্তগী পোত্থরবা), দা. দীপাঙ্কর সেন গুপ্তা, শ্রী সুশান্ত সরীন, লেফতনেন্ত জেনরেল পি.জে.এস. পান্নু।   সিম্পোজিয়ম অসিদা উৎকদবা প্রসেন্তেসনশিংনা মরু ওইবা তোঙান তোঙানবা হিরমশিংদা ওইগনি, মখোয়গী মনুংদা খরদি – “দি ইনবেসন ওফ জম্মু এন্দ কাশ্মির -ওক্তোবর ১৯৪৭: ফার্স্ত রিপোর্তস এন্দ পিপল’স রেস্পোন্স”, “লোকেল কাশ্মিরি রেজিস্তেন্স তু ত্রাইবেল ইনবেসন ওফ কাশ্মির ইন ১৯৪৭”, “বেত্তল্স ফোর দি দেস্তিনী ওফ জে এন্দ কে”, “কন্তেস্ত ওফ নরেতিবস এন্দ এতেম্পস ইন কোগ্নিতিব দোমেন্স: এন এনালাইসিস” ,“মেতাইয়র মকবুল শেরৱানী: মেমোরী, মাইথ, ইমেজিনেসন”, “মোতিবস, ৱার এন্দ ব্রুতেলিতীস: পকিস্তানি আর্মী –কবাইলীস এগ্রেসন ইন কাশ্মির”, “লান্দাবা অসিদা ব্রতিশনা লৌখীবা থৌদাং অমসুং মখা তারকপদা ১৯৪৭তা জম্মু অমসুং কাশ্মিরগী লৈবাক অসিগী হান্নগী নীংথৌ হরি সিংহগী দি ফেক্তো পার্তিসন অমসুং থৌদোকশিং  অসিনা মরম ওইরগা ২০২০ ফাওবদা পীরিবা চৈথেং”

‘মেমোরিজ ওফ ওক্তোবে ২২, ১৯৪৭’গী একজিবিসন অসিদা থৌদোকশিং মথং-মনাও নাইনা লোয়ননা ওক্তোবর ২২, ১৯৪৭দা লান্দাখিবগী মরু ওইবা ৱারীশিং অমসুং মখা তারকপা থৌদোকশিং উৎলিবা গ্রাফিক পেনেলশিং অমসুং ভিদিওশিং য়াওরি। একজিবিসনগী পেনেলশিংনা উৎকদবা –দি ত্রীৎতী ওফ লহোর, দি ত্রীৎতী ওফ অম্রিৎসর, পোপ্যুলর ৱিল ওফ ১৯৪৭, ইকনোমিক ব্লোকেৎ ওফ কাশ্মির, ১৯৪৭ – তুৱার্দস এক্সেসন, দি ইনবেদর্স বেক বাই পকিস্তান, পকিস্তানী মলিসা  দর্স বা তাংিৱানী, বরামুলাগ লান্দা্দস স, প্লন্দর ইন মুজফফরাবাদ, বরামুলা, দি চর্চ এতেক, মকবুল শেরৱানী, দি হিরো ওফ বরামুলাগী, ইনস্ত্রুমেন্ত ওফ এক্সেসন, কী দেৎস, গিলগিৎ গেম, পিপল’স মলিসা।

‘মেমোরিজ ওফ ওক্তোবে ২২, ১৯৪৭’গী নেস্নেল সিম্পোজিয়ম অমসুং একজিবিসন অসিনা ইতিহাসিক ওইবা থিম অমদা তুংলমচৎকী ম্যুজিয়ম অমগী মওং মতৌ শেমগৎপা ঙমগনি।

*****