২০২০গী দিশেম্বর ২২দগী ২৫ ফাওবা ৬সুবা ইন্দিয়ান ইন্তরনেসনেল সাইন্স ফেস্তিবেল(আই আই এস এফ) পাংথোক্লগনি। ঙসি নিউ দিল্লিদা পাংথোকখিবা হন্না য়েংশিনবা মীফম অমদা ৱাফম অসি সাইন্স অমসুং তেক্নোলোজি, আর্থ সাইন্সেস অমসুং হেল্থ অমসুং ফেমিলি ৱেলিফয়ারগী য়ুনিয়ন মিনিস্তর দোক্তর হর্স ভরধন্না লাউথোকখিবনি।

মীফম শরুক য়াখিবশিংদা য়ুনিয়ন মিনিস্তরনা হায়খি মমাংদা মহৌশাগী মতমদা পাংথোকখিবা অদুগী হেন্না পাক-চাউবা থাক অমদা ভর্চুএল ওইনা আই.আই.এস.এফ ২০২০ পাংথোক্কনি। চহি অসিদা অতোপ্পা মরী লৈনবা মিনিস্ত্রিশিং অমসুং দিপার্তমেন্তশিংগী মতেংগা লোয়ন্না আই.আই.এস.এফ ২০০ পাংথোক্নবা সি.এস.আই.আরনা মাংজিল থাগনি। 

মহাক্না হায়খি লেবশিংগী মপান্দা সাইন্স পুথোক্তুনা নহারোলশিং অমসুং মহৈরোয়শিংগী মরক্তা সাইন্স পামজবা অমসুং নুংশিবা য়োকখৎপগী মথক্তা, অত্মনির্ভর ভারত খক্তগী নত্তনা মালেমগী য়াইফনবা ভারতকী সাইন্তিস্তশিং অমসুং সাইন্স অমসুং তেক্নোলোজিগী অনৌবা থবকশিংনা লৌরিবা থৌদাং আই.আই.এস.এফতা মমি তাগনি। মালেমগী অৱাবশিং কোকহন্নবা অমসুং মীয়ামগী য়াইফনবা ভারতকী সাইন্তিস্তশিংনা লৌরিবা থৌদাং মালেমদা উহন্নবা ফেস্তিবেল অসিনা তাঞ্জা অমা পীরগনি। কোবিদ-১৯ লাকশিন্নবা ভারতনা লৌরিবা থৌদাং খঙহন্নবা অমসুং পাম্বৈশিং মশক খঙদোক্নবা অমসুং কোকচুংশিন্ননবা শরুক য়াগদবশিংদা মিনিস্তরনা খঙহনখি।

আই.আই.এস.এফকী অহানবা অমসুং অনিসুবা শরুক নিউ দিল্লিদা পাংথোক্কনি অমসুং অহুমসুবনা চেন্নাইদা, মরিসুবনা লখনৌদা অমসুং মঙাসুবা আই.আই.এস.এফনা কোলকাতাদা পাংথোক্কনি। হায়রিবা আই.আই.এস.এফশিং অসি ভারত মনুংগী মীওইশিং অমসুং মপান লৈবাকশিংগী মীওই মশিং য়াম্না শরুক য়ানবা খঙহল্লক্লে।

আই.আই.এস.এফ অসি সাইন্স অমসুং তেক্নোলোজিগা মরী লৈনবা ভারত সরকারগী মিনিস্ত্রিশিং অমসুং দিপার্তমেন্তশিং অমসুং বিজনানা ভারতি(বিবা)না পুন্না শীনবা চহি খুদিংগী পাংথোকপা থৌরম অমনি। আই.আই.এস.এফ অসি ভারত অমসুং মপান লৈবাকশিংগী মহৈরোয়শিং, অনৌবা পুথোকপশিং, খুৎহৈবশিং, লৌমীশিং, সাইন্তিস্তশিং অমসুং তেক্নোক্রেদশিংগা লোয়ন্না ভারতকী সাইন্স অমসুং তেক্নোলোজিগী থবকশিংদা মাইপাকপশিং হরাওবা ফোঙদোক্নবা কুম্মৈ অমনি।

নহারোলশিং য়াওনা ভারত অমসুং মপান লৈবাকশিংদগী মশিং য়াম্লবা সাইন্তিস্তশিং অমসুং মহৈলোয়শঙশিং আই.আই.এস.এফ ২০২০দা শরুক য়াগনি। আই.আই.এস.এফ ২০২০ মমাং অমসুং মতুংদা তোঙান-তোঙানবা হিরমশিংদা থৌরম কয়া পাংথোক্নবা থৌরাং তৌদুনা লৈরে।

মীফম অদুদা সেক্রেতরি দি.এস.তি, দোক্তর অসুতোস শর্মা, দি.জি, সি.এস.আই.আর দোক্তর সেখর সি.মন্দে, সেক্রেতরি দি.বি.তি দোক্তর রেনু শ্বরুপ, দি.জি আই.সি.এম.আর দোক্তর বালরাম বার্গব, জয়ান্ত সাহাস্ত্রাবুধে অমসুং অতোপ্পশিং শরুক য়াখি।

*****