'আত্মনির্ভর ভারত' ফংনবগীদমক দিফেন্স রিসর্চ অমসুং দিবেলপমেন্ত (আর. এন্দ দি.)দা স্তার্ত অপ অমসুং মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.)য়াওনা ভারতকী ইন্দস্ত্রীদা হেন্না শরুক য়ানবগীদমক ঙাকশেল মন্ত্রী শ্রী রাজনাথ সিংহনা দিফেন্স রিসর্চ অমসুং দিবেলপমেন্ত ওর্গনাইজেসন (দি.আর.দি.ও.) প্রোক্যুর্মেন্ত মেনুএল ২০২০ (পি.এম.-২০২০)গী অনৌবা ভর্জন অমা ঙসি মফম অসিদা ফোংখ্রে।

থৌরমদুনা ৱা ঙাংলদুনা শ্রী রজনাথ সিংহনা হায়খি, "অনৌবা দি.আর.দি.ও. প্রোক্যুর্মেন্ত মেনুএল অসিনা লমদম অসিগী দিফেন্স ইন্দস্ত্রীবু থবক থৌওংশিং লায়থোকহন্দুনা অমসুং মখোয়না দিজাইন অমসুং দিবেলপমেন্ত এক্তিবিতীশিংদা শরুক য়াহন্দুনা কান্নবা ফংহনগনি। পি.এম.-২০২০না প্রধান মন্ত্রী নরেন্দ্র মোদীগী মংলান 'আত্মনির্ভর ভারত'পু মংফাওনহনবদা মতেং পাংগনি। মহাক্না দি.আই.দি.ও.গী ওফিসিএলশিং অমসুং ঙাকশেল মন্ত্রালয়গী ফাইনান্স ৱিংনা শেমদোক্লবা পি.এম.- ২০২০ পুথোক্নবা হোৎনবদা মতেং পাংখিবগীদমক থাগৎপা ফোংদোকখি।

পি.এম.-২০২০না আর. এন্দ দি. প্রোজেক্ত/প্রোগ্রামশিং খোঙজেল য়াঙনা পায়খৎপদা মতেং পাংগনি। মেনুএল অসিগী শেমদোক্লবা ফিচরশিংসি ইদন্সত্রী অসিনা তোঙান-তোঙানবা আর. এন্দ দি. প্রোজেক্তশিংদা শরুক য়াহন্নবা তুং কোইনা শীজিন্নগনি।

অর্নেস্ত মনী দিপোজিৎকী বিদ সেক্যুরিতী দিক্লারেসন, এদভান্স পেমেন্তকী থ্রেসোল্দ লিমিৎ হেনগতপা, করিগুম্বা এল. ১না হন্দোকখিবা মতমদা খ্বাইদগী নেম্বা বিদ্দর ২ (এল. ২)দা ওর্দর পীবা হায়রিবশিং অসিনা অনৌবা মেনুএল অসিগী মরুওইবা মশকশিংনি, মসিনা ইন্দস্ত্রী অসিবু প্রোজেক্তশিং ঙন্না লোইশিন্নবা হোৎনবদা মতেং পাংগনি।

পি.এম.-২০২০গী অতোপ্পা মশক থোকপা খোঙথাংশিংদি প্রাইস দিস্কোবরী অসি মার্কেৎ ফোর্সশিংগী থোংদগী লাকপা ওইরবদি লুপা লাখ ১০ ফাওবগী বিদ সেক্যুরিতী অমসুং পার্ফোরমেন্ত সেক্যুরিতী য়াওদবা, কম্মর্সিএল ওফ দি সেল (সি.ও.তি.এস.) আইতেম/সর্বিসশিংদা য়াশিন্নবা পুরক্তবনি।

সর্বিস কন্ত্রেক্তশিংগী পার্ফোর্মেন্স সেক্যুরিতী অসি অপুনবা কন্ত্রেক্ত ভেল্যুগী মহুত্তা পেমেন্ত সাইকলদা লিঙ্ক তৌবা। দিবেলপমেন্ত পার্ত্নরশিংদগী দুকান লৈবা, লেম্না পীবা পোৎলমশিংবু বেঙ্ক গরেন্তীশিংগী মহুত্তা ইন্সুরেন্স কবরনা ঙাকপী শেনবীবা হায়রিবশিং অসি ইন্দস্ত্রী অসিবু মতেং পাংনবগীদমক লৌখৎখিবা খোঙথাংশিংনি।

অনৌবা পি.এম. ২০২০ অসিদা, দিবেলপমেন্ত কন্ত্রেক্তকী লিক্বিদেতেদ দেমেজ (এল.দি.) রেৎ হন্থরে। দেলিবরী পেরিয়দ (দি.পি.) শাংদোকপগী থবকশিং অসি ৱারেপ লৌবদা থুনবগীদমক লায়থোকহল্লে। অতোপ্পা মনুংগী ওইবা থৌরাংশিং ইন্দস্ত্রী অসিগা খোঙজেল য়াঙনা এঙ্গেজ তৌবা য়ানবগীদমক মখা তানা লায়থোকহল্লে। মসিমসু প্নবা য়াই মদুদি মমাংগী দি.আই.দি.ও.গী প্রোক্যুর্মেন্ত মেনুএল অদু ২০১৬দা শেমদোকখিবনি।

থৌরম অদুদা শরুক য়াখিবশিংগী মনুংদা সেক্রেতরী দিপার্ত্মেন্ত ওব দিফেন্স রিসর্চ অমসুং দিবেলপমেন্ত অমসুং চিয়র্মেন দি.আর.দি.ও. দা. জি. সথীস রেদ্দী, সেক্রেতরী (দিফেন্স ফাইনান্স) শ্রীমতি গর্গি কৌলান্দ, অতোপ্পা ঙাকশেল মন্ত্রালয়গী মকোক থোংবা ওফিসিএলশিংসু শরুক য়াখি।

*****