আই.এফ.এফ.সি.ও. অমসুং সিক্কিম সরকারগী ওর্গানিক জোইন্ত বেঞ্চর, এস.আই.এফ.সি.ও.না সিক্কিমগী রাংপোদা ইন্তিগ্রেতেদ ফুদ প্রোসেসিং য়ুনিৎশিং ঙরাংদগী শাবা হৌখ্রে। মসি শাবগী থবক অসি ওক্তোবর ২০২১ ফাওবগী মনুংদা লোইশিনগনি অমসুং পোত্থোক পুথোকপদি কোন্না হৌগনি। ইন্তিগ্রেতেদ ফুদ প্রোসেসিং য়ুনিৎ ২ অসি শেম-শাবগী অপুনবা শেনফম লুপা করোর ৫০ চঙদুনা শাবা হৌবনি।

প্লান্তশিং অসিগী উরেপ-উয়ুং অসি মমাংগী চহিদা সিক্কিমগী মুখ্য মন্ত্রী শ্রী পৱন সিংহ তমাংনা কেন্দ্রগী লৌউ-শিংউ মন্ত্রী শ্রী নরেন্দ্র সিংহ তোমার য়াওদুনা য়ুংখিবনি। মসিনা সিক্কিমদা ওর্গানিক ফার্মিং তৌবা অসিদা শাফু পীবতা নত্তনা অৱাং-নোংপোক রাজ্যশিংগী অতোপ্পা মফমদা লৈবাক ওর্গানিক ফার্মরশিংদসু শাফু পীগনি। মালেমগী লায়চৎ অসিনা প্রোজেক্ত অসিবু থা খরা থেংথহনখ্রবনি। সিফকোনা অথুবা মতমদা জর্মনি, ইতালী অমসুং অতোপ্পা য়ুরোপকী লৈবাকশিংদা লৈবা এজেন্সীশিংগী খুত্থাংদা অতেকপা শিংগী লল্লোন-ইতিক তৌবা হৌরগনি। সিফকোগী পোত্থোক খুদিংমক অসি ১০০% ওর্গানিক ওইগনি অমসুং মসিদা খুদোংথিগদবা পোৎলম অমত্তা মহৌশাগী ওইনা য়াওরোই।মসিনা তুং কোইনা চৎকদবা লৌউবগী থৌওংদা খুমাং চাউশিলহনগনি অমসুং গ্রীন হিমালয়ান ইকোনোমীবু হেন্না খুমাং চাউশিলহনগনি।

প্লান্ত শাবগী থবক অসি মফমসিগী চৎনবী ভুমি পুজা অমগা লোয়ননা রাংপোগী শাফম অসিদা পাঙথোক্তুনা হৌখি। সিক্কিম লেজিস্লেতিব এসেমব্লীগী স্পীকর শ্রী এল.বি. দাস; সিক্কিমগী লৌউ-শিংউ মন্ত্রী শ্রী লোক নাথ শর্মা অমসুং সিক্কিম ইফকো ওর্গানিক্সকী মেনেজিং দাইরেক্তর শ্রী মনিশ গুপ্তা অমসুং অতোপ্পা সেনিয়র ওফিসিএলশিং অমসুং সিক্কিম ইফকো অমসুং সিক্কিম ইফকো ওর্গানিক্স লিমিতেদকী ওফিসিএলশিংনা থৌরম অদুদা শরুক য়াখি। মসিগী প্লান্তশিং অসিনা লৌমীশিংগী চাগাবু ইং ২০২২ ফাওবগী মনুংদা শরুক অনি থোক্না হেনগৎহনবদা তেংবাংগনি মরমদি প্রধান মন্ত্রী শ্রী নরেন্দ্র মোদীগী মঙলানগী মতুং ইন্না মখোয়গী পোত্থোকশিং অসি মখোয়দগী হকথেংননা লৈগনি।

সিক্কিম অসি মমাংদগী হৌনা ১০০% ওইবা ওর্গানিক রাজ্যনি হায়না খঙনরবনি। জোইন্ত বেঞ্চর অসিগী পান্দমদি ভারতকী অমসুং মালেমগী কঞ্জ্যুমরশিংদা তেক্ত-কায়দবা ফুদ সপ্লাই চেন অমা লৈহনবনি। মসিগী জোইন্ত বেঞ্চর অসিনা অহানবা ওইনা শিং, য়াইঙং, অচৌবা কার্দামোম অমসুং বকৱিৎ প্রোসেস তৌবগী থবক পাঙথোক্কনি। মসিগী মহৈ-মরোংশিং অসি সিক্কিম ওইনা য়াম্না পুথোকপা অমসুং মীরমদা থাদোকপগী মতিক লৈবশিংনি। সিফকোনা পোত্থোকশিং অসিবু লৈবাক্কী অমসুং মালেমগী তোঙান-তোঙানবা মার্কেৎশিংদা য়োনগনি। মসিগী হীরম অসিদা এম.ও.য়ু. অনিদি হান্ননা খুৎয়েক পীনখ্রবনিঃ ১) ব্লোসম বাইওদাইনামিক্স, য়ু.এস.এ.গা অৱাং-অমেরিকাগী মার্কেৎশিংদা মখোয়গী পোৎ-য়োনবা অমসুং য়েন্থোকপগী থৌওংশিং শিজিন্ননবা অমসুং ২) ক্রোএসিয়াগী সেন্তার দাঃ রুদোলফা স্তৈনেরাগা মখোয়গী পোত্থোকশিং অসিবু ক্রোএসিয়া অমসুং য়ুরোপিয়ন য়ুনিয়ন্দা য়োন্নবগীদমক্তা।

*********