এন.তি.পি.সি. দাদ্রিনা লৈবাক অসিগী ওইনা খ্বাইদগী নানবা কোয়লা কাপ্পা প্লান্ত অমা ওইনবা হোৎনরি অমসুং মসিগীদমক্তা মৈখু থাদোকপগী মতাংদসা সি.পি.সি.বি.গী কাঙলোনশিং ইন্দুনা চৎলি। মৈখু থাদোকপগী হীরম খুদিংমক ওনলাইন্দা য়েংশিনলি অমসুং খুদক-খুদক্কী ওইনা সেন্তর পোল্ল্যুসন কন্ত্রোল বোর্দ (সি.পি.সি.বি.) থারি। এন.তি.পি.সি. লিমিতেদনা থাদোরকপা চেরোল অমগী মতুং ইন্না পাৱর মন্ত্রালয়গী মখাদা লৈবা পি.এস.য়ু. অসিনা ফ্ল্যু গ্যাস থাদোকপা অমসুং পার্তিক্যুলেৎ মেত্তরশিং অসি ই.এস.পি. (ইলেক্ত্রোস্তেতিক প্রিসিপিতেতর)গী অৱাংবা থাক্তা ইফিসিএন্সী লৈদুনা সি.পি.সি.বি.গী কাঙলোনগী মনুংদা নীংথিজনা লৈদুনা মসিগী এম.দবল্যু. ২১০গী য়ুনিৎ ৪ অমসুং এম.দবল্যু. ৪৯০গী য়ুনিৎশিংদা মথৌ তৌরি হায়খি।

এস.ও.এক্স. হন্থহনবগী ওইনা দ্রাই সোর্বেন্ত ইঞ্জেক্সন (দি.এস.আই.) সীস্তেম অসি লৈবাক অসিদা খ্বাইদগী অহানবা ওইনা য়ু.এস.এ.গী য়ু.সি.সি. (য়ুনাইতেদ কনভেয়র কোর্পোরেসন)গী তেক্নোলোজীগা লোয়ননা এম.দবল্যু. য়ুনিৎ ২১০দা খিনখ্রে অমসুং য়ুনিৎ ৪মক্না মৈখু থাদোকপগী কাঙলোন ইন্দুনা চৎলি। এফ.জি.দি. সীস্তেম অসিসু বি.ঐচ.ই.এল.না জাপানগী মিৎশুবিশি পাৱর ৱর্কসকী তেক্নোলোজীগা লোয়ননা এম.দবল্যু. ৪৯০গী য়ুনিৎশিংদা থবক ওইনা শিজিন্নবগী খুমাং চাউশিনবা থাক্তা লৈরি।

এম.দবল্যু. ২১০গী য়ুনিৎ খুদিংসু এন.ও.এক্স.কী মৈখু থাদোকপগী কাঙলোন হান্ননা ইন্দুনা চৎলি। এম.দবল্যু. ৪৯০গী য়ুনিৎশিংদসু এস.ও.এফ.এ. (সেপারেতেদ ওভর্ফাইয়র এয়র) সীস্তেম অসিসু খিনখ্রে অমসুং য়ুনিৎ খুদিংনা হৌজিক এন.ও.এক্স.কী মৈখু থাদোকপগী কাঙলোন ইনলে।

এন.তি.পি.সি. দাদ্রিনা বোইলরশিংদা কোয়লাগা লোয়ননা বাইওমাস পেল্লেৎশিং কাপমিন্নবগী থৌওং অহানবা ওইনা পাঙথোক্লি। পেল্লেৎশিং অসি লবুকশিংদা মৈ থাদোকখিদুনা এন.সি.আর.গী মফমশিংদা পোল্ল্যুসন থোকহনগদবা হস্ক নত্ত্রগা এগ্রো-রেসিদ্যুদগী শাবনি। পেল্লেৎ তোন ৮০০০ হেনবা অসি এন.তি.পি.সি. দাদ্রিগী বোইলরশিংদা কাপখ্রবনি অমসুং মসিগী চাং অসি কনবা ঙমখ্রবা একর ৪০০০মুক্কী লৌবুক্তা মৈ থাদোক্লমগদবগী চাং অদুগা মান্নবনি।

এন.তি.পি.সি. দাদ্রিনা ইনগদবা কাঙলোনগী চাংদগী হেন্দোক্তুনা জিরো লিক্বিদ দিসচার্জ সীস্তেম অমসুং নোংগী ঈশিং য়োকশিনবগী পথাপ শিজিন্নদুনা ঈশিং শিজিন্নবগী থৌওংদা মশক থোকপা থৌওং পাঙথোকখ্রে।

তুং-কোইনা চৎকদবা অকোয়বা অমা পুরক্নবা এন.তি.পি.সি.না পাঙথোকপা থৌওংশিং-

এন.তি.পি.সি.না ইনর্জীবু দিসেন্ত্রেলাইজদ, দিকার্বোনাইজদ অমসুং দিজিতেলাইজদ ইনর্জীদা ওন্থোক্নবা মাংজিল থানা থবক-থৌরম কয়া অমা পাঙথোক্লি। মসিনা কম্পেনী অসিনা দিকার্বোনাইজেসন অমসুং নুংশিৎ থাদোকপদা লাকশিনবা, ঈশিং অমসুং বাইওদাইবর্সিতী কঞ্জর্বেসন, সর্ক্যুলর ইকোনোমী, হেল্থ অমসুং সেফতী, খুন্নাই চাউখৎহনবা, মপাঙ্গল লৈবা ফাইনান্স অমসুং ইথিক্স অমসুং তুং-কোইনা চৎকদবা সপ্লাই চেন অমগী শিংনবশিং থেংননবা অহানবা ওইনা পাঙথোক্কদবশিংগী চাউরবা ফ্রেমৱর্ক অমা পীরি।

অকোয়বগী মতাংদা খোঙফম চেৎপগী শরুক অমা ওইনা এন.তি.পি.সি.না সেক্তর অসিদা অহানবা ওইবা থৌওং কয়া পাঙথোকখ্রে। এন.তি.পি.সি.না মৈ পুথোক্নবগীদমক্তা এগ্রো-রেসিদ্যু শিজিন্নদুনা লৌবুক্তা মহৈ-মরোং মৈ থাবগী থৌওংশিংবু পুক্নিং হন্থহল্লি। এন.তি.পি.সি.না লৈবাক অসিদা লৈরিবা মখোয়গী প্লান্ত খুদিংদা সলফর দাইওক্সাইদ হন্থহনবা ফ্ল্যু-গ্যাস দিসলফরাইজেসন (এফ.জি.দি.)গী তেক্নোলোজী অসি শিজিন্নবা ঙম্নবা কন্না হোৎনরি। এন.তি.পি.সি.না তুং কোইনা চৎপা অকোয়বা অমা লৈহন্নবগীদমক্তা তোঙান-তোঙানবা ফত্ত-হৌদিশিংবু ইনর্জী প্রোজেক্তশিংদা শিজিন্ননবা কন্না হোৎনরি।

এন.তি.পি.সি.না মখোয়গী ইনর্জী পোর্তফোলিও অসিবু রিন্যুএবল ইনর্জী (আর.ই.)গী হৌরকফমগী কেপাসিতী কয়া অমা হাপচিন্দুনা হেন্না শংহন্নবা পায়খৎপা য়াবা খোঙথাং খুদিংমক পাঙথোক্লি। কম্পেনী অসিনা ইং ২০৩২ ফাওবগী মনুংদা মখোয়গী অপুনবা মৈ পুথোকপা ঙম্বগী মনুংদা চাউরাক্না ২৫%গী চাং ওইগদবা আর.ই.গী হৌরকফমশিংগী খুত্থাংদা য়ামদ্রবদা এম.দবল্যু. ৩২০০০গী কেপাসিতী লৈহন্নবা কন্না হোৎনরি।

******