ইন্দিয়ন একাদমী ওফ হায়ৱে ইঞ্জিনিয়র্স (আই.এ.ঐচ.ই.)গী ৫শুবা জেনেরেল কাউন্সিল মীফম রোদ ত্রান্সপোর্ত অমসুং হায়ৱেজকী কেন্দ্র মন্ত্রী শ্রী নিতিন গারকরিনা থৌরম মপু ওইদুনা ঙসি ভিদিও কন্ফরেন্সিংগী খুত্থাঙদা পাঙথোকখ্রে‍। মীফম অদুদা এম.ও.এস.-আর.তি. এন্দ ঐচ. জেনেরেল (রিতাইয়র্দ) দোক্তর ভি.কে. সিংহ, সেক্রেতরী-আর.তি. এন্দ ঐচ., দি.জি. (আর.দি.) এন্দ এস.এস. অমদি গভর্নিং কাউন্সিলগী মেম্বরশিংনা শরুক য়াখি‍।

ইং ১৯৮৩দা লিংখৎখিবা আই.এ.ঐচ.ই.না কেন্দ্র লৈঙাক, স্তেত লৈঙাকশিং, পি.এস.য়ু.শিং, লোকেল বোদীশিং, থিকাদারশিং অমসুং কন্ত্রেক্তরশিংগী মখাদা থবক তৌরিবা হায়ৱে ইঞ্জিনিয়রশিং অমসুং প্রোফেসনেলশিংদা এন্ত্রী লেভেল ত্রেনিং/রিফ্রেসর কোর্স/ হায়ৱে, থোং অমসুং তনেল ইঞ্জিনিয়রিংগী অখন্নবা হীরমশিংগী মতাঙদা ত্রেনিং/ ওরিএন্তেসন প্রোগ্রামশিং/ মেনেজমেন্ত দেভেলপমেন্ত প্রোগ্রামশিং/ স্ত্রেতেজিক ত্রেনিং প্রোগ্রাম্নচিংবশিং পীদুনা লাক্লি‍।

অদুম ওইনমক হায়ৱে দেভেলপমেন্ত প্রোগ্রামশিংদা হেন্নবা ফবা মওংদা থৌদাং য়াবা য়ানবগীদমক্তা আই.এ.ঐচ.ই.গী থৌওংশিং মশক থোক্না পাকথোক চাউথোকহন্নবা অমদি ফীভম ফগৎহন্নবগী মথৌ তাবা ফীভম লৈখি‍। মদুগী মতুং ইন্না মন্ত্রালয়না আই.এ.ঐচ.ই.বু হায়ৱে সেক্তরগী মালেমগী থাক্কী মকোক থোংবা ইন্সতিত্যুৎ অমা ওন্থোক্নবা রিকম্মেন্দেসন পীরক্নবগীদমক্তা রোদ ত্রান্সপোর্ত অমসুং হায়ৱেজ মন্ত্রালয় (এম.ও.আর.তি.ঐচ.)কী হান্নগী সেক্রেতরী শ্রী ৱাই.এস. মলিক্না লুচিংবা কম্মিতী অমা শেমখি‍।

আই.এ.ঐচ.ই.গী মীৎয়েঙ মশক থোকপা মথৌ অহুমদা, মমীং ওইনা (১) ত্রেনিং, (২) হায়ৱে অমসুং পব্লিক ত্রান্সপোর্ত সেক্তরদা এপ্লাইদ রিছর্চ অমসুং দেভেলপমেন্ত, অমদি (৩) রোদ সেফতী অমসুং রিগুলেসন, হায়বসিদা ফীভম ফগৎহন্নবা পীরকপা কম্মিতীগী রিকমেন্দেসন অদু কাউন্সিলনা নৈনখি অমদি আই.এ.ঐচ.ই. হায়ৱে সেক্তরদা মালেমগী থাক্কী মকোক থোংবা ইন্সতিত্যুৎ অমা ওন্থোক্নবগীদমক্তা মথৌ তাবা থবক থৌরমশিং মখা তানা পায়খৎনবা ৱারেপ্নখি‍।

***