কেন্দ্রগী এজুকেশন মন্ত্রী, শ্রী রামেশ পোখ্রিয়াল ‘নিশাঙ্ক’না ভর্চুৱল ওইনা ঙসি এন.আই.তি. রুরকেলা (ওরিশা)গী  নৌনা শাখিবা গোলদন জুবিলী বিলদিং অদুবু শঙ্গাখ্রে। গোলদন জুবিলী বিলদিং অসি ইন্সতিত্যুত অসিনা চহি য়াংখৈ মপুং ফানা লৈরকপগী নীংশিংনবগীদমক্তা থৌরাং তৌখিবনি।

থৌরম অদুদা ৱা ঙাংলদুনা, মন্ত্রী অদুনা হায়খি মদুদি এন.আই.তি. রুরকেলা অসি লৈবাক অসিগি মাংজিল থাদুনা চৎলিবা ইন্সতিত্যুশন অমনি অমসুং মসিনা লৈবাক অসিগীদমক্তা খ্বাইদগী ফরবা কোক লৈরবা মীওই কয়া অমা পুথোক্তুনা লাক্লি। মহাক্না হায়খি মদুদি এন.আই.তি.রুরকেলাগুম্বা ইন্সতিত্যুশনশিং অসিনা এন.ই.পি. চৎনহনবদা য়াম্না মরু ওইবা থৌদাং লৌগদৌরিবনি।

মহাক্না হায়খি মদুদি মফম অসিগী অকোইবদা খ্বাইদগী ৱাংবা বিলদিংশিংগী মনুংদা অমা ওইনা রুরকেলা সিতীদা মীংচৎ পুরকপদা বিলদিং অসিনসু শরুক য়ারি, মসিগীদমক্তা এন.আই.তি. রুরকেলাগী অপুনবা ফেমিলী অসিনা চাউথোকলিবনি। মশকনাইরবা স্ত্রকচর অসি মেতাফোরিকেল অমসুং জিয়োগ্রাফিকেল ওইবা মওংদা ‘এন.আই.তি. রুরকেলাগী থমোই’নি হায়না মখা তাখি।

শ্রী পোখ্রিয়ালনা খঙহল্লকখি মদুদি মসিগী বিলদিং অসি  চাউরাক্না লুপা করোর ৯৫ চংনা শিখিবনি অমসুং ভারত সরকারগী এজুকেশন মন্ত্রালয়না শেন্থং পুম্নমক খাইথখি। মসি হৌজিক ওরিশাগী রুরকেলাদা খ্বাইদগী ৱাংবা বিলদিং ওইরে হায়না মহাক্না হায়খি। বিলদিং অসি স্ক্ব্যার মিতর ৭০০০তা শনদোক্তুনা লৈ অমসুং মসি দিপার্তমেন্ত খুদিংমক্তগী চপ মান্ননা লাপ্পা মফমদা, ময়াই ওইরপ্না লৈ। স্ত্রকচরগী ওইনা য়েংলবদি, বিলদিং অসিদা ফ্লোর তরেতকী ব্লোক অমা লৈ অমসুং ফ্লোর ১৪ লৈবা তাৱর ব্লোক অমসু য়াওরি হায়না মহাক্না মখা তাখি।

শ্রী পোখ্রিয়ালনা মরু ওইনা পনখি মদুদি মসিগী বিলদিং অসি থম্বগী থমখিবা মঙলান অসিনা এদমিনিস্ত্রেতিবকী থবক-থৌরমশিংদা ইফিসিয়েন্সী হেনগৎহন্নবা অমসুং মসিবু হেন্না পীপল-ফ্রেন্দলী ওইহন্নবা তেক্নোলোজী অমালগেমেত তৌবগী থৌওং অসিগা লোইননা ইন্সতিতুত অসিগী খ্বাইদগী মরু ওইবা মোতোশিংগী মনুংদা অমদি মপুং ফাহনগনি। মহাক্না মখাতানা হায়খি মদুদি  অহাংবা লমহাংশিং অমসুং হেন্না ফগৎলবা সেফতী অমসুং সেক্যুরিতীগী ফীচরশিং য়াওরবা খ্বাইদগী নৌবা আর্কিতেকচর অসিনা ইন্সতিত্যুত অসিগী এমপ্লোয়ী পুম্নমক্তা খ্বাইদগী ফবা ৱার্কিং এক্সপরিয়েন্স পীগনি। মসিগী স্মার্ত বিলদিং অসিনা কেমপস অসিগী চিংলেম্বদা মগুন হাপকনি, মসি হেক হৌদোরকপদগী ইন্সতিত্যুত অসিগী ফিলোসোফীদা মপুং ওইদুনা লাক্লবা ময়ামদগী মীথোই মীহেনবগী ৱাখল্লোন অমসুং কত্থোকপা অদুবু ময়েক শেংনা উৎলি হায়না মহাক্না মখা তাখি।

বিলদিং অসিনা মালমগী থাক্তা লৈবা কনফরেন্স সেন্তর অমা লৈগনি, অমসুং মেজানিন অমনা তোঙান্না খাইদোকপা ফ্লোর অনিদা লাইব্ররী অমা লৈগনি। বিলদিং অসি ইমর্জেন্সীগীদমক্তা ফায়র সেন্সরশিং অমসুং ওতোমেতিক ৱাতর সপ্রিংক্লরশিংসু য়াওরি। হোজিক্কী প্লান অসিগী মতুং ইন্নদি, ওফিসশিং খুদম ওইনা একাদেমিক সেক্সন, একজামিনেশন সেক্সন, ইস্তাব্লিশমেন্ত সেক্সন, ফাইনান্স সেক্সন, পর্চেজ, অমসুং ইন্তর্নল ওদিত, এলুম্নি অমসুং ইন্তরনেস্নেল রিলেশনশিং, স্পোনসর তৌখিবা রিসর্চ, ইন্দস্ত্রীয়েল কন্সলতেন্সী, অমসুং মখা চত্থরিবা এজুকেশন সেল অদু মসিগী বিলদিং অসিদা হোংজিল্লগনি। মসিগী বিলদিং অসিদা অতোপ্পা কয়াগী মনুংদা দাইরেক্তরগী ওফিস, দীনশিংগী ওফিসশিং, রেজিস্ত্রারগী ওফিস, বোর্দ রুম, অমসুং সেনেত হোলসু য়াওনা থমগনি। বিলদিং অসিগী মতোন্দা তেলেসকোপ অমা খিনগনি, অমসুং দিপার্তমেন্ত ওফ অর্থ অমসুং এতমোসফরিক সাইন্সেস, ফিজিক্স অমসুং এস্ত্রোনোমীনা ক্লাইমেত অমসুং সোলার সীস্তেমগি মতাংদা ওবজার্ভেশনশিং তৌনববগীদমক্তা প্রোভিজনশিং লৈগনি। ব্লোক অসিগী বেসমেন্ততা সেন্তর ওফ এক্সেলেন্স অমা লৈগনি, স্কিল দিবেলপমেন্ত অমসুং ত্রেনিংগী মথৌ তারিবশিং অদুবু মপুং ফাহন্নবা মোদর্ন ইন্সতিত্যুসনগী ওইবা তঙাইফদবশিংগীদমক্তা খ্বাইদগী নৌবা লেবোরেতরী ১২ লৈগনি।

*****