ঙাকশেল মন্ত্রালয়

মালাবার ২০২০গী নেভেগী এক্সর্সাইস

Posted On: 19 OCT 2020 5:09PM by PIB Imphal

মালাবারগী নেভেল এক্সর্সাইসকী পরিং অসি ইং ১৯৯২দা ইন্দিয়ন নেভী-য়ু.এস.কী লৈবাক অনিগী মরক্তা পাঙথোকপা থৌওং অমা ওইনা হৌদোকখিবনি। ইং ২০১৫দগী জাপান্না এক্সর্সাইস অসিদা য়াওরকখি। মসিগী চহিগী ওইনা পাঙথোকপা এক্সর্সাইস অসি ইং ২০১৮দা ফিলিপিন সমুদ্রগী গুৱামগী তোর্বান ময়াদা, ইং ২০১৯দনা জাপানগী সমুদ্রগী তোর্বান ময়াদা পাঙথোকখি অমসুং হন্দক্কী চহিগী অথেংবদা বে ওফ বেঙ্গোল অমসুং আরাবীয়ান সীদা পাঙথোক্কনি হায়না থাজনরি।

ভারতনা মেরিতাইম ঙাক শেনবগী হীরম অসিদা অতোপ্পা লৈবাকশিংগা খুৎশম্নদুনা চৎমিন্নবা হেনগৎনবা হোৎনরিবা অমসুং ঙাক-শেলগী মতাংদা ওস্ত্রেলিয়াগা মরী লৈনবগী থৌওং হেনগৎলক্লিবা অসিগী মতুং ইন্না মালাবার ২০২০দা ওস্ত্রেলীয়াগী নেভীসু শরুক য়াগনি।

হন্দক্কী চহিগী ওইনা মসিগী এক্সর্সাইস অসি “শোক্ন-শম্নদনা সমুদ্রদা পাঙথোকপা”গী মওংদা য়ুম্ফম ওইদুনা শিল্লি। এক্সর্সাইস অসিনা মসিদা শরুক য়ারিবা লৈবাকশিংগী নেভীশিংগী মরক্তা লৈনরিবা মরীবু হেন্না কনখৎহনগনি।

এক্সর্সাইস মালাবার ২০২০দা শরুক য়ারিবশিংনা মেরিতাইমগী হীরমদা শোই-ঙামদবা অমসুং তেক্ত-কায়দা থোকহন্দনবা থৌওংশিং হেনগৎহন্নবা হোৎনগনি। মখোয়না অথিংবা-অপনবা লৈতবা, হাঙদোকপা অমসুং পুম্নকপু মনুং চলহনবা ইন্দো-পেসিফিক অমা ওইহন্নবা অপুনবা ওইনা শৌগৎলি অমসুং মালেমগী কাঙলোনগী মতুং ইনবা চৎনবী ইন্দুনা চৎপদা খোঙফম চেৎনা লৈগনি।

*****



(Release ID: 1665984) Visitor Counter : 48